للـــــــــــــــــــــــــــه درك يابوحمد ......... أبيض وجه

[الغروب]

مشكور الغيثاني على هالموضوع اللي يفتح الفرصه للفخر باخونا ابن فطيس

وماهي غريبه يا ابن فطيس < اشهد انه ذرب ويستاهل > بالتوفيق

[سلطان]

ماقصر كفى وفى علمهم خط القصيد وجزلة والبيرق عنده وعند جمهورة وحوسهم بقصيدتة الي عدها وخلاهم في حوستهم

[عين ابوي]

بيض الله وجهـك يابوحمـد

مثلت بلدك وقبيلتك وكل بني همدان بكـل فخر

شـأعر يصعب الكثير الوصول لخلاقه ورقيه جعل ربي يوفقه ‘‘


تسلم يمينك علي الطرح

ولاهنت

[سمو الرووح]

عز الله إنه سكت اعداه بذا القصيدة الرااائعه من رواااائع محمد بن فطيس ولاهي غريبه عليه جعله يسلم

بيض الله وجهه الي بيض وجيه الجميع ديرته وجماهيره وقيبلته ويام العريقه

ويستاهل الناموس بوحمد بيض الله وجهه من أول ومن تالي

وشكرا لك أخي .. محمد الغيثاني على طرح الموضوع الرااائع .. ولاهنت

ومبروك الفوز بالبيرق للمره لثانية لقطر المعزة والفخر

ويستاهل شاعرنا الثاني .. خليل الشبرمي الفوز وبجداره .. علم ، وأدب ، وشعر ، وثقافة فهو المستحق

مع احتراااامي للشعراء الباقين

[مسفر مبارك]

بيض الله وجهــك يبو حمـــد ....!

مهره تفضلـــي

العام أخذت البيرق وصدت العقاب = يوم الرجال حلوقها من دون ريق
أسرجت شعري والجماهير الزهاب = وسنادي بلاد وولد عم وصديق
وحولت في الوادي وهو دونه ضباب = مدري ورى الوادي مطر ولا حريق
كم فارسٍ وده يحول غير هاب = يستوحش الماخوذ لا شاف المضيق
اقدمت والفرسان ترتاب وتهاب = أجري الهياب وأقز الطريق
ومثلت داري بالقصيد وبالجناب = من الشمال الى العديد الى العريق
ترابها بالحس ماحسه تراب = وحزومها تسوى الزمرد والعقيق
ومثلت راية من تلين له الرقاب = صليب راي وكفو وحجاجه طليق
ممشاه للعليا ذهاب بلا إياب = الشيخ ابو مشعل حمد علمٍ دقيق
ومثلت كل الشعب من شايب وشاب = بدو وحضر تاريخنا عزٍ عريق
ومثلت ربعٍ في الوغا مخلب وناب = مريةٍ تاريخنا ماهو لفيق
حن مزبن اللي لا يجار ولا يثاب = وحن فزعة اللي ذودهم راحت وثيق
أقدامنا جبال وعمايمنا سحاب = وأمجادنا تشبه سهيلٍ لها بريق
ومثلت يام بكبرها والانتساب = الى همدان نجمٍ له شعيق
الله خلقنا سيلٍ متونه هضاب = كل السدود نحطها حبٍ دقيق
شاركت متوكل على منشي الحقاب = وحزامي من الشعر والعده يضيق
وطرقت بيبان القوافي باب باب = وقدمت ماشفتوا جميع انه يليق
وحشمت اذانيكم عن سقاط الخطاب = ورقيت بإيديكم على قمة طويق
ووعدت داري بالفخر قبل الكتاب = ووفيت بأمر الله بالعهد الوثيق
وسترت بأفعالي مزينة الخضاب = وقهرت عدواني ونومست الرفيق
ولطم بعيري شوط واحد للركاب = يقوم راس وينتهي ماهو زريق
ومن كف ابو خالد تسلمت النصاب = من كف من عينه على القمه تويق
شيخٍ يروم المجد ويروم الصعاب = خلا الشعر من نومة الغفله يفيق
واليوم لا والله شفت القاف شاب = صار الشعر كوره وكلٍ له فريق
وضاع الهدد بين الحديه والغراب = وضاع الصهيل مكرمين من النهيق
إلا الرجال اللي قصايدهم عذاب = اللي لها معنى بها حسٍ رقيق
لاتشعل الفتنه ولا تطرد سراب = ولا يرقع ما نقصها بالزعيق
بس العرب ما عاد تدري بالصواب = ما ميزوا ويش الزفير من الشهيق
من جاب ضيعه قل شوفوا ويش جاب = انا اشهد انه جاب له معنى عميق
الذيب كانه ذيب يدرع فالذياب = يخلي الخرفان للضبع العويق
ماجيت انافس جيت دعمٍ للشباب = وفوزي دمه عاده على القمه يريق