أرجو التثبيت@أوزان القلطة المشهوره@أرجو التثبيت

[السكني]

أوزان القلطة المشهوره



الى الاخوه شعار المحاوره هناك اوزان للقلطه خاصه بها ..
وحبيت ان اوضح لكم بعض هذه الاوزان حتى تعم الفائده على الجميع ..


*^* ( البحر الطويل ) ..
كقول لويحان فيه :




هاضني مرقاب عديت في عالي فروعه عصر والشمس حيه
ساقني سايـق الاقـدار ليـن السـاق عـدا براسـه مـن عذابـي
أه واعبـرتٍ كنيتهـا مـا أبديتـهـا فــي حـشـا روحــي خفـيـه
مثـل عبـرة يتيـمٍ ينزرونـه نــزر والـنـزر هـضـام الشبـابـي





*^* ( الحنيفي )
(( نسبة الى مبتدع هذه التسميه شاعر يدعى بحنيف أوالحنيفي لقبه ))




من صافي النيه... سـلام رديـه
والملعبه صافيـه والليـل قافيهـا
من خاطرٍ صافي.. حييت يا سنافي
والملعبه شدهـا ليـاك ترخيهـا



*^* (( المربوع المكسور ))كقول سليمان بن شريم :




والله اني فوقهم كني علـى مزعافي...مهـرةٍ لعابـه
لي ثلاث سنين يا صقران هذا حوفي .. بندقي مشعابي
انت يا راعي الغنم قد شافك الشوافي.. جوكم النهابـه
يوم تمشي بالجبال السمر كنك عوفي.. للغنم حلابـي






*^* ( اللويحاني )كقول لويحان :




ألا يا مال فرقا العين الا يا مـال فرقـا العيـن
يا بعد الفرق بين الناس يا خـلاق يـا كافـي
خطاه الزول صورة يحسب الجمعه ضحا الاثنين
يغر الاجنبي زولـه وفـي ملبوسـه الضافـي





*^* ( القصير )
كقولـــه ..




يا سلامي على كـل الرجـال
ردةٍ خــاطـــري غـنـابـهــا
هبت ارياحها شرق وشمال
والمعاني حسبـت احسابهـا





*^*( المعوســر او العسيــر )كقول مرشد البذالي :




1 بدا.. منهو حدا.. بالقيل .. وان تيـه العجفـاوي
ولا.. منى على .. الاصحاب.. نفسٍ تجي دونيـه
2 عدا.. ذيب الندا.. في ليل.. مير احترس يالشاوي
ملا.. الناب العلا.. ون صاب.. ياخذ لحمته نيـه
3 غدا.. قولوا كدا.. ما قيل .. سبعٍ طمع به واوي
ولا..قولوا بلا.. شر شاب.. تطمع بـه الحنديـه





*^* ( المخو مـــس )كقـــوله ..




سلام والسلام مني والليله الملعب ينـادي
الليله الليله لعبنا ما هبلك يا قلب الشرودي
تحيـة وفـاء يـا فاهمـيـن التماثـيـل

يا ناقلين الطرق عني من جنب الطاروق غادي
ان قالو العالم تعبنـا أنـا قويـاتٍ عضـودي
تعاليـل يـا هـل اللعـب هــذي تعالـيـل




*^* ( المســـــودس )كقول مرشد البذالي :




اسمعو وافهمو رد الكلام يا سلامي على اللي يفهمون اقوال من قدم شريف الكلام بلا جزا
شاقه الولم.. واغرم يوم جابنه مطاليب حاجات الرفيق من عناله وجـب حقـه وصـار

ما لنا في تشعبات الكمام أنت يا من لكح بالرجم زولٍ زال واستدنا سلاح الشجاعه واعتزا
ثابت العلم.. وأفكر لين تدري طلـب قـوم والا انـه صديـق لاتسـرع بتنفيـذ المغـار




*^* ( المنكــــوس )
كقــوله ..




سلام رديه.. لها راس وعيون... سلام رديه
الليله الليله .. بها أشكال وألوان.. الليله الليله
رده ومثنيه.. على اللي يغنون.. رده ومثنيـه
كلن وتحليله.. الى كان ماكان.. كلن وتحليلـه




*^* ( المثــــــومن )كقولــــه ..




وصلنا سلامك.. ونفهـم كلامـك
تبي تركب البرج والبرج عالـي
ترفق وخل المشي يا رجل بالهون
لقيتك لقيتـك.. وأنامـا نسيتـك
تصلي الفروض وتبوق القرايـب
توضيت والا مصلي ما توضيـت






تضلل علينا .. وحنـا درينـا
قيـل لاتكمـل ثمـان الليالـي
تصلون ولا يالربع ما تصلـون
عصيت القرابه.. نويت الحرابه
ماهو نافعك لو يقولون تايـب
تقهويت ولا عندنا ما تقهويت





*^* ( المــــربوط )
(( ربط بكلمة مكرره كقولهم :العالم الله ))




ياسلامي عليكم عد سمـوّا قبيلـه
قلتها من صميم الجاش والعالم الله
وين راح القبيل اللي ينومس قبيله
ما ربطنا عليها شاش والعالم الله




** وهذا نظم أخر مربوط ايضا..
(( حيث تكرر جملة : المعني على سطح القمر))




يا شاعر الميدان لوتنخا فـلا تلقـا نصيـر
ادخل ولك مظهار والمعنى على سطح القمـر
ترى الجمل عيبٍ عليه رغاه من عقب الهدير
خذلك بها مشوار والمعنى على سطح القمـر



((أرجو ماقندماه يجوز على رضاكم**السكني**))

((يمنع الرد للقراءة فقط))

[حبيب]

السكني لاهنت وبيض الله وجهك على مانقلت تحياتي

[ابومحمد الشامري]

لا هنت اخي العزيز السكني على الموضوع القيم ما قصرت يا السنافي

[فهد بن محسن]

تسلم اخوي السكني

الله يعطيك العافيه ولا قصرت يالسنافي


تحياتي لك

[راشد العتل]

تشكر اخوي السكني على المجهود ولاهنت

[لسان العرب]

عزيزي السكني ان هذه التسميات التي ما انزل الله بها من سلطان
لا تصنع لنا بحورا جديدة من الشعر ولو دققنا النظر لوجدناها تلاعبا
وتشويها لبحور اخرى ولا يحق لاي شخص ان يقول انني ابتكرت بحرا
جديدا وهو اجهل من حمار اهله بعلم العروض فلو كان على معرفة
بهذا العلم لادرك ان هذه البحور المزعومة ماهي الا صورا مشوهة
من بحور اخرى او بحورا عرفت باسماء منذ قديم الزمن ونحن سميناها
باسماء اخرى

[المناجي]

صدقت أخي لساااان العرب ...

لم تستخرج بحور جديده منذ أن تأسس علم العروض ولم يستطع فطاحلة الشعر الفصيح او النبطي في أبتكار بحر واحد منذ ذلك الحين حتى وقتنا الحاضر .. نعم هذي هي الحقيقه أما
ما يذكر فهي طواريق يعني ألحان فقط وليست بحور مبتكره ...

دمتم بخير ..