السلاااااااااام عليييكم
شلووونكم حبايبي شخباااركم انشااءالله بخيييير << تحسون انها تكلم بزران على هالاسلوب
المووووهم انا جيتكم اليوم وبقول لكم قصه سمعتها واعجبتني لما فيها من فوائد للفرد والمجتمع << اخلصي بس
السااالفه ياطويليين العمر والسلامه قديمه تقوووول انه فيه واحد كان معرووف بكرمه بين الناس يعني كان كريم كريم حيييييييييييييييييييل
وكان كل ماينزل عنده ضيف يكرمه 3 ايام احسن واجمل اكرام وبعدين يخاويه الين حدود ديرته واذا جا يودعه عطاه ذاك الــــكــــف اللي يحبه قلوبكم ويروح ويخليه !!
الناس كانو يستغربون ليه يسوي كذا يعني وش زينه اول الايام واخرتها يخربها بكف ليه
قااام واحد مشهور بكرمه بس غير ذاك ابوسطارات < امش ياللقب قال انا اللي بكشف سره
قام انت يالكريم راح وسير على الثاني الرجال ابوسطارات وقعد عنده ثلاث ايام ويقرب موعد التسطير ويقوم هو ويخاويه ابوسطارات وكان الضيف يمشي خطوه ويقول اللحين بيسطرني
وفجأه قام المضيف ويودع الضيف بحراااااره ويسلم عليه ويمشي ويخليه !!
قام استغرب الرجال قال لحظه ماتحس انك نسيت شي ؟؟ قال الثاني لا وشو ؟؟ قال ماسطرتني .. ؟ << مسكين مستعد للكف زياده عن اللزوم
قال المضيف مستحييييييييييل لالا انت مايهينك الا الردي
قال طيب وشمعنى اللي قبل كنت تسطرهم وانا لا ؟؟؟
قال اللي قبلك كانوا يردون كرمي لهم فمثلا لما أجيب لهم المسند عشان يستندوا عليه قاموا وحلفوا اني مااجيبه ولا تعب نفسك انا مرتاح كذا !!
وإذا جيت أبي اعطيهم من افضل انواع التمور عندي قالوا:لا والله لاتجيبه خله عندك بناكل من اللي عندنا لاتتعب حالك خلك مرتاح
وإذا جيت أبي اجلسهم في احسن مكان عندي في البيت قالوا:لا لالا مرتاحين هنا خلنا في هالمكان أفضل أنت بس لاتتعب نفسك
وإذا جيت أطيبهم من أفضل أنواع الطيب عندي :قالوا :لاوالله ماتطيبنا لالا الله يهيدك لا لا ارتاح وريح نفسك
يعني كل ماجيت اكرمهم ردوني عن كرمي فيستاهلون اسطرهم كف ومن قلبي
لكن انت كريم أطيبك وتتطيب وتكثر بالخير ...أعطيك المسند وتنسند عليه ..أجلس في احسن مكان في بيتي وتبادلني الكرم بكرم نواياك تشرب من اللبن اللي اعطيك إياه بدون حلف ولا تحليف
وهذا سر الكف اللي اسطرررر به ضيوفي
وطبعا ماادري القصه حقيقيه اولا
المووووهم نجي للزبده من هالقصه
1_ إذا رحتي عند ناس ومعزومه عندهم وقالت لش المضيفه تعالي أجلسي هنا لا تقولي واللــه مااقوم لا خليني مرتاحه لاقومي بكل لطف واجلسي في المكان اللي طلبت منش تجلسي فيه لأن 1 يمكن في مكانش الاول شي ماتبيش تشوفينه...2. يمكن الباب قدامش ويكشف على شي في البيت ماتبيش تشوفينه..3 أو تخاف يطلع احد من محارمها ويشوفش..
2_لما تجي المضيفه تصب لش القهوه او الشاي او تمد لش من التمر لا تقولي لا مرسي مااحبه مااشربه وتحيرين المضيفه لا خذي من ايدها وقولي تسلم ايدش الله يعطيش العافيه وحتى ان كنتي ماتحبي القهوه خذي فنجال واحد اغصبي نفسش عليه إرضاء لها يعني هي تعبت في المطبخ وتبي تكرمش وترديها يعني صعبه
3_لما تطيبش لا تردي الطيب الا في حاله كنتي واثقه من انش بتمري برجال او بتروحي مع السواق عندها لش الحق ترديها وأما غير كذا تطيبي تلقيها جالسه ساعه في غرفتها تفكر وش تطيبش به من احلى عطوراتها وقولي لها(طاب طيبش وعاش حبيبش وجعل الله الجنه نصيبي ونصيبش :D )
آمين
4_ سلاااااااااااااامتكم هذا مافي جوووعبتي يابنيات اتمنى اني افدتكم وماغثيتكم بكثر الحكي
وبالنسبه للشباب يمكن تستفيدون من كم حاجه
وسي يووووو في موضوعٍ ثاني
عاد اللي يدخل ويقرى الموضوع يرد ولامايطلع الا بسطار ""امزح لااحد يعصب :D ""