(( سجـل حـضورك ببيت قصـيدة أو حـكمة ))

[الحزن دااري]

مســــاء الــــورد ....

لا قلت ضاايق جد أنا ضايق=محدن يبدل وسع خاطر بضيقه
فايق أنا ومرات ماني بفايق=ضايع مع الأحزان ونفسي غريقه

[ما عدت أنا]

مع السلامه .. احباب ..رايح أنا ... / ألحيـن . = .رايح ! / مع الغيّاب ..رايح .. ولادري .. وين ..
هِنا / لقيت اصحاب ..من عافهم ... / مسكين .. = فدوه لهم ... / أرقاب !وعيونـي .. / الثنتيـن !
هِنا ضحك لي .. ناب !هِنا بكت لي .... عيـن ! = هِنا نفيت ../. اغراب !في ريشـة .. التلويـن !!
هِنا نفاني .. آآآآآب !يمكن على .. / تشريـن !! = يعني بلاش .. / اعتاب !يعني بلا .. / تخمين !!

[بطاح]

مســاءكم الله بكل خيــر

ارحبي يا خجــل



تسجيل حضــووور :

اللي جرالي منك ماهوب خافيـك=روحي على حد الخطر من سواياك
والله ماغيـرك بقلبـي يـوازيـك=اغلى من الدنيا على الخد ماطـاك
أشفق على اللايم إلى جاب طاريك=ودي يطول الشرح في حال طرياك
الشاهد الله من كثر مانـي أغليـك=في سبّتك لو راحت الروح تفـداك

[! شيخـــــة المنتــــدى !]

صباح الخيـر

لا تأسف .. مــا أبي منك اعتذار=أبيك ترد أيام عمري مثل ماضيعتها
أبي أرجع مثل ما كنت.. ( فلانه) شمعة الدار=اللي من عرفتك ( انت ) .. انطفى نورها
وأبيك تسدد ديونٍ غدت فرقبتك كثار=وماظنك لوقضيت العمر كله تحت رجلي .. بتسدها

[أميرة الإحساس]

ليه انت بالذات لامن غبـت تشغلنـي .... وغيرك اليا غاب قلت الله يسهل لـه
ليـه انـت تقدر تعاندنـي وتسهرنـي....... وليـه انـت تعقـد القلـب وتحلـه
يمكن لأنك بعيـد وصـرت ساكنـي.... واللي اكيد .. الشعور اللي انت محتله..!!

[! شيخـــــة المنتــــدى !]

رحـــــمتك يــارب لامن ضــاقت .. امنحني وســـاع
أنت حسبي في الزمان الجاير .. ونعـــــم الوكيــــل

[عـسـاه خـيـر]

الجمره اللي بالحشا, جرحها .. حي = مال العناء من سالفتها, نهايه !!

[! شيخـــــة المنتــــدى !]

تسجيــل خــــروج
برائعـه من روائـــع ( خالد الفيصـل )

/
/

يمرني كل عام يوم ميلادي=يوم أعرفه ويوم أنسى مواعيده
يمرني وأنتبه للغايب البادي=واهوجس بحال غيري من مواليده
أرتاع وارتاح له يفرق .. وهو عادي=ينقص من العمر عام في ضحى عيده
أناغم الحرف ذا باكي وذا شادي=وارسل مع كل دمعه وجد .. تغريده
يا وابل الغيث كان الحظ به جادِ=يزهر حياتي نداه وتزدهر بيده
يا ركب الايام معك العمر ينقادِ=كم ليلة وسدتني فيك تنهيده
ويا رحلة العمر في صحوات ورقادِ=ويا رعشة الجفن في غفوه وتسهيده
في لحظة العمر تسري فزة فوادي=لحظة وفزة وباقي العمر ترديده
اللحظة الماضية ما عاد تنعادِ=والقادم من العمر بالغيب تفنيده
ثلاثة أيام للرجال ياهادي=يومين دنياه .. ويوم البعث تخليده

تصبحــون على خـيـــــر

[" مــــابه جديــــد "]

البارحـه رايـق وعزالـي اليـوم=اليـوم .. لا بالله مانيـب رايــق
كنّي ورى باب المساجيـن مظلـوم=فالصدر همّ ووسط قلبـي حرايـق
اقعد وإلى جتني هواجيسـي آقـوم=واحتار في سوق الرجل للطرايـق
واعيش من بين المخاليـق مشـؤوم=وبيني وبين الحلـم مليـون عايـق
عايش وانا من صدمة الوقت مصدوم=لانيـب لانايـم ولانيـب فـايـق
مات الشعور اللي بالأضلاع مكتـوم=ماهمني لو صـرت مانيـب لايـق
اعيش انا للوقـت مانيـب ملـزوم=واكبر طموحي كيف اعـد الدقايـق
البارحـه رايـق وعزالـي اليـوم=والله يفرجها علـى كـل ضايـق

[مسعطر]

من عرفتك ما تذكرت الخطر=بايع ٍ عمري على حدي شطير
شوفتي لك هي مطاليع الخطر=وش بعد عينك على العاشق خطير..؟؟