قصيدة للشاعر والشيخ محمد بن فالح بن طفلة

[ابن طفله]

بسم الله الرحمن الرحيم
السلام عليكم ورحمة الله وبركاته
هذه القصيده قالها الشيخ والشاعر محمد بن فالح بن طفلة حينما كان في موسكو لعلاج عيناه فقال هذه القصيدة متذكراً الكويت و قبيلتة متمنياً أن يعود سريعاً الى أرض الوطن

ناصر حضر دفترك والكتابه=حضر قراطيسك مع زين الاقلام
جعلك تشوف الي حسينٍ جنابه=اللي زها زين الخلاخيل ووشام
وحنا نشوف بلادنا اللي تشابه=جنات عدنٍ فيها حسينات الأنعام
فتحت صندوق الحشا وجاك مابه=مثل البحر قام يتلاطم تليطام
هني من شاف الكويت ومشا به=ذيك البلاد اللي بها نور الاسلام
هواه مسك وزعفرانٍ ترابه=ومساجدٍ فيها مصلين وصيام
وفيها الصباح شيوخ عز ومهابه=عسى لهم عز وعسى عزهم دام
عسى ربي يضفي عليهم جنابه=شيوخ الشيوخ اللي يغذون الايتام
وفيها قبايل نجد مثل الذيابه=منهم مخضبة الخناجر بني يام
عجمان لاشبت شبوب الحرابه=يهتز منهم نجد والترك والشام
كم شيخ قومٍ حاسبينٍ حسابه=من ضربهم بنحورهم طاح ما قام
كني أشوفه يوم نطرح ثيابه=من ضرب ربعي جاوا بزرانه أيتام

[مسعطر]

الله الله ,,,

الله يرحمه ,,,,

و جعله فالجنه و لا تقطعنا من القصيد الزين الله يرحم جدك و يسكنه الجنه ,,,


تقديري و إحترامي ,,

[عليل المحبه]

ياسسسسلام

الله يرحمه ويسكنه الجنه

اطربتني القصيده جعل عمرك طويل


لاهنت

[ابن طفله]

الله يجزاكم خير ويرحم شيبانكم
والقصيدة ذي اهداء لمنتدى العجمان عموماً وللأخ مسعطر خاصه ولا يهونون الربع
وشاكر مرور الأخ عليل المحبه

[بندر العجمي]

الله الله



صح الله لسانك




والله يرحم الشاعر محمد فالح بن طفله ويسكنه الجنه



شاعر ومؤرخ وفقيده والله لايشينك على النقل الطيب

[ابن طفله]

صح الله بدنك يا بندر العجمي ويجزاك خير ويرحم شيبانك واموات المسلمين
وشكراً على مرورك العطر