السلام عليكم ورحمة الله وبركاتة
اسعد الله اوقاتكم بكل خير .... عندما يكون للقصيد معنى فهو ياتي من افضل الشعراء ,,, وعندما يكون للقصيد روح يكون موجها لأفضل الأمراء
سلمان بن عبدالعزيز امير منطقة الرياض .. يزداد الشعر طربا وتزداد القصيده فرحا ,, عندما تقال فيه .. فهو يستحق اكثر من ذلك
وللشاعر المبدع ......... منصور بن منيخر ... هذه القصيده الجزله في ابو فهد
الله لحـكـام الجـزيـره يـمـهّـل=أل سعـود ملوكنـا طـول الأزمـان
ويـا كاتـب التاريـخ دوّن وسـجّـل=للحكـم حكاّمـه وللكتـب عـنـوان
لا اللي في علم الغيب في بطون حمّـل=ولا اللي ولدّن ما طلع مثـل سلمـان
حاله ومالـه فـي رضـاء الله سبّـل=تقصر قـدم يمنـاه جـزلات الايمـان
جمعـيـة الأيـتـام فيـهـا تكـفّـل=وتدعم كبار السن (جمعيـة أنسـان)
يمسـح علـي راس اليتيـم ويقـبّـل=لا شان وجه الوقت للناس مـا شـان
والبـر سجّـل فيـه قصّـر ورمّــل=يلقي جزاها يـوم روغـات الأذهـان
كـم ليلة(ن)فيهـا بنفسـه تـجـوّل=فاروق هـذا الجيـل للعـدل ميـزان
ولا قيـل مـرّه مـن وفـوده تملّـل=في القصر في المجلس وفي كل ديوان
كم مشكلـه فـي حلّهـا قـد توصّـل=جزاه منّـا الخيـر كلّـه والأحسـان
هــداج لــو زادت وروده تحـمّـل=كم ضـام(ن)ورده وصـدره رويـان
وكم شاعر(ن) لأجـل سمـوه تمثّـل=نوادر(ن)في الوصف لولـو ومرجـان
والله لعمـرك يـا ذرانــا يـطـوّل=غيث(ن)هماليله علي كـل الأوطـان
ونجـد العذيّـه فـي سمـوّك تغـزّل=يا سيف عبـدالله ويـا درع سلطـان
تجود من مالـك وكـم لـك تفضّـل=يا أبو اليتامـا يـا ذري كـل حيـران
لا قمـت كـل الشّعـب كبّـر وهلّـل=رمز الأمم يا أمير في حقوق الأنسـان
وكفّك علي شعـب الجزيـره تجمّـل=تروي ظما الظامي وتقرئ الجويعـان
وكم واحد(ن) في مجلسك مـا تعطّـل=حكّمـت شـرع الله والحـق سلطـان
ومن شاف له مخطي سنع ما يهمّـل=أقولهـا للنـاس فـي سـر وعـلان
صبرت طول الوقـت والصبّـر كمّـل=والصبر زين وشين في بعض الاحيان
واليـوم راس الكفـر حـرم وحـلّـل=ولا عاشت الحيّه بـلا نـاب ولسـان
قنـاة راس غليـس فيهـا المـهـوّل=اللي بها غـادي ومخطـي وفسقـان
مثـل فقيـه اللـي عليـنـا تـقـوّل=سفيه في عقله ميـة ألـف شيطـان
اللـي مـع الأرهـاب صفّـق وطبّـل=خاين وحصّل دار في الغرب وأعـوان
مـن ملّـة الأسـلام قلبـه تـحـوّل=ماله يا كود الحـد بالسيـف شامـان
وكم جاهل(ن) أغـوي بفكـره وظلّـل=خاسر علي الدنياء وفي الحشر خسران
وفكـره ونهجـه بيننـا مـا تسلّـل=حنّا جنود الله علـي العهـد عجمـان
وعقـول عبتّهـا نفـوس المسـلّـل=يلقي بها الشيطان مسكن مع الجـان
وحنّـا هـل التوحيـد ضـد المهبّـل=علـي عهدّنـا مـا نقضّنـا للأيمـان
ومنّـا طوابيـر الحـرايـب تشـكّـل=في خلف أبو تركـي وقـدّام الأخـوان
ورزقنـي علـي رب المخاليـق الأوّل=بيده عصي موسـي وخاتـم سليمـان
وعد السحاب اللي علي الكـون همّـل=صلوا علي المعصـوم مـا هـل ودّان
خيـر البشـر و أختـاره الله وفضّـل=صفوة قريش الهاشمي نسـل عدنـان
منصور بن محمد بن منيخر
26-05-2006, 09:46 PM
العرض العادي
المواضيع المتشابهه
