مجالس العجمان الرسمي


مجلس عيون الشعر النبطي يعنى هذا المجلس بالشعر النبطي المنقول وكذلك بالشعر قصة وقصيدة

رد
 
أدوات الموضوع طرق مشاهدة الموضوع
  #1  
قديم 16-01-2006, 09:46 PM
تركي تركي غير متصل
 
تاريخ التسجيل: May 2005
المشاركات: 35
معدل تقييم المستوى: 0
تركي is on a distinguished road
Smile عديت راس مشولح يجذب الشوف

عديت راس مشولحٍ يجذب الشوف=ناب الحجاء روح المشقّى فتنها
رجمٍ بدا فتان في مرقبه نوف=أم الوحش بحماه تبني وكنها
عمرّدٍ يزمى على رأس قفقوف=يكشف طوارف شامها مع يمنها
معلولياً من نحت الأرياح منحوف=في رأس عيطى مكهفاتٍ ركنها
يكشف غطاليس ومغارات وكهوف=ويبدي عليك المختفي من وطنها
رجمٍ بمرقابه راع الصنف مكلوف=مرقاب من روحه تزايد شجنها
جلست بظلاله عقب ساعة وقوف=ياما غروب الشمس قرّب زمنها
أدير بأفكاري مواقيف وأصنوف=وعوايدٍ سيل التطور دفنها
زاحت كما زاح الطخاء ريح عاصوف=أقفت بها جرد السنين ونحنها
عوايدٍ هجر النيا لافها لوف=عصر التقدم سيف غدره طعنها
أقفى عليها دون رحمه ولا روف=وأحفاد أهلها حاملينٍ كفنها
بس الأثار ورمس نقشٍ على حيوف=لأجيال دورات الليالي محنها
جريت من صدري تناهيت وحسوف=ونشدت دورات المقادير عنها
وين الزحول اللي بهم يدحم الخوف=اللي نهار الكون تحمي ضعنها
سباع الرجال اللي لها الصعب معسوف=ليا أرزم وغى الهيجاء وثوّر دخنها
ما أعدهم في هالفيافي خذو طوف=ولا أعد مضهود الرفاقه زبنها
من دونهم حالت غياهيب وألجوف=واللي خلف ريف الهجافا دشنها
وين الجهام اللي على العد مرصوف=يشمل قفور المرتفع مع طمنها
يرعى هَيَتْ ما صفّقه كل مزهوف=وقومٍ تنوش حماه تِقْطع وتِنْها
وين البيوت اللي لها القدر محروف=عن المسيّر ما تقَطّب عننها
برفافها كيف الرجاجيل محيوف=ومن ضَدّته سود الليالي زبنها
بيوتٍ تبَّنى للمسايير وضيوف=وان طبها الخايف حياته ضمنها
ميسورها يغني معاويز وضعوف=كمٍ من ضريرٍ جاله العون منها
سلوم عنها جيلنا يعلن عزوف=داع الحضارة والتقدم رهنها
دارت رحى شهباَ شلاهيب وعجوف=بيعت بها الشيمة رخيصٍ ثمنها
أدوار وأسرار ومقادير وحتوف=سيرة حياة الحي هذي سننها
تظهر علينا أشكال وأنواع وصنوف=تخيف اللبيب اللي بعقله وزنها
تفرقت شوفات وأهداف وشفوف=والكره خيّم بالنفوس وشحنها
وحّل الظلام وصاب شمس الضحى كسوف=وعقيَّلها خافت بوايق خونها
قل التواصل وإِنّعى كل معروف=وأيامنا كثرة بلاوي شطنها
وعَفن الرجال أصبح شجاعِ وعيروف=سبع اللغات المستحيلة رطنها
وصارت على الطيَّب مهاميز ووشوف=وعليه عَفن الساس يامر وينها
ورأي المرأة ماخوذ ورجالها وقوف=تقودهم قود العسيف برسنها
الحر غاب وعاث بالجول أبالعوف=وأسودها بكهوف حيفا خزنها
ذل الجسور وصاطي الكف مكتوف=وأهل السلوم الوقت غيّر لحنها
ياحيف ما هذا لنا مهد ووصوف=حياتنا نقطع بتايت مننها
أحفاد من ترثت مقاديم وسلوف=نتبع غيانا والنفوس بوهنها
تردت الهقوات والحيل متلوف=ناسٍ ترواد بالرذيلة ألسنها
تم الجواب ومنهج الهرج مكشوف=من عارف له غايةٍ ما لكنها

صالح ضويحي العنزي


وسلامتكم ...
رد مع اقتباس
  #2  
قديم 17-01-2006, 03:09 AM
العوووود العوووود غير متصل
 
تاريخ التسجيل: May 2005
المشاركات: 3,424
معدل تقييم المستوى: 22
العوووود is on a distinguished road

الاخ تركي


صــــح اللســــانك ولســــان شاااعرهااا ولاهنت على النقل الطيب

تحياااااااتي

 

التوقيع

 

 
 
رد مع اقتباس
  #3  
قديم 17-01-2006, 11:15 AM
تركي تركي غير متصل
 
تاريخ التسجيل: May 2005
المشاركات: 35
معدل تقييم المستوى: 0
تركي is on a distinguished road

اقتباس:
المشاركة الأصلية كتبت بواسطة العوووود
الاخ تركي


صــــح اللســــانك ولســــان شاااعرهااا ولاهنت على النقل الطيب

تحياااااااتي

صح بدنك يالعود

لاهان راسك على المرور الرائع ...
رد مع اقتباس
رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع إلى

 


الوقت في المنتدى حسب توقيت جرينتش +3 الساعة الآن 04:58 AM .


مجالس العجمان الرسمي

تصميم شركة سبيس زوون للأستضافة و التصميم و حلول الويب و دعم المواقع