تكفون جاء يوم الحمايا وأظهروا من هي له&تكفون لأبن فطيس جعل الله يعلي شأنه(صوتية)

[ابومحمد الشامري]

هاذي القصيدة القيت في امسية قبائل يام وهمدان في دعم الشاعر المبدع محمد بن فطيس المري.

لسماع القصيدة:
http://www.t7mel.com/Files3/ca0ca31d13.zip

بسم الآله اللي لغيره مأنحنى رأسي له=الواحد الفرد الصمد جل وتعالى شأنه
وحده له المنه وجب تسبيحه وتهليله=من عبده اللي شايف جور الزمن بأعيانه
من عقب ذكره ياحروف الشعر ويش أنتي له=أنتي لـ مثل اليوم ولا والله مالش خانه
سلام يارؤس العرب سلام يالحلحيله=سلام ياتاج الفخر سلام ياسيسانه
يالابتي ياصلب يام معدلين الميله=ورأسي الا من قلت يام شاش به شيطانه
يام هل فعول يخلدها الكتاب لـ جيله=واللي مايدري لازم انه يدري بـ شيبانه
يام مزبنة الدخيل اللي تشاوا حيله=ويام هل الفزعه بـ يوم ثاير دخانه
درعي زنادي عزوتي لامن حداني عيله=وأهل الحمايا لأقتضى الديان من ديانه
الليله الليله الا يابركها من ليله=تجمع هل الناموس في حفل لفوا ضيفانه
الله يجمل من نوا الجمعاء وقدم حيله=يبغى سنام العز من جوده وبذل احسانه
يالابتي يالابتي والحمل يلزم شيله=والعين ماترقد هنيه وأختها سهرانه
يالابتي والعلم واضح جارح به سيله=اكبودنا فيها طنا والوضع زر ابطانه
شعار يام شرفونا كلن وتمثيله=في محفل غدا سلاح الرجل قول لسانه
ويكرر الدكتور: يأبن فطيس مابك حيله=ولابقى الا دورنا اللي فاتح بيبانه
رقم ثلاثه وأربعه فنجان وأنتم هيله=والدله التصويت صبوها على ميزانه
تكفون جاء يوم الحمايا وأظهروا من هي له=تكفون لأبن فطيس جعل الله يعلي شأنه

[يوران]

شعـار يـام شرفـونـا كـلـن وتمثيـلـه=في محفل غدا سلاح الرجـل قـول لسانـه

اي والله شرفونا شعارنا الياميه وبيضوا وجيهنا

وقدموا صورة مشرفه ورائعه عن يام وعن تكاتفهم وفزعتهم

لاهنت يابوحمد على الرائعه

[ناصر ال مهذل]

قدحن قايمين بواجبنا والباقي على الله

[راعي الحرشاء]

تكفون يا صبيان يام تراني ششت نبغيها حامية في شاطيء الراحة

[@زايد بن ألغز@]

والله لن حن مع أبو حمد بون قصيد, وهذا واجب رجال يام مع ولدهم

وأشكرك يا بو حمد على نقل القصيده وصح لسان شاعرها

تقبل تحياتي

@زايد الغزي@

[ابومحمد الشامري]

اشكر جميع الاخوة والاخوات وبيض الله وجيهكم وبالتوفيق لابن فطيس

[عبدالله آل عامر]

صح لسان شاعرها وبيض الله وجهك يابوحمد على القصيدة

ارقى سنود يابن فطيس

[مهرة النسيان]

صح لسان شاعرها عز الله انها تثير الحماس في نفوسنا
وجعل ربي يوفقك ويحميك يابن فطيس
لاهنت يابو حمد على القصيده

[محسن بن فطيس]

بيّض الله وجه راعي القصيده وراعي الموضوع

بس الرابط ما يشتغل

ولا نعرف من الشاعر

ياليت تزودونا

[سعود الخويطري]

صح لسان شاعرها وبيض الله وجهك يابوحمد على القصيدة