بأســــتطاعتنا جعـــل هذا المنـــتدى افضــل المنـــتديات اذا طبقنا هذه القــواعــد

[العنيد]

السلام عليكم ورحمة الله وبركاته ...وصبحكم الله بالــــــــــرضى والعافـــــــيه...الموضوع التالي أعجبني حقيقة ايها الكرام...فأحببت أنقله لأضعه بين ايديكم الكريـــــــــمة لعظم الفائدة التى يحويها...حيث أسال المولى عزوجل أن أكون بوضعه قد حققت الفائدة المنشوده....

	كيف نجعل من هذا المنتدى الأفضل ؟ * ماهو المنتدى ..!! المنتدى هو بيتك الثاني وفية اصدقائك واخوانك يشاركون معك في المعرفة وفي المزح ويزعلون لزعلك ويفرحون لفرحك وفي هالوقت كثرت المنتديات وصار هناك سباق للمنتديات وكل عضو يتمنى أن منتداه هو الأفضل ويتفاخر بين اصداقائه بهذا الشئ فكيفك نجعل منتدانا هو الأفضل ؟؟ الحل بسيط * اولاً : (( تشجيع الأعضاء الجدد )) هذي هي البداية وأنت أكيد تتذكر أول يوم جيت فية للمنتدى وكتبت موضوع وكم تمنيت يرد علية الكل ،، وبتشجيعنا للأعضاء الجدد فنحن نحثهم على الأبداع فمنهم سيخرج لنا كتاب رائعين في الأدب والشعر وكتاب متميزين في الصرقعه أو في أي مجالات آخرى والعضو الي دايم يكون الأول في الترحيب ،، حبيب وقلبه طيب * ثانياً : (( قبل أن تكتب أي موضوع في أي قسم معين يجب أن ترد على موضوعين اوثلاث او اكثر )) وهذا شئ مهم جداً ،، لأن هذا تواصل بين الأعضاء وتشجيع لهم وأي عضو يفرح بكل رد على موضوعه ويحثه على الأبداع أكثر فاكثر وأنت أذا رديت على موضيعهم الكل بيرد على موضوعك إذا كان يستحق . والعضو الي دايم يرد على المواضيع يسمى ،، محبوب الكل * ثالثاً : (( تشجيع المواضيع التي يكتبها اصحابها )) أن تكتب أنت موضوع بجهدك أفضل مليون مره من نقله أو نسخه من منتدى ثاني فالمستفيد الوحيد هو صاحب الموضوع الذي كتبه بجهده ولأنه موضوع رائع فالكل ينسخه وينشره في كل المنتديات ،، أكتب فكره أو معلومه أو انقل من كتاب او مجلة مايستحق النشر والعضو الي دايم يكتب مواضيعه بنفسه ،، هذا نشيط ومتميز رابعاً : (( الكلمة السحرية )) وهي أن تكتب كلمة ( شكرا على هذا الموضوع ) كلمات قليله مراح تتعبك او تنقص من قدرك او كبريئك المزيف ،، كثير مانشوف مواضع عدد قرائها فوق السبعين او الثمانين ومن هولاء فقد يرد على صاحب الموضوع واحد او ثنين وأكثر الأحيان تجد الموضوع خالي من أي رد ..!! يعني أنت تبي الكل يرد على موضوعك وأنت ماتكلف على عمرك وتجامل صاحب الموضوع .. اجل وشوله تشارك وتتعب عمرك ويسمى العضو الي دايم يشارك ويحث الاعضاء على المشاركه ،، ياحبنيلك . خامساً : (( محاربة الشليلة )) وهذا أكبر خطر يهدد أي منتدى وكثير من المنتديات هرب منها اعضائه لهذا اسبب ،، وشليلة هي أن يتفق الأعضاء ويقولون ( احنا والله شله ارتحنا لبعض ومانبي واحد جديد يخش بينا ،، والاتفاق هو ترد على موضوعي ارد على موضوعك ) ويروح فيها الضعيف ( العضو الجديد ) مايعطونه وجه لين يمل وينسحب من المنتدى ،، لا ومن زين الطبايع بعدها بفتره يقلبون على بعض ويصير كل واحد يكتب موضوع ولا يرد على الثاني ،، وخلاص انتهاء المنتدى وصار ممل والاصرف انه يتقفل. سادساً : (( التواصل بين الأعضاء )) التواصل بين الأعضاء في الأفراح نهنيهم وفي الأحزان نواسيهم ( عاد تخيل نفسك مريض او مسافر حتى أهلك مادروا عنك ،، وتجي للمنتدى ولكل مشتاقين لك ويسألون عنك ،، أكيد بتشقق من الفرحه ومحد قدك ) ويسمى العضو الي دايم يسأل عن الاعضاء ،، ياطيب القلب وينك سابعاً : (( التقليل من المواضيــــع المنــــــــــقولة )) بعض الموضيع مهمه ويجب أن تنقل وتنتشر في كل المنتديات ،، لكن مسألة انك تشوف اي موضوع يعجبك وتنقله لا ويمكن يكتب عشر مواضيع في اليوم ( تخصص قص ولصق ) هذي شئ يطفش ويجب العمى ( وشوله اشترك في منتدى !! .. اجل اقراء صحيفه او مجله او اتابع الاخبار في التلفزيون اصرف ) ويسمى هذ العضو ،،، مخربها . ثامناً : (( لاتصير خفيف وثقل )) يجيك عضو يكتب كل يوم عشر مواضيع وفي كل قسم يمحط له ست مواضيع من زود الفضاوه ،، ويالله يالله نرد على نص مواضيعه ولا نلحق . تاسعاً : (( التقليل من المشاكل وحوادث السيارات )) يعني ثنين مقاريد تهاوشوا وقلبوا المنتدى فوق حدر ونقسم المنتدى الى حزبين وكل واحد معه عجرا وجيب الفزعه ( ياخي بينك وبين اي عضو مشكله او رده ماعجبك او لك ملاحظة ،، ارسله على الخاص وتفاهم أنت وياه بدون مايدرون الأعضاء ) ويسمى العضو المشكلجي . عاشراً : (( خلك ذرب ))<<<مثلي طبعا<<<هههههه<<<خلك سنع في كلامك<<<خله مثل كلام العنيد الله يرجه بالعافيه في راسه...<<<:D يجي عضو ويتعب ويكتب موضوع جاد ومهم ويتوقع ان بيرد علية ويناقشة الكل ثمن يجيك ذاك العضو الي مايدري وين الله حذفه ويرد رد زي وجهه ،، الموضوع في شمال وهو يرد بالجنوب ،، ويخرب الموضوع او يقلبه تشات ( المواضيع الجاده والمهمه تحتاج الى رد جاد وبعكسها المواضيع الساخره او المصرقعه يرد عليها برد ساخر او مهبول ) ويسمى العضو الي يرد برد في جهه والموضوع في جهه .حووول. * وأخـــــــــــــيراً * المنتدى ليس بعدد اعضائه ،، بل بترابط اعضائه كلأسرة الواحده وكما قال رسول الله علية افضل الصلاة وسلام (( مثل المؤمنين في توادهم وتعاطفهم مثل الجسد إذا اشتكى منه عضو تداعى له سائر الجسد بالسهر والحمى )) وقولة علية السلام (( المؤمن للمؤمن كالبنيان يشد بعضه بعضا...

