ال غراب وبن الذيب

[حمد محمد العبيد]

على مبدا الرجـال اللـي تخيـر فالبيـوت جـزال
سـلام الله سـلامٍ مـن رحيـق الــورد ذعـذاعـه
ســلامٍ مايـسـاق الا عـلـى الـلـي فعلـهـم لازال
رجـالٍ تعشـق العليـا مـراجـل مـاهـي صنـاعـه
اهـل قمـه وهـل عليـا وهـل كـار ونبـا وافـعـال
رجـالٍ تصنـع التاريـخ فعـل وتشـهـد السـاعـه
ســلام الله عليـكـم يـارجــال ٍ فعـلـكـم مـــازال
لكم فـي زحمـة التاريـخ صيـت فـوق مطلاعـه
لـكـم فــي زحـمـة الأيــام فـعـلٍ ثبـتـه لاجـيــال
على طيب الجنـاب وماقـفٍ مايحجـب اشعاعـه
بعدهـا ياسـلام الله عـلـى الـلـي للثـقـل شـيـال
بنـي عـمٍ ليـا جـار الزمـان وشانـت اوضـاعـه
فهد لك ماقفٍ يصعب على غيرك ولـك منـزال
وقفـت الماقـف الصامـل مهـي وقفـات خداعـه
وعلى عبدالله ابن غراب لـه منـا قـدر وجـلال
وعلى محمد ابن سالم وريـث الطيـب بذراعـه
ابن (لبحح) إلا منه اصطفق جالٍ على له جـال
جنايـز ضدهـم تشبـع طـيـور الـجـو وسبـاعـه
أبحيحيٍ لاعتزا ثم زعزع العزوه يجيـه أهبـال
ويارد مـوردٍ يصعـب علـى غيـره مـن اتباعـه
وسـلام الله علـى الـلـي يــوم قـال.قـال وطــال
ابـت شهـب السنيـن اتغيـره وتغـيـر اطبـاعـه
على محمد ابن راشد عريـب الجـد ويـا الخـال
وريث الطيب راع الطيب ساس الطيب منباعه
من ارجالٍ ليا ضاق الخوي تنعـش بـه الآمـال
وتفـرج هـم مـن نفسـه مـن الصكـات مـلاعـه
بنـي عـمٍ ليـا جـار الزمـان وشـانـت الآحــوال
مواقفهـم بهـا نرقـا المحـال ونطـوي اشراعـه
شياطيـن الخـيـول إلا اعتلـوهـا كنـهـم جـهـال
وسلاطيـن المجالـس لاحضرو.والحـق قطاعـه
عـلـي الشـاهـد الله فعلـهـم مايـجـحـده رجـــال
ولا يجحـد مواقفهـم سـوا مـن قـلـت اسنـاعـه
بعد ياس الرفيق اللي عليه من الزمان اشكـال
بعد مـازادت اوجاعـه وكبـرت شالـو اوجاعـه
ســـلام الله علـيـكـم يـارجــال فعـلـكـم مـــازال
لكم فـي زحمـة التاريـخ صيـتٍ فـوق مطلاعـه

ــــــــــــــــــــــــــــــــــــــــــــــــــ ــــــــــــــــــــــــــــــــ

لحمد العبيد