مقابله مع عبدة الشيطان

[فهيد الكفيف]

عبده الشيطان أفه ظهرت في العالم الغربي وهذا امر غير مستغرب ولكن ظهوره في مجتمعنا الاسلامي الشرقي هو الامر المستغرب ؟!!!
وين الدين والاسلام عنهم بدلوا مكانه الله بعدوه شوفوا هالشغله اوعطوني رايكم.

أخليكم مع اللقاء..شاب يسأل بنت يتعرف على بنت عبر الماسنجر وتفاجأ انها من عبدة الشيطان فأراد ان يعرف ولماذ وكيف حدث ذلك.. .. واخذ معاها بالحوار وهذا هو .. وآسف اذا في عبارات ماتعجبكم ..



بنت خليجيه من عبدة شيطان
هالبنت تأثرت بأغاني الروك الميتال والهيفي ميتال و الهاردكور والبلاك أند دث ميتال
(نوع من موسيقى الروك اللي تبط الأذن وكل اللي يأدون هالأغاني فرق عبدة الشيطان)
لي درجه الجنون
ولما سألتها عن الفرق اللي تحبها قالت :-
Children of bodom, Cradle of filth, In Flames, Soilwork, Slipknot, Coal Chamber, Demon Hunter, Dark Tranquillity, From AutumnTo Ashes, Old Man's Child, Killswitch Engage, Lacuna Coil, For My Pain..., DimmuBorgir, Dark Funeral, DevilDriver, Mudvayne, Nothingface .. and more
يعني ماخلت فرقه من فرق عبده الشيطان الا وحبتهم
والله هالبنت أستخفت .. لي درجه أنها تعترف أنها كافره !
تربت في المدارس الانجليزيه الخاصه .. حتى لما كلمناها ما تتكلم الا أنجليزي تقول أكره العربي
يعني ولا تدري عن دينها .. الله يهديها
أحنا قابلناها بطريقة غير مباشرة عن طريق المسنجر
وقدرنا نطلعلكم بالمعلومات اللي راح تشوفونها
أول شي سألناها عن بطاقتها الشخصية:-
الاسم : طبعاً ماتقوله علشان الفضايح
النك نيم : فامبايرا .. بالعربي يعني مصاصه الدماء!!!تاريخ الميلاد : 19 أكتوبر 1989 .. لاحول ولا قوه الا بالله
الوزن :42 كيلو
الطول : 154 سانتي متر
الجنسية :خليجيه ....!!!!!!!!!!!!!!!!!!!!!!!!!!!

هواياتها : تسمع أغاني عبدة الشيطان اللي تبط الراس

تعزف قيتار
(ماسألناها بس أتوقع قيتار كهربائي)

البلع
(عسى الأكل زقوم )

النوم
(نامت عليج طوفه قولوا آمين)

.. تجرح نفسها تقول أحب أشوف نفسي مجروحه
(الحمدلله والشكر)

.. تحب تذبح الحيوانات مثل الكلاب والقطط وتتسبح بدمهم !!! وتحب تتصرف تصرفات عبدة الشيطان

هذي كانت بطاقتها الشخصية .. والحين بحطلكم بعض الأسئلة اللي سألناها غير اللي حطيتهم لكم ببطاقته الشخصية .. وطبعاً على قد عقلها :-


?????: ليش مسميه روحك فامبايرا؟


فامبايرا : لأني أحب الفامبايرز


?????: شاللي محببك فيهم؟


فامبايرا : لأني وحده منهم صج مو مثل اللي يطلعون بالأفلام


?????: أنزين شفيك تتكلمين الانجليزي ليش ماتتكلمين عربي؟


فامبايرا : أعرف أتكلم عربي .. بس أكره العربي .. وبعدين أنا أتكلم أنجليزي أكثر من العربي


?????: بس لازم ماتكرهين أنك تتكلمين عربي أو تنسين أنك عربية .. .. اللغة العربية لغه القرآن .. ولا شرايك؟


