http://thooq.org/up/uploads/5a7b780ac3..rm
توادعني واوادعها ولا ادري من بكى الثانـي
ولا ادري هي بكت مني او اني كنت انا ابكيها
تعذبنـي.. تغربلنـي وفالاخـر انـا الجانـي
حياتي. عزتي. نفسي وقلبي كنـت معطيهـا
غريبه مانـي مصـدق بعـد هـذا تناسانـي
غريبه قصتـي معهـا مـن اولهـا التاليهـا
تفاخر بالنسب واتقول ترى ال فلان جدانـي
بها عزه تجنني وانـا وان عشـت بانهيهـا
لانه طبعي مـن اول احـب اللـي ايتحدانـي
اثور لثورته واصفح الامـن صـرت واليهـا
احب اتسير في طوعي ولاارضى يوم تعصاني
واحب يكون في يـدي ازعلهـا واراضيهـا
شروطي واضحه صعبه تهون لشخص يهواني
تهون لعين من ضحت بهـا الدنيـا ومافيهـا
ابوها امهـا هلهـا تعاندهـم علـى شانـي
تقول اموت من شانك انا وشلـون اجازيهـا
مادامي بعينها وحدي ولاتبغـى معـي ثانـي
امانـه لوبغـت عينـي انـا والله لااعطيهـا