محمــــد الشــــــــامري في وجـــــها لوجـــــه مع أعضـــاء منتديات العجمــــان*__^

[أبو ناصر]

السلام عليكم ورحمة الله وبركاته

ارحب يابو منصور والموضوع منوور بك

واعذرني على تأخري لان مشكلة السيرفر ما انحلت عندي الا الليله مادري وش السالفه لي كم يوم اذا دخلت
المنتدى مايكون متصل الا انا لحالي ازهق واطلع اثاريه من المشكله وانا اقول الاعضاء وين راحوا

المهم عندي بعض الاسئله:

1-انت تقول انك من المتابعين الحافظين للشعر ماشاء الله عليك .وش رايك في قصيدة ابن الذيب اللي يقول في اولها جراح قصر لي على عبد المجيد ؟

2-ماهي اجمل قصيده قرأتها؟؟واقوى بيت شعر نبط في نظرك؟؟؟

3-اقوى قصيده قرأتها لشعراء المنتدى؟؟

4-مارأيك في طلال السعيد؟؟

-----------------------------------

5-مجلس الشورى ناقش اليوم قيادة المرأه للسياره؟؟هل تتوقع ان يطبق القرار؟؟

6-لو انتخب اعضاء مجلس الشورى اتتوقع ان يبقى االاعضاء العلمانيون؟؟ وما السبب؟؟


ولي ان شاء الله عوده

[محمد الشامري]

مرحبا السااااع لكم يميع,,,,, اولا يزاك الله خير يالعنيد على هالمقدمة الوايد حلوة في حق محمد الشامري ..

هلا وغلا ملايين والله .. والله يجزى الجميع خير ان شاء الله ..


وثاني شئ أحب أرحب فيك اخوي محمد الشامري في وجها لوجه,,,واحب أقول لك انك من اهم اعضاء المنتدى الي لهم وجودهم الملحوظ اهني,,,,, والمنتدى ماله غنى عن عضو مثل محمد الشامري.,,,,


الله يرحب بك يالغالي وهلا بك مليارات ماعاد بهي ملايين ..

والمهم وجودكم طال عمرك .. وانتوا الخير والبركه ولاهنت على كلامك الطيب يامنبعه ..


سؤالي: ماذا يعني لك التوقيع ها,,, لا زعيـــــــــــــــــــم في حضـــــــــــــرة المــــــــــــــــــــــــلك .,,,,,

خلني اعلمك بسالفة ذا التوقيع طال عمرك ..

هذا مره في الجامعه انا ورفيق لي قحطاني .. المهم كنا رايحيين لشؤون الطلاب بعطيهم ورقه انا ..

وصلنا هناك وسألنا موظف وين ابوصالح ؟؟ .. قال ابوصالح مهوب موجود

قلت انا خلاص اجل اخذ ذا الورقه خلصها وجبها لنا .. قال ما اقدر اسوي شي والزعيم غايب .. يقصد ابوصالح ..

نقز رفيقي القحطاني وقال : لازعيم في حضرة الملك ... وهو يأشر علي ههههههههههه

انا طبعا استانست واعجبتني الجمله جدااا ..

وخذيتها وحطيتها توقيــــع ..


وهل هالتوقيع يمثل محمد الشامري,,,؟

ما اعتقد .. لأني اؤمن بمقولة من تواضع لله رفعه ..


ماهي طموحاتك الي تحب انك توصل لها بشكل عام؟

طموحاتي طال عمرك .. احقق النجاح في حياتي بشكل عام

يعني نجاح أسري ونجاح مهني


وأكبر طموح لي .. أنت تعرفــه ..

واتمنى واطلب الله اني احققـــه ..


ومشكور ويزاك الله الف خير وعافيه,,,,

العفـــــــو والجميع ان شاء الله والله يعافيك ..


وحياك الله يالغالــــــــــــي ..

[محمد الشامري]

السلام عليكم ورحمة الله وبركاته

وعليكم السلام ورحمة الله وبركـــاته .. ياهلا والله


ارحب يابو منصور والموضوع منوور بك


والبقــــى ياسمو الاميــــر .. والموضوع منور بأهله اللي هم انتوا طال عمرك ..


واعذرني على تأخري لان مشكلة السيرفر ما انحلت عندي الا الليله مادري وش السالفه لي كم يوم اذا دخلت
المنتدى مايكون متصل الا انا لحالي ازهق واطلع اثاريه من المشكله وانا اقول الاعضاء وين راحوا


معذور يالغالي .. والمهم تواجدك معنا ..


