(( دمـع ليلـة أفــراق ))

[خالد بن سكران]

مرحبا مليووووووون با الغالين
صبحكم الله بالخير جميعااااااااااا

الليله هذى واضحه ليلة أفراق // حاولت أعديها وعيّت تعدي

هذا بيت للشاعر العذب // ثامر شبيب الدقباسي
وهو طبعا بيت من قصيده قمه بالروعه والجزاله والابداااع
لاكن يعلم الله البيت هذى شدنى حيل وحبيت اكمل عليه هذى القصيده واتمنى تجد القبول

الليله هذى واضحـه ليلـة أفـراق=حاولـت أعديهـا وعيّـت تـعـدي
بيتٍ يقوله ( ثامر) العـام بأحـراق=واليوم أرّده عقب مـا بـاح سـدي
أثر الفراق همـوم ماهيـب تنطـاق=من ويـن مالديـت وجهـي تلـدي
ضاقت بي الدنيا وصدري بعد ضاق=ودي أشق الجيب مـن ضيـق ودي
أفكار تشقيني مـع الليـل تنسـاق=وأفكـار لا زادت همومـي تهـدي
أضحك وأسولف كن مانيب عشّـاق=وأنا قتيل العشق مـن فعـل يـدي
والعشق كم دمّر وكم نشّـف أريـاق=وكـم عاشـقٍ صـد وتنـدّم وردي
وكم عاشقٍ متعب ورى خلّه السـاق=حبل الوصل يرخيه نـوب ويشـدي
وأنا سماء جـوّي غيـومٍ وبـراق=هبّت عواصفهـا ولا بـه مصـدي
عقب التواصل واللقاء عقب الأشواق=ظروف وقتي صارت اليـوم ضـدي
بانت بوادر هجر وجروح وأرهـاق=ودمع الفراق وسهر ليـل وتحـدي
ولو قلت أبصبر عنه مانيب مشتـاق=أنا أشهد أنه كـذب ماهـوب جـدي
وشلون بصبر والغـلا فيـه دفـاق=وطيفـه مخاوينـي يغيـب ويـردي
أما يجـي ويصيـر للقلـب تريـاق=وإلا يـروح ودمـع عينـي بخـدي
الليله هذى بعثرت كل الأوراق=حاولت أعديها وعيّت تعدي

[! شيخـــــة المنتــــدى !]

أثر الفراق همـوم ماهيـب تنطـاق
من ويـن مالديـت وجهـي تلـدي


قصيده رووووووووووعه وابياات جزله ، كتبت فأبدعت
صح لسانك اخووي خالد ، وتسلم يمينك ، والله لايهينك عالمشااركه الاكثر من روعه


تقبل مروري وجزيل اعجابي


اختك : شيخـــــــة المنتدى

[هداج تيماء]

قصيدة رائعة صح لسانك يا الشاعر المبدع خالد السكران

[بندر العجمي]

صح الله لسانك



وجززززل وحضووورك جزل ولاعدمناك




وووجهك ابيض يالمبدع




اخووووووووكـ

[خالد بن سكران]

الغالي // شيخة المنتدى

صبحك الله بالخير ومرحبا بك مليون

وصح الله ابدنك ولاهنتى على الحضور والمشاركه

تقبلي

اخوك خالد بن سكران

[عبدالرحمن الجبابرة]

الشاعر القدير / خالد بن سكران
صح لسانك وبيض الله وجهك
مجاراة رائعة
لاعدمناك
.
.
مودتي

[مفارق]

مرحبا


صح السانك وعلى شانك


مجاراة لبيت روعه للمبدع ثامر شبيب الدقباسي اشكرك اخي ...


وقصيدتك لاتقل جمالا ...


تقبل مروري