هذا ولكم مني جميـــــــــعا خالص معانى الشكر والتقديــــــــــر

[بدر القلوب]

مرحبا ومسهلا عداد مامشى الديك حافي وعداد ماباضة الدجاجه بيض وعداد ماكلا الهندي بيض بالجبن ههههههههههه وعداد ماقمت من للدوام وفيني نوم هههههههه وعداد ماصلى المسلم لربه

العنيد موضوعك بالصميم
وانت خلك دايم كذا يالعنيد ودايم جيب لنامواضيع زي كذا لانك انسان رهييييب ولا فيه مثلك بديل

وانت يالعنيد انسان مامثلك بهالدنيا مثيل

من تالي صايره مواضيعك رائعه الله يرجك من راسك لين طرف اصبع رجلك جعلك الصلاح والعافيه


لاهنت يالغالي على موضوعك الرهيب

[فهد بن محسن]

الاخ \ العنيد

موضوع قيم .. ويستحق القراءه اكثر من مره .... واذا طبق في المنتدى فسيصبح منتدانا افضل المنتديات وهو كذلك ان شا الله

ولكن قد يقصر الشخص في الرد على جميع الاعضاء .. لعدة اسباب .. اولها يرجع لانشغاله خارج المنتدى .. وااخرها الرد على مواضيعه نفسها . فقد يقصر الشخص من الناحيه هذي فقط ... وليس من ناحية عدم الرد بالعمد على العضوء ,,, انا اعتقد ان هذه الخصله ليست موجوده في منتدانا ولله الحمد