المهم عندي بعض الاسئله:


تفضل واخذ راحتك طال عمرك ..

اسلــــــــــم ..


1-انت تقول انك من المتابعين الحافظين للشعر ماشاء الله عليك .وش رايك في قصيدة ابن الذيب اللي يقول في اولها جراح قصر لي على عبد المجيد ؟


اللي يقول مطلعها جراح (ولاتهون) قصر لي على عبدالمجيد ..

قصيده رائعه خصوصا انه مدح فيها ابن لادن ..

والقصيده بشكل عام عنوانها ابن لادن ..




2-ماهي اجمل قصيده قرأتها؟؟واقوى بيت شعر نبط في نظرك؟؟؟

أجمل قصيده طال عمرك .. والله ماقدر احدد لك بالظبط لكثرتها ..

لكن بحدد لك كم قصيده .. منها قصيدة الشيخ راكان بن حثلين الله يرحمه يامحلى الفنجال..

وعندك قصيدة ابن قضعان اللي مسندها للشاعر مانع بن شلحاط .. وياوجودي ايضا ..

وعندك قصيدة ابن الذيب اللي يقول فيها ياليل خير وماذكرتك الا بخير ..

وغيرها الكثير ..

اما أقـــوى بيت طال عمرك .. كثير لكن استثني منهم

هذا البيت لأبن حثلين الله يرحمه


ماقل دل وزبدة الهرج نيشان *** والهرج صامله يكفي عن كثيره


البيت هذا في نظري يسوى قصايد .. وبيت حكمه يعني خالد للأبد ..


3-اقوى قصيده قرأتها لشعراء المنتدى؟؟

والله قصائد كثيره .. ماشاء الله شعراء المنتدى واجد كلن يقول الزود عندي


لكن انا من وجهة نظري الشخصيه المتواضعه ..

اقواها عندي .. قصيدة الاخ الغالي الشاعر العرجاني محمد ((النادره))..


4-مارأيك في طلال السعيد؟؟

شاعر جزل .. وله قصايد تعجبني ..


5-مجلس الشورى ناقش اليوم قيادة المرأه للسياره؟؟هل تتوقع ان يطبق القرار؟؟


توقعاتي .. انه ماراح يتتطبق .. وان شاء الله انه مارااح يتطبق..




6-لو انتخب اعضاء مجلس الشورى اتتوقع ان يبقى االاعضاء العلمانيون؟؟ وما السبب؟؟

ابلشتني بالسياسه ياسمو الامير الله يهديك ههههههههههه


والله أكذب عليك ان قلت لك اني فاهمك زين .. انا مانيب متابع سياسي خصوصا لسياستنا الداخليه

لذلك شي ما اعرفه مانيب مفتي فيه

وسامحني يالغالي ..


ولي ان شاء الله عوده

ابرك الساعات والله

وانا في انتظارك يالقرم

وحياااااااك الله ..

[المستحيله]

يسعد صباحك ..
الاخ الفاضل \ محمد الشـــامري ..

يعطيك الف عافيه .. وماقصرت ..!
اسمح لــي طال عمرك ..

1\ ماهي حدود المجامله التي يجب على الجميع الوقوف عندها حتى لاتصل الى : منافقه \ كذب !!؟
2\ النقــد .. ماهو رايك بـ النقد والكل يـعرف ان لـ النقدد اساسيات يجب التقيد بـها !!؟ وهل تعتقد ان النقد دافع قوي بـ نجاح الكثيــر !؟ وماهي الحدود التي يجب عدم تخطيها حتى لا يصل النقد لـ هجوم وبـ التالي يكون نقد جارح !!؟
3\ عضــو يطلق عليه محمد الشامري " نصفي الثاني " !
4\ عضــو تقوله " أحبك بـ الله .. وتعجبني مشاركاتك وجودك يسعدني دائما .. فـ لا تحرمنا "!
5\ قسم يـ حتاج لـ اهتمام أكثــر !؟
6\ ماذا تمثل لك المجالس التاليه !!؟ ومن بـرأيك عضوها المميــز " ملكهــا !"
- المجلس العام .,!
- المجلس الترفيهي .,!
- المجلس السياسي .,!
- المجلس الرياضي .,!
- مجلس الشعر النبطي .,!


وأعتذر على الاطاله ..
دمت بـ ألـــــــــــف خير
تحياتي لك ..

[محمد الشامري]

يسعد صباحك ..
الاخ الفاضل \ محمد الشـــامري ..

وصباحش سعيد ياهلا والله بالمستحيله ..

