اللـي يقــدرني عـلى الـراس والعــين !!!

[عايض الوقدان]

السلام عليكم ورحمة الله وبركاته




من باب (( من تهقوى على الرجال يصبر على ما جاه ))




تقبلوها كما هي ,,,

,
,
,

اللي يقدرني على الراس والعين=واللي حقرني يســتحق احتقــاره
اتعــب على كسـب الرجال المسَمين=والحــر قــالو يفــتــهم بالأشـاره
رجــال لـي عقــلي وأعــدل المـوازين=وأمشــي يميـن الــدرب وأتــرك يساره
مــاألـد عــيني فالخـبول المجــانين=عـــيب(ن) عـلى الرجال يــفقد وقـــاره
واللي تجــاهلني وأنـا أخيك يا حــسين=خلـه على دربــه وقربــه خســاره
لا تحـسب أنـي بتــبعك يـا المســيكين=مــنته من أهــل الطـيب وأهل النعــاره
مــا نقــْصت قــدري هــروج الضعيفــن= لكن على مــاقــيل خـذها عبــاره
(ما يجحد المعروف غير الخسيسين=ومــالي ورا طــرد المــقفي تجــاره)
وأن عًــودت فــأنا حفـيد السلاطــين= تــرتيبهم من غــير شـك الصــداره
حـنا هل الطـولات سقــم المعـاديـن=حنـا عـذاب القـــوم ســم المــراره
ذَبـــاحة الــشيخان يــوم الاكــاوين=امــخضـبين السـيف فـي كـل غــاره
بـأفعــالنا تــشهد جمــيع المــيادين=وبــأفعــالنا نــرقى بـراس المنـــاره
عجــمان ربــعي والوقــايع بـراهين=اســم(ن) تــعلا فــوق حــق وجــداره
واللي تجــاهلنـي وأنا أخــيك يا حسين=خــله علــى دربــه وقــربه خسـاره

[ابونايف الوعيلي]

صـــــــــــــــــــح لســـــــــــــانك


يالشاعر عايض العجمي


ولاهنت على الجزالــــه



تقبل مرووري


اخووك

ابونايف الوعيلي

[مطلق اليامي]

صح لسانك


يا عايض أبيات قمة للأمانة

و جزالة والله يوفقك


أسعدني مروري و مشاهدة النص الجميل


تقبل إعجابي

أخوك مطلق اليامي

[محمد نادر سويد]

الاخ عايض العجمي كفو وبيض الله وجهك

على القصيده الجزله

المميزه لاشك من شاعر

مميز متمكن حرف ومعنا

لاهنت تقبل تحياتي

اخوك

[فيصل الشامري]

الله الله ابداااع

صح لسانك مدد ولا هو عدد

جزله من شاعر جزل

ولا شك ما نستغرب من الغيم الأمطاار يا عايض
:

:


ذَباحة الشيخان يوم الاكاوين
امخضبين السيف في كل غاره


البيت هذا ينقط جزاله يا عايض ...

وصح لسانك ولاهنت ..


((و من تهقوى على الرجال يصبر على ما جاه ))

[محمد الغيثاني]

صح الله السانك على القصيده الجزله ولاهنت

وفي

انتظار جديدك

[سعد بن بصيص ال فنيس]

صح السانك
والله لايهينك
وبيض الله وجهك
وتقبل مرووووري

[العظــ سالم ــيمان]

اي بله جنب من الخبول المساكين
وش اللي يربقك فيهم


قصيده حلوة

وصح اللسانك

[واصل بأذن الله]

صح لسانك يا عايض العجمي.......
وبيض الله وجهك ولا هنت.......
وتقبلو مرورررري خـــــــــــــــــا بن دبسه لــــــــد.....

[عايض الوقدان]

المشاركة الأصلية كتبت بواسطة ابونايف الوعيلي

صـــــــــــــــــــح لســـــــــــــانك


يالشاعر عايض العجمي


ولاهنت على الجزالــــه



تقبل مرووري


اخووك

ابونايف الوعيلي

صح بدنك والله لا يهينك على المرور

يا الوعيلي , , ,