فاي عضو يقراء موضوع اي يتصفحه .. اعتقد انه لن يخرج منه الا برد على صاحب الموضوع

تحياتي لك ... ولخلاطة المولينكس التي اظهرت نتائجها الجيده حتى الان

تحياتي

[أمير الشوق]

موضوع طيب وعساك على القوة انت فصل وحنا نلبس

[العنيد]

بدر القلووووووووووووب<<<<انت متأكد من انه الترحيب ذا كله لي...بالله ترد تشيك ...اخاف انك مغلط بالنمره هههههههههه<<<<<<تلفون هو<<<الله يرجني محلاني انا وكلامي<<<<<بدر القلوب...ليت فالح العمره يدخل يشوف تعليقك ذا <<<<هههههههههه لانه عجبه على قولته المساجلات حقي انا والرائع بدر القلوب كما اطلق عليك في موضوعي الاخير<<<بعد ان عرفت حقيقتكم ساغادركم<<<

انا الى الان ما زلت غير مصدق....ههههههههه المدح ذا كله<<<بدوي والله <<<<بس ليتك خليت ترحيب الهندي هو والبيـــــــــــــــض<<<الله يعز النعمــــــــــــــه<<<بيض الله يرجك يا بدر في خلاط المولينكس على ذا الطاري....بيض وع الله يعز النعمة....

عموما الف شكر لك والله ياالسنافي على الرد والتعقيب الرهييييب الرهيييب الرهيييب والله

[محمد الشامري]

الله على الموضوع وكاتبه

موضوع جدااا رائع والله

وان شاء الله انه مطبق في منتدانا

لكن كلنا نحتااااج للتذكير

والذكرى تنفع المؤمنين

أخي العنيد الغالي لاهنت والله على موضوعك الذهبي صراحتا"

والله يعطيك العافيه

[العنيد]

المتألق دائما صاحب الاثنينيه الرائعه: فهـــــــــد بن محســــــــــــن...بارك الله فيك اخي الفاضل على هذا الرد الذي أسعدنــــــــــــــــــي أيما اسعاااااااااااد.....وأسجل احتراااااااااامي الشديد لي النقطة التى قمت بالتعليق عليها.....والف شكر لك والله

وخلاط المولنيكـــــــــــــــس جاب الاثر الطيب...فيني من زماااااااااان ....وعلى الله انه يجيب مفعوله في فهد بن محســـــــــــــن..لانك صراحه تبي لك خلط مبرح فيه ......سير علي ياخيك ...ويصير خير....اجدد شكري لك مرتن ثانيه

[العنيد]

هلا وغلا باميـــــــــــــــر الاشوااااااااق....وارررررررررررررحب يالغالي...الف شكر لك على التعليق الطيب..وشرفني مرورك حقيقه...

اجل انا افصل وانتوا تلبسون هاه<<<<هههههههههههه ويش قالوا لك مكينة خياطة انا وانا مدري<<<الله يرجك بالعافيه <<<برى الخلاط المولنيكسي العنيدي,,,

[العنيد]

المشرف المتميز محمد الشـــــــــــــــــامري..ويالله حيه والف مبروك الاشراف...وانت الرائع حقيقه .....وبما انك قلت انه صراحتن موضوع ذهبي ويش رايك تسوي لنا واسطــــــــــه وتخليه الموضوع الذهبي في المنتدى ...ذنبك على جنبك <<<انت سميته الموضوع الذهبي..<<<<<<<وعاد تحمل...بس انت الي تذهبه...هههههههه حلوة ذي <<<تذهبه<<<>

الف شكر لك اخي الفاضل على التعليق الطيب

[ابن وعيل]

العنيد المبدع المتألق دائما .. مواضعيك تشدني وتجبرني باسلوبك المشوق على قراءة الموضوع حتى

نهايته .. موضوع جميل ونقاط هامه يجب الوقوف عندها والتأمل كثيراً والتنبه لها ومحاولة معالجة اي خلل

في الوقت المناسب .. متى ما توفرت هذه النقاط في اي منتدى كتب له النجاح والرقي بإذن الله .

ليس بعدد اعضائه ،، بل بترابط اعضائه كلأسرة الواحده وكما قال رسول الله علية افضل الصلاة وسلام (( مثل المؤمنين في توادهم وتعاطفهم مثل الجسد إذا اشتكى منه عضو تداعى له سائر الجسد بالسهر والحمى )) وقولة علية السلام (( المؤمن للمؤمن كالبنيان يشد بعضه بعضا...

ما اجمل ما كتبت وسطر قلمك اخي الفاضل فلك مني جزيل الشكر على موضوعك القيم .


" يستاهل التثبت "