يعطيك الف عافيه .. وماقصرت ..!
اسمح لــي طال عمرك ..

الله يعافيش .. ويسلمش ..

وتفضلي طال عمرش ..


1\ ماهي حدود المجامله التي يجب على الجميع الوقوف عندها حتى لاتصل الى : منافقه \ كذب !!؟

حدود المجامله طال عمرش .. والله شوفي اولا انا ما اعرف اجامل كثير وممكن يكون هذا احد عيوبي .. لأن المجامله لابد منها .. بس انا هنيا اقصد المجامله في الرأي .. مهوب المجامله في المعامله ..

انا اجامل كثير في المعامله .. لأن الحياه بشكل عام تحتم علينا التعامل مع ناس اشكال واشكال .. وفيه طبعا منهم مايعجبنا .. لكن نجامله ونمشي امورنا واموره ..

واتمنى اني وفقت في الاجابه .. على هذا السؤال ..


2\ النقــد .. ماهو رايك بـ النقد والكل يـعرف ان لـ النقدد اساسيات يجب التقيد بـها !!؟ وهل تعتقد ان النقد دافع قوي بـ نجاح الكثيــر !؟ وماهي الحدود التي يجب عدم تخطيها حتى لا يصل النقد لـ هجوم وبـ التالي يكون نقد جارح !!؟

النقد والله شي جيد ولولاه ماكن تحسنت امورنا بشكل عام ..

ونعم هو دافع للنجاح عندما يأتي بشكل صحيح ..

واعتقد ان الحدود في النقد هي في الاسلوب ..

يعني تنتقدين شي لكن بأسلوب جميل .. تحسسين من خلاله للمنقود بأنش قاعده تساعدينه مهوب قاعده تحاربينه ..


3\ عضــو يطلق عليه محمد الشامري " نصفي الثاني " !

خليني اعمم لش الاجــابه بحيث لانظلم احد ..

هم كثر والله وكلهم حسبة الاخ والاخت ..


4\ عضــو تقوله " أحبك بـ الله .. وتعجبني مشاركاتك وجودك يسعدني دائما .. فـ لا تحرمنا "!

هم اعضـــاء منتدى العجمان بشكل عام ..

وخصي اللي احتك فيهم يوميا ..


5\ قسم يـ حتاج لـ اهتمام أكثــر !؟

عندش المجالس التقنيــه .. يبي لها شدة حيل شوي ..


6\ ماذا تمثل لك المجالس التاليه !!؟ ومن بـرأيك عضوها المميــز " ملكهــا !"


- المجلس العام .,!

مجلس حميل ومفيد جدا وفيه نقاشات هادفه استفيد منها صراحتا" ..

ملوكـــه كثيرين .. لكن خصي لي منهم :

فالح العمره .. العنيد .. بومسعود .. طلااااال .. المستحيله

والعذر والسموحه للي سجينا من اساميهم ..


- المجلس الترفيهي .,!

مجلس آآخذ راحتي فيه جدااا وارتاح فيه .. مجلس وناسه ..

عندش .. ملوكـــه :


العنيد .. اجهلك .. سمو الامير .. السهم .. عبط .. المستحيله .. جود


- المجلس السياسي .,!

قليله مشاركتي فيه .. لكن والله عندنا ساسين مهوب هينين ماشاء الله عليهم ..

وملوكـــه :

بدر القلوب .. سمو الامير .. سياسي محنك



- المجلس الرياضي .,!


خندقي في المنتدى هههههههه لأني محب للرياضه ..

وملوكـــه :

سلمان المكراد .. عبدالله الوعيلي .. محمد الهتلاني


- مجلس الشعر النبطي .,!

مجلس رائع بشعرائه .. واستمتع به كثير ..

وملوكـــه :

شعراء المنتدى بشكل عـــــــام ..



وأعتذر على الاطاله ..
دمت بـ ألـــــــــــف خير
تحياتي لك ..

دام عزش يالسنـــافيه ..

وتحياتي لش بعد

وحياااااااااش الله ..