فامبايرا : .... بليز غيروا الموضوع


?????: اوكي .. انزين بس انتي اللي بروحك بهالحاله من أهلك ؟


فامبايرا : اي بس انا


?????: انتي ماتحسين انك غلط بينهم ؟
فامبايرا : أصلاً انا أكره أهلي وأكره كل الناس وأكره نفسي .. كله تلقاني أقعد بداري بروحي وأسمع هالاغاني .. ومرات أقعد أبجي ومحد يوقف معاي غير أخوي الصغير


?????: اممم اخوك الصغير ... شسمه ؟


فامبايرا : ... سوري ماقدر


هذا أخوها الصغير .. وأسمه محمد .. ماقالت أسمه بس عرفته بطرقي الخاصه*

?????: انزين أنا بعرف أهلك يدرون أنك عبده شيطان ؟


فامبايرا : أنا مو عبدة شيطان .. بس أحب أقلدهم



فامبايرا : امممم .. كنت مسلمه بس الحين لأ


?????: ماتستحين على وجهك لما تقولين انك مو مسلمه ؟!؟


فامبايرا : شفيك قلتلك أنا كنت مسلمه .. بس أكتشفت أن الاسلام كله خرافات

?????: شلون تتجرأين وتقولين أن الاسلام كله خرافات ؟ .. حد أم الضياااع ... أنزين دليل يثبت اللي تقولينه .. والله العظيم أدري ماتقدرين تردين على هالسؤال

فامبايرا : غير الموضوع بليز لا يصير .....


... أنزين ماقلتي أهلك يدرون عنك ؟


فامبايرا : اي يدرون


?????: ونعم الأهل .. اللي يشوفون بنتهم وساكتين عنها ...


فامبايرا : عن الغلط

?????: عن الغلط ؟ أنتي الغلط بكبره .. الله يهديك بس .. ترى انتي بعدك ياهل .. مو تقولين تحبين القراءة ؟ روحي أقري القرآن يمكن الله يستر عليج .. بس لازم اول شي تتوضين .......


فامبايرا : انت بلوك ودليت خلاص


هذه بعض الجمل من حوار دار بين بنت في مقتبل العمر ولكنها دخلت متاهات الشيطان وقد حذفت الكثير من الجمل التي أربأ بذكرها واترفع عن كتابتها لكم لما لكم من قدر

ولكن السؤال اين الاسره من هذه البنت المنحرفه واين المجتمع الذي يحيط بها وهل هناك قبول لها مما يشجعها على الاستمرار بما هي عليه؟؟!!





في النهايه مااقول الا الله يستر علينا ويحمينا من هالاشكال.


تحياتي لكم...

[بندر العجمي]

الله يستر علينا


وذول مرض نفسين دم وذبح قطاوا الله لايبلانااااااا





والله لايشينك يافهيد

[مهرة النسيان]

الله يتوب عليها ويشفيها .. طفلة مالقت من يوجهها للطريق الصحيح !!

الله يحفظ جميع شباب وبنات المسلمين من الضياع ..

لاهنت يافهيد ..

[محمد الغيثاني]

ما اقول الا كما قالت مهرة النسيان
الله يتوب عليها ويشفيها .. طفلة مالقت من يوجهها للطريق الصحيح !!

الله يحفظ جميع شباب وبنات المسلمين من الضياع ..

لاهنت يافهيد ..

[فهيد الكفيف]

اشكركم على المشاركه

وادعوا الله ان يهدي ضال المسلمين

[أبو مسعود]

اللهم ردهم اليك رداّ جميلا


الله يهديها ويستر عليها

لاهنت يابو محمد

[فهيد الكفيف]

بو مسعود اشكرك على التواجد والمشاركه

تحياتي لك..

[أم أدهم]

الله يعفو عنها ويسامحها ويهديها

ويوجد بطريقها من يدلها على طريق الهدايه آمين

شكرا أخي الفاضل فهيد على الموضوع

والله يعطيك العافية والاجر الحسن