استلم الوصفه يا راقي

[خالد وبس]

شرفني شاعرنا الراقي / راقي .. بقصيده
على هالرابط

http://www.alajman.ws/vb/showthread.php?goto=newpost&t=43686

وبـ معنى ادق ..ورطني

قريحتي تسمو .. بما يحلا لي = في حسن مظهرها .. وفي عفتها
ارْكت على فكري .. وسلّت حالي = واستوطنت فعيوني .. وبكّتها
اخاف .. والله لا يشيّن فالي = امن البيوت اللي .. مثل قلتها
لا صرت فعيون النشامى عالي = وش هو له اخيّب رجا .. نظرتها
حياك .. ياللي ما حضرت الا لي = الحاجه اللي في ضميرك .. هتها
غالي .. وانا غالي .. وكلٍ غالي = والسالفه .. معروفةٍ وجهتها
توني دريت ان قلبك .. الميّالي = ما يرحم ضلوعك ، ولا لجتها
والمشكله .. ما جيت غير الجالي = اللي جلا عن ربعه .. بسبتها
بنتٍ .. لا قدني جالسٍ بلحالي = وذكرت بكيتها .. على ضحكتها
انهارت عزومي وقمت الآلي = واتخيّل اني مقابلٍ .. خشتها
مبطي ولا زالت .. وهي في بالي = وبموت وآنا اتلذذ .. بلذتها
يا راقي اللي صار لي من تالي = يلجّم العذال .. ويسكّتها
خلاصة الموضوع .. هاك اقوالي = اجمع همومك .. واحذر تشتتها
اما استمع في "عيضه المنهالي" = والا "نوال" .. وبحّ مع بحتها!

[الطرقــي]

هالله هالله

صح السانك وعتلى شانك

جزله من راس جزل

تقبل مروري

[حـــوران]

حياك .. ياللي ما حضرت إلآ لـي=الحاجه اللي في ضميرك .. هتهـا
غالي .. وانا غالي .. وكلٍ غالـي=والسالفـه .. معروفـةٍ وجهتهـا

مجرررم


صح الله لسـانك ياغالي

وصح لسان راقي وبيّض الله وجهك ووجهه على البدع والرد

وعلى ذالوصفه اقول : ياليت عندنا كل ٍ يوم راقي

[ناصر الحميداني]

صح لسانك ياخالد انا اشهد انها قصيده جزله

ولاهان اخونا راقي اللي اجبرك وخلاك تبدع .

تقبل احترامي

[M!Ss LeGeNd]

بنتٍ .. لا قدني جالـسٍ بلحالـي
وذكرت بكيتها .. على ضحكتها
انهارت عزومـي وقمـت الآلـي
واتخيّل انـي مقابـلٍ .. خشتهـا
مبطي ولا زالت .. وهي في بالـي
وبموت وآنـا اتلـذذ .. بلذتهـا
الله الله كلمات روعه صح لسانك أخي
وتسلم يمينك ع القصيدة المميزة لاهنت
ننتظر القادم الاجمل
يعطيك العافيه

[خالد وبس]

الطرقـي



مرحبا ومسهلا
والله يحييك ولاهنت على مرورك .. وصح بدنك يالغالي


الف شكر

[راقــي]

اخـاف .. والله لا يشيّـن فالـي=امن البيوت اللي .. مثـل قلتهـا
لا صرت فعيون النشامـى عالـي=وش هو له اخيّب رجا .. نظرتهـا


عالي عالي طال عمرك ومجمّل


صح لسانك وبيض الله وجهك



ولاهنت على الأبيات الفارقة ..


والجزالة حق من حقوقك ..



والله اني تشرفت بهالمجاراة ..




دم كما تحب ..




..

[ناصر آل ذروه]

الله الله الله


ياسلام على هذه الابيات

صوت وصدى من شعراء رائعين

وصح السانك والسان الراقي


تقبل تحيااااااتي

[العـــسر]

خالد وبس

أبدعت



صح لسانك ولا هنت على نصك الجميل




تحياتي لك

[][ .. خــجــل .. ][]

بنتٍ .. لا قدني جالـسٍ بلحالـي
وذكرت بكيتها .. على ضحكتها
انهارت عزومـي وقمـت الآلـي
واتخيّل انـي مقابـلٍ .. خشتهـا
مبطي ولا زالت .. وهي في بالـي
وبموت وآنـا اتلـذذ .. بلذتهـا
*
يا راقي اللي صار لـي مـن تالـي
يلجّـم العـذال .. ويسكّتـهـا
خلاصة الموضوع .. هاك اقوالـي
اجمع همومك .. واحذر تشتتهـا
اما استمع في "عيضـه المنهالـي"
والا "نوال" .. وبحّ مـع بحتهـا!
*



يا سلام يا سلام
وخوش وصفه يا خالد ..!
صح لسانك لين ترضى على هالابداع .. والله يعطيك الف عافيه
تقبل مروري