مجراه ............... بين شاعر يام ابن بلال والشاعر عامر الحجرف

[عامر الحجرف]

اهداء من الشاعرين هذه الجاراه المهداه من شاعر يام ابن بلال ونديمه الشاعر عامر الحجرف والمهداه الى كل صفحة غرا وبلك وجهن اغر إلخ.......................

كــــريم ياغيثن إلي احيا البر وجّـــــه للبحــر = آخـيله والواقــــــع انــــــي مـــــابغـيت آخـيلـه
يشـــــــبه لمدقوق النحر حجير براق النحــر = والحاقد اللي راس همـــــــه حرمــته واحليلـه
ولاالحسود اللي سوات الداب مكسورالظهــر = ترى الحسـود امن الحسد حتى التراب ايكيّلـه
والعلم علم الغيث في معناي ياصحاب النظــر = قافــن يجــي والكامــــل الله مــاعـليـه اكميلـه
راعيه ما يصتاد فالماء العكرمن شــان الدُرر = يسـبح ابحورن فوقها ســـــفن الخليـج امقيله
اغوص حتى العمق وآراهن وقلبي من حجــر = وان مـا صـدقت آمـــوت لايدخل علـي أدخيّلـه
والبر احـــبه والنهــــر والمد احــبه والجـــزر = والوابل اللي من ســـمـاي او مايمــر ايســيله
والشمس والعيدين والفرحــه ولوني في خطر = أذكـــر بها اجمـــل ذكـــــرياتي والقصيد آميله
وآقدر أوســـاط الشـــهــور ابحكــم حبي للقمر =والعمــــر تطـــويه السـنين اللي ماهيب اقليله
يامرشــــدين أدري والاســـتعداد لايام الســـفر = الله محــيطـــن به وبالمحــــتاط والمتحــــــيله
وحدّت ربــي وآعــبده وان كان ربـي ماغــفــر= اطيب امطـــوع مــاعــطاني مــن عـمله ابليله
الدين ما كفـــر اونفـــر شــــاعـرن قلبه خضــر = بعض النصـــايح كالفضــايح مزعجــه وخبيله
كان انتصـــار المسلمين ابكل شــــي مختصـــر = ماســـبّيت العذراء وهـــي مســـلوبتن مـتويله
وصارالعدد مليار مســـلم رغم كثره مانصـــــر = مــــايدعــيه اومن لقـى رزقـن عـطاه اعـويله
عّلم هل العادات حــبل الكذب لاطـــال انقصــــر = وحنا نعسـف امن الرباع الى السـديس امحيله
وحنا خلف قومــــن سلفها يلبس الجوخ الحمر = ونشـــرب فناجـيل الغريم امبننه ومهيله

وهذه مجراة الشاعر عامر الحجرف تهدا لصفحة الشعر النبطي ومن يرتادها .

على نحيت من يشوف البرق فـي غيثن حدر = على البحــر والبر حدر يســتهل اهميله
غيثن الي جاء حاز وجه الخير من وجه القشر =يكن للبر الفســـيح وللبحـــور اغليله
ما لاحضـه غـير النديم اللي كلامــه معتبر = صـعب المجارا لوصـحا فكر النديم اشويله
اللـي بدا يلعـب وراعـي الرد يتعـب لو قدر = مثل الزلال الي انتهى مـــابقي غيراثميله
ولاكمـا راعـي الذهـيب ايتعـبه قص الجرر = يامــا مـدور يتبع الجـره الـين اتعـيله
ماهيب قصـة من نشد ماضاع غـيرادها وامر = واقل غـبات البحــورالهايجــات اهويله
اقصــد بها مـن جدد المفهـوم وابدع وبتكر = مقصـد بها ان غيري وغيره فالادب لاشيله
والغيث ريضـانن يمـرابهـا يغطـيهـا الزهر = ياكود غيث الصـرف مـاينبت وراه اخميله
والشعريوصف منه نوع بوصف نحتن في صخر = لاعل اغـنّه مـن ضحـايا بندقـي وغزيله
ياقاضي الحجــه حكمت اومستشارك ماحضـر = وراك بريت الحرامــي والـبري اتشـيله
ناس تحمـل ماتشـوف اوناس ما فيهـا صـبر =ومن حـايلته الناس مايمشي عليه احـويله
الله خلــق آدم ابونا وامــنا حــوا بشــر = واكثر عيال آدم عليه امن السحـاب اضليله
ولاكل مـن قـام ايتهـبد سـبته قـوم السـطر = يمكن هبيل او واطـين له جمـرتن ومليله
والبحرغـبه والمحيط اســرار والحوت انتحـر = شـرايده راحـت البحـرن ماوراه اعسيله
اما البشــر لابارك الله فـيه دمــر مـاعـمر = عن البشرحتى الهجـا بالشـعـروين احيله
ولعب القصيد اصعب عليّ اشـويّ من لعب السبر = غنا الوعـيلي والوعـيلي جاوب العجميله