قصة وقصـيــــــدة

[طارد سراب]

(غابت ثمان سنين)من أجمل ماقرأت من قصائد الفراق



قصيده وقصة عجبتني واحببت ان تشاركوني قراءتها



القصيدة قصتها يوم كان الشاعر يحب وحدةٍ في دياره الشمال وماقسم الله بينهم نصيب وتزوجت البنت من واحد ثاني وسافرت وكان الشاعر يحبها حب خيالي وبعد ثمان سنين وكان الشاعر يعمل مدرس وجاه نقل اجباري لمنطقه بعيدة الظاهر في الجنوب ويوم داوم اول يوم في المدرسه وكانت ابتدائي شاف بين الاطفال طفل غريب يحس بشي يجذبه له ويوم ابتسم الطفل ناداه المدرس وقاله من انت ولده قاله انا ولد فلان قاله انت امك فلانه قال الطفل ايه قام المدرس سكت وكتب القصيدة ومن بكره عطاها الطفل وقاله عطها امك واليكم القصيده







غابت ثمان سنين حل وترحال ~~ غابت ثمان كلها مدلهمه

قضيتها بالحب و الشوق رحال ~~ شوق تحدى كل باس وهمه

وسئلت عنها سنين وشهور وليال ~~ لا فيه فج غير وجهت يمه

عقب الثمان الى تعبها برى الحال ~~ جاب الزمان الكارثه والمطمه

جاني ولدها مبتسم بين الاطفال ~~ ومن بسمته ذكرت انا بسمة امه

شفته وصاح بداخلي كل الامال ~~ بصوت عجزت بكتم الانفاس المه

وركضت له ودمعي على الخد همال ~~ من كثر شوقي قمت بالحيل اضمه

ولحضة حضنته و الطفل في يدي مال ~~ شميت ريحتهاعلى اطراف كمه

واستلهمت نفسي مقاديم الاهوال ~~ وتم الضياع واكدت لي متمه

ليت الغياب الي شغل غربتي طال ~~ ولا دور العاشق على حرق دمه

و اليوم بنت الناس في بيت رجال ~~ وعشق على غير الشرف لي مذمه

مجبور اعود واشتكي لكل الاميال ~~ نفس حزينه كائبه مستهمه

يرجع غريب سكته بر ورمال ~~ يموت يحى يندفن ما يهمه








اتمنى ان تنال على اعجابكم


مع اجمل التحايا


منقول

[عبدالله آل عامر]

قصة وقصيدة مؤثرة
:
لاهنت يا ثقل على النقل الرائع
:

[طارد سراب]

ولانت يابوعامر
وشاكر على مرورك

[ناثرة الورد]

{{ ثقل بن ذيبان الهتلاني }}

يعطيك الف عافيه علي هالقصه و القصيده المؤثره ....

تقبـــل ::

كل الشكر و التقدير ....

[طارد سراب]

ناثرة الورد الله يعافيش
ومشكوره على المرور

[عبدالله بن شيبان]

اواعزااه
:
لاهنت يا بو ذيبان على هالقصة و القصدة الرائعة (اهم شي ركز على القصدة)
:
وهذي الساعة المباركة

[طارد سراب]

ولا يهينك يابو محمد
والله يخليلنا مفرداتك الحلوه( القصده)
وشاكرلك مرورك

[الغروب]

ثقل بن ذيبان الهتلاني

تسلم ع القصة والقصيدة ذات المعنى والعبرة

وفقك الله

[طارد سراب]

الله يسلمش الغروب
وبارك الله فيش
وشاكر مرورش