قصيدة للامير/ راكان بن خالد الحثلين

[البنايد]

سلام ياراع الوفا والمهمـــات = سلام ياميرٍ كسانى بطيبة
سلام واحلا من لبن در خلفات = والذ واطعم منة ياذايقينة
من ابل ابوخميس سجين الصلوات = الشايب اللى مايتقفى بغيبة
منى لابو محمد يخصة وبالذات = يابخت من يمناة سابت يمينة
الطيب لك يامير طبعٍ وعادات = يادرعنا اللى بالعسر ذاخرينة
بعسر المحن لك شايع الذكر وقفات = ماهى على من كان مثلك غريبة
راكان ياللى كاملٍ كل شارات = أنا اشهد ان الاسم غصب يغديبة
لاياولد شيخٍ توفى ولامات = مامات من مثلك شبيهك يجيبة
ذكراة لو يموت تبقى سنوات = خالد ياراع فعول تذكر عجيبة
ياللة جعلة فى نعيمٍ وجنات = وتدراة من حر الجحيم ولهيبة
اللة خلقك وحط بك سبع شايات = فكاك حلال الامور الصعيبة
ياجامعٍ عشر الهجر فعل وثبات = كل من يبيك تصير عندة قريبة
من طيب طيبك دنقت كبر هامات = من زود حبك كل راىٍ رضيبة
يامير لك بالجمع رغبة وغايات = ويامير لك بالجمع عزٍ وهيبة
مدحى يابو محمد مابى منة عازات = الاجميلٍ ليت كلٍ دريبة
نرفع لك البيضا على روس رايات = ياعزوة اللى شاف غم وغليبة
سلام ياراع الوفا والمهمات = سلام ياميرٍ كسانى بطيبة