الـلـي يـشـــيـل الـسـيـف لازم يـسـلـه ولا يـجـنــب مـبـعـديـن الـهـقـــــاوي..

[عبدالله بن دريب]

السلام عليكم و رحمة الله و بركاته ...

أقدم لكم هذي القصيدة عسا إن ترتقي لذائقتكم الراقية ..

أتركم مع القصيدة آمال إن تعجبكم ..

لا واهني من مرقده جايز ٍ له=ما شال داه بداه سارح و ضاوي
ما طاوله في محجر العين ملّه=ولا كواه من الصواديف كاوي
عيني بها من سود الأيام عله=شافت و عافت ما بقى ما يساوي
غديت مثل اللي فقد حاجة ٍ له= دايم مع هاجوس روحي نحاوي
أدوي كما يدوي سقيم ٍ مدله= وافوق في صحوة حكيم ٍ و غاوي
و إن قلت أزاول محكمات الأدله=أبصار عميا و الدليلة عماوي
لو كان عانق من صداها سجله= جامل بها راع الضمير الدناوي
بنَاي هرجه و الحقايق امقله= هيهات لو هيهات فوق المناوي
يا اللي تجر الصوت بالصوت قله= قله ترانا ما نحب المراوي
و قله تعبنا من حساب الأهله= و الراس شيبه من علاج المداوي
ارقابنا ما هي لنا مستقله= الملك لله و البنادم رجاوي
و شكوى لغير الله تراها مذله= ما يفلح اللي بالمواقف سحاوي
فسرت حلم ٍٍ كالجبال المطلة= الياورد نجم ٍ على إبليس هاوي
أعرف طريقه وين و أعرف محله= و أشوف عوق محومات النداوي
لو كل عارف يبري العرف غله= ما غاب رواي القصص و الحكاوي
أبعد مداها و الليالي ممله= ظلما تنور عند قلب الرهاوي
ميرادها مظما الجموع المظله= و مصدارها يقطع ضرم كل خاوي
هاجت و ماجت و أنكر الخل خله= تباً لكم يا مطولين الأهاوي
من صارع الدنيا على غير مله= لا بد ما تكثر عليه الهفاوي
لا صار رايه تايه ٍ ما يدله= ما تنفعه متخالفات الفتاوي
اللي يشيل السيف لازم يسله= ولا يجنب مبعدين الهقاوي
العلم لأهل العلم دقه و جله= ما يروي القولات يا كود راوي
هذي حقايقها و هي مستهله= بأحلام ليل العاشقين النزاوي
يرخي سدول الليل سطر المجله= و أنا عن اسطور المجلة غناوي

و سلامتكم ..

أخيكم عبدالله بن دريب ..

[مهرة النسيان]

اااالله صح لسانك

من اروع القصايد اللي قريتها مؤخرا ..

لا واهني من مرقـده جايـز ٍ لـه=ما شال داه بداه سارح و ضـاوي
ما طاوله في محجـر العيـن ملّـه=ولا كواه من الصواديـف كـاوي
عيني بها من سـود الأيـام علـه=شافت و عافت ما بقى ما يسـاوي
غديت مثل اللي فقـد حاجـة ٍ لـه=دايم مع هاجوس روحـي نحـاوي

صح كلك ويسعدني انتظار جديدك ..

تشكراتي + تقديري

حجز أول فااااخر

[حـــوران]

من أروع القصـــايد يابو متعب

قد سمعتها قبل كم ٍ سنه منك

قصيــدة ذات معاني مدفونه وعميــقه

وجزله من أول حرف الى آخر حرف

لله درك على الأبداع ..

مبدع إلى ماله نهايـــه

ودعتك الله

[الاب الروحي]

اللي يشيـل السيـف لازم يسلـه
ولا يجنـب مبعديـن الهـقـاوي
العلم لأهـل العلـم دقـه و جلـه
ما يروي القولات يـا كـود راوي
هذي حقايقهـا و هـي مستهلـه
بأحلام ليـل العاشقيـن النـزاوي
يرخي سدول الليل سطـر المجلـه
و أنا عن اسطور المجلة غنـاوي



لله درك يابن ادريب

جزل من راس جزل

صح لسااااااااااااانك

كتبت فأبدعت

تقبل مروري

ودعتك الله

[بندر العجمي]

صح الله لسانك



وجززززل وحضووورك جزل ولاعدمناك




وووجهك ابيض يالمبدع




اخووووووووكـ

لو كل عارف يبري العـرف غلـه
ما غاب رواي القصص و الحكاوي
أبعـد مداهـا و الليالـي ممـلـه
ظلما تنور عنـد قلـب الرهـاوي
ميرادها مظمـا الجمـوع المظلـه
و مصدارها يقطع ضرم كل خاوي
هاجت و ماجت و أنكر الخل خلـه
تباً لكـم يـا مطوليـن الأهـاوي
من صارع الدنيا على غيـر ملـه
لا بد مـا تكثـر عليـه الهفـاوي


الله الله يااعبدالله ..

رائع ..

مشالله

صح الله لسانك وبيض الله وجهك ياغالي ..

جعلك تسلم .

بإنتظار جديدك

[مسفر مبارك]

سلمت أنامللك لا عدمنــاك

[عبدالله بن دريب]

المشاركة الأصلية كتبت بواسطة مهرة النسيان

اااالله صح لسانك

من اروع القصايد اللي قريتها مؤخرا ..

لا واهني من مرقـده جايـز ٍ لـه=ما شال داه بداه سارح و ضـاوي
ما طاوله في محجـر العيـن ملّـه=ولا كواه من الصواديـف كـاوي
عيني بها من سـود الأيـام علـه=شافت و عافت ما بقى ما يسـاوي
غديت مثل اللي فقـد حاجـة ٍ لـه=دايم مع هاجوس روحـي نحـاوي

صح كلك ويسعدني انتظار جديدك ..

تشكراتي + تقديري

صح الله بدنش اختي القديره

الأروع منها هو تواجدش

ومرورش عليها وتسجيل اعجابش بالقصيده يشرفني

كما يشرفني متابعتش لجديدي

وعسى ان يحوز على اعجاب الجميع

[صبا الهاجري]

عيني بها من سـود الأيـام علـه
شافت و عافت ما بقى ما يسـاوي
غديت مثل اللي فقـد حاجـة ٍ لـه
دايم مع هاجوس روحـي نحـاوي


سلمت يمناك ولا عدمنا جديدك..
يعجز لساني عن وصف أبياتك ولا تحضرني من الكلمات الا وحده..
((( شـــــاعـــــــر)))

تقبل مروري..