ْ~ انك اللي كنت ثالث والديني ~ْ

[الفرس]

	شيب عيني كل ما لدّيت عيني = كن ضلع طويق راسي فوق راسي !! وان طرالي ما مضالي من سنيني = واصطفق وجه الليالي بالمآسي مالي الا الله قبل يندا جبيني = لين اميّز فاقتباسي واختلاسي الله اقوى يا ظروفٍ تحتويني = لين صار الهم عندي شي اساسي والبلا ان الحظ من بينه وبيني = مثل ما بين السياسه والسياسي لا خسر ثم قال انا وش فيْ اديني !! = فاز من يرقص على لعب الكراسي وانت يا قلبي ويا مصدر حنيني = لا تحمّسني وانا شاعر حماسي تحسب انّي لا بغيت الفرقديني = انحنى راسي .. وشص الوقت ساسي ! ما يهم انّك تبيني .. ما تبيني = المهم انّك تذكّر كان ناسي انّك اللي كنت ثالث والديني = وكنت اليّـن لجل عينك كل قاسي وكنت اجيك وفرحتي بك فرحتيني = بين شوقي واندفاعٍ دبلوماسي وكنت دايم من يساري لا يميني = لين عفت مجالس ربوعي وناسي والنتيجه ..! أكتبيني وامسحيني = يا حروفي .. وانهي العام الدراسي ما بقى الا من رصاص المارتيني = طلقةٍ تِجلى ولا تجلى عماسي

عجبتني ونقلتها لكم ..

ما اعرف منهي له ...!!

[&آهــــات الحــــزن&]

صـــــــــــــح لســــــــــــانه ولـــــــــسااااااااااااانش لاهنتي اختي الفرس على الاختيار المميز

[محمد الغيثاني]

شيب عيني كل ما لدّيت عيني = كن ضلع طويق راسي فوق راسي !!
وان طرالي ما مضالي من سنيني = واصطفق وجه الليالي بالمآسي
الله اقوى يا ظروفٍ تحتويني = لين صار الهم عندي شي اساسي
والبلا ان الحظ من بينه وبيني = مثل ما بين السياسه والسياسي
لا خسر ثم قال انا وش فيْ اديني !! = فاز من يرقص على لعب الكراسي
وانت يا قلبي ويا مصدر حنيني = لا تحمّسني وانا شاعر حماسي
انّك اللي كنت ثالث والديني = وكنت اليّـن لجل عينك كل قاسي
وكنت اجيك وفرحتي بك فرحتيني = بين شوقي واندفاعٍ دبلوماسي

لا هنتي يالفرس على هذه الرائعه للشاعر المبدع والرائع

خالد الحصيّن
وهي قصيده بعنوان (( لعب الكراسي ))

[الفرس]

الاخت اهــــات ..

يامرحبا بش يالغاليه ..


من ذوقش ..

[خالد وبس]

الفرس


صح السان شاعرها وتسلم اناملك على الاختيار الجميل والرائع



تحياتي لك

[فـارس]

الفرس

صح الله لسانش ولسان شاعرها .. وشكرا لش على اختيارش المميز

وتقبلي مروري

[الفرس]

الغيثاني ...

لاهنت على الاضافه ..



بجد شاعر مبدع ..

[الغروب]

الفرس

تسلمين على النقل الموفق < مرررررررره حلوووووووه>

دمتي بتميز

[الفرس]

خالد وبس ..

صح بدنك .. نيابة عن شاعرها ..


وتسلم مرورك هو الذوق ..

[الفرس]

الاخ فارس ..

اسعدني مرورك ..


وشكرا من ذوقك ..