الحب مثل النوم قصيدة للشاعر المبدع محمد بن فطيس

[مانع الوعيلي]

الحب مثل النوم .. والوصل .. الاحلام

والشيين من الاحلام..صـد المحبييـن

نوم ٍ طويل ٍ عمره اشهوور واعـواام

وان قمت.. ففهمها فرااق وسهر عين

وانا رقدت وعمري اربع عشـر عـام

وصحيت في شهر اربعه عام الالفيـن

نـوم ثقيـل كلـه احـلام واوهــاام

ونصيبي من احلامه الجانـب الشيـن

صحى الفرااق اقلوب في عكسه..نيـام

وغاب الفرح وانا بعكسه الى اللحيـن

ياحزن كبدي حزن من ضاق ثم حـام

اخذت فروخه مـادرى ليـه ولويـن؟

بعد ما شاف العـش عيـدان وعظـام

خاالي..تفكر فووق ويساار.. ويميـن

خلا عشاها فيه ومـن الوطـى شـاام

زبن علـى روحـه وفـل الجناحيـن

وياوجد حالي وجد من نـام ثـم قـام

على صياح امـه وهـو دون رجليـن

عويق وامـه تنعتـه والنعـت سـام

وهو خابر انه يقسم الصـف صفيـن

حبا وصـاح بصيحـة تاصـل الشـام

منهـا تقطـع فـي خفوقـه شراييـن

على وليـف قسـم اظنونـي اقسـام

واقفى وانا ما اعرف طـرد المقفيـن

راح وترك في صدري ووسووم واعلام

وصى علـي طيفـه وقفـى بقلبيـن

ليتـه تعـذر كـان مـاهـو بـمـلام

بعد ماشااف الـدرب بيسيـر دربيـن

اشوى عليه شوي..من عـظ الابهـام

واشوى علي شوي..من دمعة البيـن

تمشـي بنـا الاقـدام والمـوت قـدام

وميعادنـا يمفـرق اثنيـن بعـديـن

ياعيـن لا تبكيـن وعيونـه تـنـام

عادش الى ما خـاب ظنـي بترضيـن

لـو الدمـوع اتفيـد فـادن الايـتـام

ولو الكـلام يفيـد عـادت فلسطيـن

ولـو النبـاات يطلعـه دمعـة هيـام؟

شفتوا على وجهـي ورود وبساتيـن

الحب سجن..وبعد الاحبـاب الاعـدام

وقلوبنـا السجـان مـدري مساجيـن

الحب نوم عمـره اشهـوور واعـوام

وان قمت ففهمها فرااق وسهر عيـن

[ذلتهم عيوني]

صح لسانه ابن فطيس
تسلم اخوي ع الذوق الرومنسي

[سقم الحريب]

مانع الوعيلي لاهنت وبيض الله وجهك
وصح الله لسان الشاعر المبدع
بن فطيس

[مانع الوعيلي]

لاهنتوا اخواني على المرور ويعطيكم الف عافيه

[مسعطر]

و يا وجد حالي وجد من نـام ثـم قـام=على صياح امـه وهـو دون رجليـن
عويق و امـه تنعتـه والنعـت سـام=وهو خابر انه يقسم الصـف صفيـن
حبا وصـاح بصيحـة تاصـل الشـام=منهـا تقطـع فـي خفوقـه شراييـن

ااااااااااالله اااااااااااالله ,,

اشهد بالله ان ابن فطييييس غيييييييييييييييييييييييير ,,

اتعب و انا اقول ان شعره غييير ,,


صح لساانك ,, يا وجه هشااام ,,
على الإختيار الحلو يا حلو


تقبل مروري ,,
أستودعك الله ,,

[مانع الوعيلي]

لاهنت اخوي مسعطر على المرور ويعطيك الف عافيه

[عجب ال سالم]

الله لايهنيك ياوعيلي وبيض الله وجهك

صح لـــــــــــــــــــــــسانــــــــــــــك

[مانع الوعيلي]

لاهنت اخوي عجب ال سالم على المرور ويعطيك العافيه

[شيخة الغلا]

وياوجد حالي من نام ثم قام = على صياح أمه وهو دون رجلين
عويق وأمه تنعته والنعت سام = وهو خابر إنه يقسم الصف صفين
حبا وصاح صيحة تاصل الشام = منها تقطع في خفوقه شرايين

أشهد إنه توجد

اشهد بالله ان ابن فطييييس غيييييييييييييييييييييييير ,,

اتعب و انا اقول ان شعره غييير ,,

وشهادتي مع شهاتك صح لسانه وعلى شانه وصحت يمينك (( مانع )) ولا هنت 00 ذوووق فالقمه إختياراتك عجييبه ورائعه لاتحرمنا جديد

[مانع الوعيلي]

لاهنتي اختي الغنوج على المرور ويعطيش الف عافيه