محاورة د. حمد العصيمي ( و) بدر العجمي بـ أختصار

[سعود الخويطري]

	السلام عليكم ورحمة الله وبركاته انقل لكم محاورة مباشرة جرت في موقع مشراف بين الشاعر المبدع/ بدر العجمي ( و) الشاعرالمبدع/ د.حمد العصيمي محاورة رائعه بكل ماتملك من نقض وفتل وارجو الاستمتاع بها

سلام الله علـى الشعـار والجمهـور والدكتـور = سلامٍ مثل وصف المسـك لا شكلـه ولا لووونـه
تهرج يالعصيمى وانت وافـى ماعليـك قصـور = مدام انى معك والجمر الاحمر فـوق غليووونـه
هلا يا مرحبا با الصف والشاعر وبـا الجمهـور = عـدد نـو السحـاب اللـي عبـاد الله يرجونـه
نبا ندفعك جوف البحر الاحمر وارس يـا بابـور = عسى البابور موج البحر مـا يخلـف دركسونـه
يدوم الك البقا والبال (ف) احلال الفخر مسـرور = لاكن البيت ابا صفـك وابـا صفـى يشيلووونـه
انا فى ماقفى ملـزم وانـا فـى ماقفـى مجبـور = وقولو للعصيمى من ورى راسه ومـن دووونـه
يسد الحاضر الموجـود دون الغايـب المعـذور = وكـل يحتمـي ماقفـه يـا العجمـي بحاجونـه
وانا واقف معك لو كان تاقف لـك ثمـان شهـور = ولا لديـت فـي بعـض الكـلام اللـي تقولونـه
الـك خبـره ودبـره يابدويـن قاهـر المقهـور = على هونى ليا شفته مـع البيـدا علـى هووونـه
يارعى اللقمه اللى ناشبـه ماوصلـت الحنجـوور = ولا يـا امكبـر اللقمـه نشـووف الـدمـع( ف) عـيــوونــه
عساها خير يا اللي جيت تعدي فـاول المظهـور = ومن له ديـن عنـد الثانـي يسـدد لـه ديونـه
تخلص من حبيب قبل تنشب فـي نحـر مستـور = ترى الارواح في دنيا الشقـا ماهيـب مضمونـه
تبا الشيخه لاكنى يالعصيمى حارمـك مكبـووور = تـرا علـمٍ تجيبووونـه بعـد باكـر تودووونـه
((تقوله وانت محنى فى يديـه حنـوة الباكـور)) = انـا كـم واحـدٍ بيحـت خااافيـه ومكنوووونـه
ورثناها من ابن حميـد تركـي جدنـا المذخـور = مهي من تمر ابو حثلين يا العجمـي وعرجونـه
يبا يظهرك حظك من هذاك العش يـا العصفـور = ويفسد بيضك اللي جامعـه فـي وسـط كرتونـه
زمانٍ فـات فـات ومـات والدنيـا عليـك ادور = حبوبك فى رحاة الشيخ ابن حثليـن مطحووونـه
بعد جينا معانا الكحـل وعـلاج العيـون العـور = حكمنـا حكـم قاضـى نافـذٍ حكمـه وقااانونـه
على العجمان تضحك با الدعايه والكـلام الـزور = تقول ان الوعـل يقـدر يـدف الظلـع بقرونـه
بعد جيتو ولا طعتوا كـلام اللـي يحكـم الشـور = ترى من جاب معه الكحـل ارد الكحـل بعيونـه
انا فالدرب والعجمان خلـف البيـرق المنصـور = ندكك دك والعجمـى كعـام اللـى يلاقوووونـه
ولا يالموتر اللى علته فـى داخـل الماااطـوور = يوضب كل عـام ولا مشـى ميـل دركسووونـه
حرام اني لاضحي بك بليل مـا طلـع لـه نـور = مثل يـوم علـى وادي الرشـا وانتـم تخبرونـه
جنايزكـم كثيـره كـل ليلـه تحفـرون قـبـور = ودهـان السيـور سيـوره مـن العـام مدهونـه
حرام انـى لا علـم واحـدٍ ماطاعنـى مغـرور = يحسب الليث يظحك يومها تبـرق لـه اسنوونـه
ابعطيك المرايه لين تعـرف وجهـك المجـدور = بعدها قـم تصوبـن وغسـل الفـره بصااابونـه
عصى موسى على فرعون ونويصر تحت منصور = بعون الله لاقض اكبر هرم مـن فـوق فرعونـه
يبو وجه ملمـع تحسـب عتيبـه مثـل دارفـور = عتيبـه عندهـم سيـف يقـص الـراس بمتونـه
الا ياربعنـا راح العصيمـى راح تحـت الـزور = تحت زور الجمـل لعـل لـه ربـع ويبيحونـه
عتيبـه لا توهقهـا وتغرقهـا فسبـع بـحـوور = وتشمتهـا القبايـل واهـل التاريـخ يقرررونـه
مقادير الليالـي غيـرت صـورة جملكـم ثـور = وطاح الثور ما بيـن الحبـال وكثـرت طعونـه
ابوك اللي مورثك العصى اللي راسهـا مشقـور = ليـا مـنـا كسرنـاهـا عليـكـم لا تلومـونـه