من كثر ماكنـت ! جارحنـي وظالمنـي .......قمت اعـزل جروحـك بقلبـي واسميهـا

[صالح أل صليع]

من كثر ماكنـت ! جارحنـي وظالمنـي ..
قمت اعـزل جروحـك بقلبـي واسميهـا

الصـوره اللـي ( بجوالـي ) تعذبـنـي
...ياكثـر ماجيـت ابمسحهـا ! واخليـهـا

ياللي جفيـت وجفـاك المـر .. ذابحنـي
...عقبك وجيـه البشـر .. مانـي بدانيهـا

من يوم حبك .. غـزى القلـب وتملكنـي
........قطعـت كـل العـلاقـات وطواريـهـا

اقـرى رسايلـك ودمـوعـي تسابقـنـي
..وارد ! واقرى الرسايل .. واحتفـظ فيهـا

انت آخر انسـان هاقـي منـه يصدمنـي
......والظاهـر ان هقوتـي بانـت مواريـهـا
لـو الوصايـا ليـا احتديـت ! تنفعنـي
.......ياكثـر نـاس ٍ علـى ذودي بوصيـهـا

ليت الفـرح ( بنـك ) لاجيتـه يسلفنـي
....واقاصـده ( راحتـي ) وحقوقـه اوفيهـا

من كثر ماكنـت ! جارحنـي وظالمنـي
...قمت اعـزل جروحـك بقلبـي واسميهـا

تـدري وش اللـي يبكينـي ويضحكنـي
..........انـك محـامـي قضيتـنـا وقاضيـهـا

تدري متـاك ؟ تعـرف قـدري وتفقدنـي
..لارخصت نفسك ,, لشخـص ٍ مايراعيهـا

بكـره الا هملـوك الـنـاس تذكـرنـي
.........وتقول عـزاه : عينـي مـن يداريهـا ؟

مدام غيـري ؟ علـى قلبـك مشاركنـي
......وش هـو لـه ؟ اعلـق الأمـال وابنيهـا

يكفينـي انـك رحلـت ومنـت عايفنـي
.......هذا عـزا النفـس مـن كثـرة بلاويهـا

اهديتك : دمـوع مـن طعنتـك تحرقنـي
......وانـت اللـي تستاهـل الدنيـا ومافيهـا

واهديتني جرح .. موجعني ؟ وعاجبني ؟
.........لــن الهـدايـا عـلـى مقدار مهديـهـا

صحيح ! ( حنا انتهينا ) .. بس صدقني !!
...والله ان تبقى ( هوى روحـي ) وغاليهـا

مفضوح ؟ راع الهيام .. ونظرته !! تغني
.....ملامحه واضحه ! , في وجهـه راعيهـا

لكـل داء ٍ دوا .. لـو هــو متعبـنـي
........إلا محبتـك ؟ .. أعيـت مـن يداويـهـا

ان قلـت : علمنـي انسـى ؟ لاتعلمنـي
.........دنيـاي لامـن نسيتـك ويـش تاليـهـا

فارقتنـي وضحكتـك عيـت تفارقـنـي
.............والله يلعـن ابــو الفـرقـا وطاريـهـا

مقدر !! أفكر بغيرك ؟ .. وانت عارفنـي
..عشان حاجه ؟ بقلبي .. مقدر !! أخفيهـا

اخاف لاحبنـي غيـرك ؟ .. وعاشرنـي
.........يشوف صورتـك فـي عينـي ويوحيهـا

نشدت عنك ؟ وسمعـت اللـي يفرحنـي
...........وارتاح صـدري مـن همـوم ٍ يحاتيهـا

تبي تعرف ! وش ؟ على الفرقا مصبرنـي
...........انـك بخيـر .. وحياتـك مهتنـي فيهـا

مـن يـوم ماغبـت ! والوحـده تعذبنـي
.......اقرى ( رسايلك ) فـي حرقـه والاحيهـا

اشوف ( صورتك ) .. ودموعي تسابقنـي
.........وياكثـر ماجيـت أبمسحهـا ؟ وأخليهـا

[someone]

ياسلام
تسلم على ها النص
صح لسانك اخوي

[صالح أل صليع]

منور بتواجدك
تحياتي

[ع ــطر النســـيان]

بوح رائع
سلمت

[صالح أل صليع]

عطر النسيان
كل الشكر علي مرورك
تحياتي

[ناثرة الورد]

{ يعطيـكـ الـف عـافيـهـ علي هالاختيـار
الـرائع و المميـز ..

دمـت بهـذا التميـز ~

[الريمي 2009]

الله الله عليك يابوصلوح
اختيار لا احلى ولا ارق منه
جازتلي ذالقصيده الى اخر قطره
تسلم وصح الله لسان القايل وتسلم يمين الناقل
دايم ووجهك ابيض
تحياتي للذائقه الفاخره

[مليحة العجمان]

من كثر ماكنـت ! جارحنـي وظالمنـي ..
قمت اعـزل جروحـك بقلبـي واسميهـا

يعطيك العافيه ولاهنت

[صالح أل صليع]

ناثرة ورد
كل الشكر علي مرور ورودك
للموضوع
تحياتي

[صالح أل صليع]

الريمي
قبولك للقصيده يزيدني ابداع
لاخلا ولا عدم