|
عبيدالله العرابى و د. حمد العصيمى
اقدم لكم هذا المحاوره التى جمعت فطاحلة المحاوره الصديق والاخ عبيدالله العرابى والدكتور حمد العصيمى وهذا قليل من محاوراتهم يوجد لهم محاورات لا تعد ولا تحصى وهذا العلم عبيدالعرابى
.................................................. .................................
يالعصيمي سوقها والدرب مع شبه الجزيزه=وإن دهمك النوم راس اللوم لايطراك طاري
مـر دار وزل دار وديرةٍ تشبه لديره=والثقيله بينه والهينه زاد الذواري
ما ينام الليل سبع الليل والسكةخطيره=وانت لا ناديتني تطري على البال الطواري
يا عبيد الله لقينا الاول مثل الاخيره=والثقيله بينه والهينه من حظ غاري
الحساب اللي من أول نتبعه يابن عميره=إختلف مرزام شمسه وآنت حسّابٍ قراري
والحسودي لو كثر خيره عيونه عند غيره=لونصحته بالقناعه بالردى والحسد ضاري
الشهور تدور ونجوم الاهلة مستديره=وانت كاتبها وقاريها وانا كاتب وقارى
يا عسى فا الامر خير ويا عسى فا الامر خيره=الحسد في وجه راع الحسد تبدي له مواري
سامعٍ لي علم رادي توّ ماوصل الجزيزه=القناه اللي ليا جاها خبر قامت تثاري
قالوا الدكتور له شهرين يشعب في بعيره=مرّ يطلع راس ضلع ومرّ ينزل بطن وادي
الروادي يا العرابي جابت علوم كثيره=والاحاديث الصحيحه بين مسلم والبخاري
العصيمي طول عمره من مغيره في مغيره=وانت تدري به وغيرك يا وسيع العرف داري
خابر الدخان مايملا الفضا من غير نيره=والبضاعه جابها في سوقها بايع وشاري
يالعصيمي كل حبه للرحاه المستديره=بعد مادرات رحاها من يجيب لها مواري
يا العرابي لا تسمع كل من دق لك زيره=شب نارك يا عبيد الله وانا شبيت ناري
ماغدى لي فا الرحاه الدايرة حبة شعيره=والمواري فا الحصون وفا الغصون وفا الشجاري
ما أنت راع البندق اللي لاحزام ولاذخيره=إقطع إلسان الملسن وإكشف الليل الغداري
خطوة الرجال في درب الشرف ماهي بعيره=وإن تعدى الحد لاجا الجد في حلوق الضواري
الصغير ه يا بن هاشم في نظر عيني صغيره=لو تجيني من رشيد ومن شليويح المطاري
الضواري كيف رجعت ياالعرابي فا الحظيره=والسبايب يا العرابي من غليص ومن مكاري
الصغيره لالقت مغذا تبي تصبح كبيره=العرب في علم ولاّ كلها حلم وهذارى
تحسب إنك صدت طير الجوّ وآنته في مطيره=في يدينك ريشتين ومالي عيونك غباري
لو قريش الفاتحه سمعت كلام بن المغيره=كان ما احتاجت تسمع علم ابو ذر الغفاري
طير ابن برمان ماهو صيده وسيرته سيره=يا رياجيل تعرفون الصقور من الحباري
لاتجاوبني وراسك ماسك براس تعميره=والجمل لاطاح مايرتاح من كثر الشباري
آنت مايعجبك من سهل الدروب ألا العسيره=وإن لقيت السيل مايعجبك بناّي الكباري
الجمل شقران فا الدرب الوعر تسمع هديره=مار ابحول خطامه من يميني في يساري
السدود ترد سيل العرم وتوقف مسيره=كل حاله طاريه قدامها باب الطواري
الجمل شقران لاهلحين ماجانا بشيره=ياحمد مالك ومال الخبط في غصون الشجاري
العصيمي لودرى ليش الزلامي فالسديره=كان مايلحس لسانه موس وأعطى القوس باري
سر ابو زيد الهلالي عنك في قاصي ضميره=لو نعلم به عبيد الله يعلم به مشاري
الزلامي والنعم لكن والله ما استشيره=شوري براسي وكم رجال يمشي تحت شاري
سر ابو زيد الهلالي سلك ولّع فالضفيره=مير ليتك من حريقتها على نفسك تداري
يالعصيمي ويش عذرك للجماهير الغفيره=وآنت يادكتور محتاج إلك دكتور إستشاري
لا يظلي دربكم واحد ترى الليلة مطيره=الدروب وساع والدعوه مطر والليل ساري
يا العرابي لا تصير اعمى نظر واعمى بصيره=اكثر الجمهور وش دراه عن شري وخاري
حزّم إيدينك ومرّضها وعرّضها الجبيره=لين كل عيون خلق الله يهلن العباري
ريحة العجّان بالمجّان ياراع الخميره=جاهزه ماني مفصلها على لابس وعاري
ما يدور للجبار الا اللي يدينه كسيره=انت تبغاها رضا والا تبا الدعوه جباري
الشواوي باع قدر السمن حشمة للمضيره=كيف يخضع لانظمة مكة وحاكمها التجاري
التعديل الأخير تم بواسطة : "بدر العجمي" بتاريخ 28-02-2006 الساعة 01:35 PM.
|
28-02-2006, 01:16 PM
العرض العادي
المواضيع المتشابهه