[الشموخ]

هلا وغلا فيك محمدالشامري منور المنتدى
عندي اسئله اوكيــــــــــــش
1"من هو أكثر عضوترتاح اليه اخي محمدالشااااااااامري
2"ماهو رايك في اعضاء التاليه"
السهم"جـــــود فديت نفسي "العرجاني محمد"عبط"العنيد"المستحيلة فديتها"شوق العيون الغاليه"
اجهلك الغاليه"
3"هل تعتقد في قسم الترفيهي ان جود مبدعة"
4"وهل تستحق لقب عضو مرح"
5"هل تعتقد ان قسم الرياضي في تقصير "
وانشاءالله ماازعجتك اخوي محمدالشامري
ادري اني مزعجه خخخخخخخخخخخخخخخخخخ الله يرجني في خلاط العنيد
يالله سلاااااااااااااااااااااام اخي الملـــــــــــــــــــــك والله تستاهل لقب هذا

[العوووود]

ارحب يابو منصور عزالله انكم اخترتو رجالا عسر
اول شي كيف الحال يابومنصور عساك طيب

عندي لك سؤال واحد وبيك تجاوبني بصراحه

وشرايك في حقوق المراء السياسيه وانتخابهاااا في مجلس الامه

[محمد الشامري]

هلا وغلا فيك محمدالشامري منور المنتدى

هلا بش ياجود .. والمنتدى منور بأهله ..


عندي اسئله اوكيــــــــــــش

ماتخلص اسألتش ماشاء الله عليش هههههههههه

تفضلي ..

1"من هو أكثر عضوترتاح اليه اخي محمدالشااااااااامري

والله واجد .. بدون ذكر أسمـــــاء ..


2"ماهو رايك في اعضاء التاليه"
السهم"جـــــود فديت نفسي "العرجاني محمد"عبط"العنيد"المستحيلة فديتها"شوق العيون الغاليه"
اجهلك الغاليه"

أخوان وخوات وغاليين .. ومالهم الا كل تقدير واحترام .. ونعم بهم جميع ..



"هل تعتقد في قسم الترفيهي ان جود مبدعة"

نعم اعتقد ..

" هل تستحق جود لقب عضو مرح "

نعم تستحق ..

5"هل تعتقد ان قسم الرياضي في تقصير "

الموجودين فيهم الخير والبركه ولايقصرون ابد ..


وانشاءالله ماازعجتك اخوي محمدالشامري
ادري اني مزعجه خخخخخخخخخخخخخخخخخخ الله يرجني في خلاط العنيد
يالله سلاااااااااااااااااااااام اخي الملـــــــــــــــــــــك والله تستاهل لقب هذا

مابه ازعاج ولاشي ..

وتستاهلين الطيب طال عمرش ..


وحياش اللــــــــه ..

[محمد الشامري]

ارحب يابو منصور عزالله انكم اخترتو رجالا عسر

البقـــــــــــى يالعود ..

وانت اللي ارررررررررحب

وماعليك زوود لبى والله قلبك ..


اول شي كيف الحال يابومنصور عساك طيب

انا بخير جعلك بـــه ..


عندي لك سؤال واحد وبيك تجاوبني بصراحه


افا بلا سؤال واحد هههههههه

بس أبشر بالاجابــــــه الصريحه طال عمرك ..



وشرايك في حقوق المراء السياسيه وانتخابهاااا في مجلس الامه ؟؟

هذا اللي يبي يصيعنا صدق ههههههههههه


العووود الله يخليلك عجوزك .. وانا وش دخلني في حقوق المرأه السياسيه وانتخابها في مجلس الامــه ؟؟ هههههههههههه

بس ابشر بالاجابه وهي اجابه لك انت بس يالعوود وبالاسلوب اللي انت تحبه لبى كبدك..

رأيي طال عمرك ان المرأه تتطهبز في بيتها تراعي بعلها وتسنع امور بيتها ابرك من مناطح الرجاجيل في مجلس الامه ..


هذا رأيي طال عمرك الموجه لك انت بس ولايزعلون علينا خواتنا ..



وحياااااااك الله يالعووووود

[العنيد]

هههههههههههههههههههههه انا عجبني ذا العود هو وسؤاله <<<< لا وردك شئ عليه يالشامري!!!!

مساكم الله بالخير جميع!!!!

حبيت اني أشكر الاعضاء الي متفاعلين في الموضوع هذا وبشكل كبير حقيقه... واشكر ضيفنا الفاضل محمد الشامري!!!! على اجاباته الطيبه...!!!!

وترى حنا ما زلنا ونبي المزيد من الاسئله ما وصيكم فيه ياجماعه !!!! ادبلو كبده!!!!

وسؤالي لك يا محمد الشامري :

هو وش هي حكمتك في الحيــــــــــــــــاة؟؟؟

هل عندك نيه اخي الغالي في أكمال دراستك العليا؟؟

هذا ولك جزيل الشكر !!!!!

ومرحبا فيك والله ملايين !!!!