قـــــــــــــــــــبـــــــــــــــل الــــــــفــــــراق

[غــــريــــب]

قالت سلام وقلت أهلين حياك...

قالت علامك قلت وشو علامي..

مافيه شي زين إلى وقد جاك...

وعلى لقاك اليوم ماني بضامي..

أكذب عليك إن قلت ودي بلقياك...

وأكذب عليك إن قلت زايد غرامي..

قالت تعال وشوف حالي بلياك...

جسمي نحل والعين عيت تنامي..

أسهر طوال الليل لي مر ذكراك...

مع طيور الصبح أرسل سلامي..

العين لك مسكن والروح تفداك...

وعلى جفاك القلب ينزف ودامي..

قلت العفو يابنت ماودي أنساك..

لاكن قدر من عند رب الأنامي...

المعذره إن كان حبي قد أبكاك..

ياليت تنساني وتسمع كلامي...

بقولها يالزين حبي تعداك..

وأقبل تحياتي وصادق سلامي...