((ابو حمد الشامري)) استفسار عن قصيده حصلت وف واقعد ولا تهون

[ابوشقره]

فيه قصيده كم بيت كانو يرددونه دايم واذا عندك علم عن قايله ووش السبه من قولها تفيدني
انت والربع الموجودين الله لايهينك

جتني تصيح وتنتخي بالرجاجيل اهل النقا وهل العلوم الحميه
في صوتها حزنن يجر المواويل ظاهر حياتي بين ليهن وليه
قلت ابشري لو مطلبش هامت سهيل والله لجيبه ورب كل البريه
شومي لنا من جيل في جيل في جيل وليا عتزيتي يصبح العمر هيه
نشوم شومات الرجال الحلاحيل اصغر ولد منا زبون المنيه
خذي الفرح يابنت هيل وفناجيل منواحد(ن)ساق البشاير مطيه
وبني صروحش فاليالي المقابيل عسى السعاده في دروبش خويه
اقفت تقول الله وكبر بتهليل ياحظ منهو عزوته سفرانيه


والباقي والله مايحظرني ولا هي اطول من كذا واللي عنده زياده يفيدنا فيها وناطر ردك يابو حمد انت والربع ولاتهونون

[ابومحمد الشامري]

مرحبا بالاخ الفاضل ابو شقره القصيدة لواحد من شعراء شمر يقاله بشير اللويش ويلقب بالراسي والبيت الاخير مكسور والصحيح.

جـتني تصيح وتـنـتــخـى بــالـرجــاجـيل=اهــل النـقــا اهــل الــوفـا والحمـيّه
اهــل الكـرم والـعـرف ذبـّاحــة الـحــيــل= بالطيب طبتوا بالسنين الرديّه
يـوم الـفـقـر والـجـوع ومعــايش الـويـل=حـاتـم ذبـح خـيـلـه لـظـيـفـه هــديّه
فـي صـوتـهــا حــزنٍٍ يـجـر الـمــواويــل=ظـاهــر حــيـاتـه بــين لـيـّه و لـيـّه
تـقــول : يالــراسي حـيـاتـي غــرابـيـل=وكل مــاانـفـتح لي باب زادت عليّه
قلت : ابشري لو مـطلبك هـامـة سـهـيـل=والله لـجـيـبـه ورب كــل الــبــريــّه
عـن صدقـنا.. للفـعـل بالـفـعــل تحـلـيــل=يـوم النـخــاوي بين اخــتٍ وخـيــّه
شـومي لـنا مـن جيل في جــيل في جيل=وليـاعــتزيتي يصـبح العـمـر هــيـّه
نـشــوم شــومـات الـرجـال الـحـلاحـيــل=اصـغــر ولـد مـنـّا زبــون الــونـيـّه
هــذا الـوفــا يــابـنـت مــافـيــه تمــثـيــل=ناقـف مـعــك وقـفـات ما فـيـه زيـّه
انتــي مـقـامـك دونه الـسـيـف والـخـيـل=يبــقـى عــزيزٍ .. لــو وردنـا المنيّه
وبـصـدورنـا لــك الـمـعــزّه وتــجــلـيــل=تـزهــر حـيـاتــك بـالــورود النـديـّه
قــولـي لهـن : يــا لابـسـات الـخـلاخـيل=مـوتـن قـهـ ما بـين روحـه وجـيّه
وخـلّي الـحــزن .. لاتـذكـرين الـبهـاذيـل=انسـي هـمـومــك والحـياة الشـقـيه
خـوذي الــفـرح يابـنت هيل وفــنـاجـيـل=من واحـدٍ ســاق البـشـايـر مـطـيـّه
وابني صــروحــك بـاللــيـال المـقــابيــل=عـسـى السعـاده في دروبك خـويـّه
مـثـلك لـبـيـبـه تعـرف الـعـدل والـمـيـــل=حــسـن النـوايا فـيك طـبع وسجـيّه
ولابـد مـايـجـري عــلى الـحــال تبــديــل=تـصـبّري والـحــق يـنــور بـضــيـّه
قـالـت : هـنيـّي بالـرجــال الــمـشــاكيـل=هـي مـنـوتي مـنكـم ولآنـا اجـنـبيـّه
اقـفـت تـقــول الـلّـه واكــبر بتـهـلـيــل=يــاحــظ مــنهـو عـزوته شــمــريـّه

[ابوشقره]

الله لايهينك وعز الله انك كفيت ووفيت وااااااااااااااااافي
وانا جاتني بشكل اللي وصلني دزيتها لك وذخر ومرجع
جعل ربي يحييك ويسلمك ومنك نستفيد لاهنت