[ـ رب أخ لك لم تلده أمك ـ
وهكذا يستمر مسلسل الحياة
وهكذا هو وداع الأصدقاء بل الأخوة .. بل هكذا هو عهدهم
قصيده للشاعر/ محمد بن سالم بن مشعاب المري
يرثي بها صديقه المغفور له بإذن الله/ محمد بن علي بن مناع الحويله ال قنيبر العرجاني
يالله يارب البشـر عالـم الغيـب=اغفر لعبـدك كـل ذنـب وخطيـه
محمد حويله عطيـب المضاريـب=طلق الحجاج اللي يمينـه سخيـه
مرحوم ياعز الخوي ماكر الطيـب=مرحـوم ياصبـي ٍ قليـل ٍ حليـه
مرحوم ياحـر ٍ تعلـى المراقيـب=صيده جزيـل ولايجيـب الرديـه
قنيبـري مافيـه شكـه ولاريـب=مـن ال عرجـا طيبيـن السجيـه
صبيان يام اللي تـروي المغاليـب=اللي على العـدوان نـار ٍ لظيـه
اهل السيوف المرهفات المحاديـب=واهل العوايـد والبيـوت الذريـه
تفرح بهم عند اللقا شمـخ النيـب=تفتكـهـا بالـرمـح والبندقـيـه
سقم العدا ستر البنـات الرعابيـب=اللي من عداهـم غزاهـم سريـه
ماقول في كـل القبايـل عذاريـب=يستاهلون المدح فـي كـل هيـه
ابن حويله غيـر كـل الاصاحيـب=رفقتـه عـز ومكسـب ومعنويـه
ماعاد به مثله شبـاب ٍ ولا شيـب=حي ٍ بقلبـي لـو دفـن ماعليـه
اخلاق واسلوب وحفاوه وترحيـب=وخبير في سلـم الرجـال وبليـه
يذبح ويسلخ مايحسب المحاسيـب=ذبايحـه مابيـن شـاه ومطـيـه
سوالفه تشفي الكبود المصاويـب=مثـل سواليـف العـرب الاوليـه
وإن رحت منه مايحش العراقيـب=وافـي وظافـر بالعلـوم الوفيـه
انقـدره ويقـدرونـه الاجانـيـب=وياقف معك لمـن بغيـت الحميـه
جمع كرم حاتم مع صطـوة كليـب=والله عطـاه العـقـل والقابلـيـه
في خوته تضعف عزوم الاشانيـب=وتضعف عزوم اللي عزومه قويـه
واللي لهم ورى محمـد مطاليـب=انـا نيابـه عنـه وانـا سميـه
مجرب ٍ ماهـو بمحتـاج تجريـب=خذيت انـا ويـاه روحـه وجيـه
خوة رجالاً ماتخاوو علـى العيـب=على الشحم والطيـب والشاذليـه
ابوه ابو مناع راعـى التجاريـب=جابه وجـاب اخوانـه الصيرميـه
ابو علي خلف صبي كنـه الذيـب=عساه مـع دربـه يحـث المطيـه
ويحفظ شروط الدين حكمه وترتيب=ويدعى لأبوه بكل صبـح وعشيـه
دعيت له من كـل قلبـه ولانيـب=مترجي ٍ سمعه ولا ابغـي عطيـه
مدحه علي ماجوب ضمن المواجيب=ولاخير في رجلاً نسى من خويـه
صلوا على اللي باعثه عالم الغيـب=محمـد الهـادي شفيـع البـريـه
ـ عليه أفضل الصلاة والتسليم ـ
تغمد الله الفقيد بواسع رحمته وأدخله فسيح جناته وألهم أهله وذويه الصبر والسلوان
[/QUOTE
04-12-2007, 01:30 AM
العرض الشجري
المواضيع المتشابهه
