دخيل الحاجب المدقـوق و الرمـش .. الدقـاق

[محمد الغيثاني]

رائعه من روائع الشاعر المبدع / رحيّم الغنّامي

اضعها بين ايديكم عسى ان يكون لها ما تستحق من تقدير في قلوبكم

7
7
7
7
7

يا ساكنه .. بين الضلـوع الحـدب بعـدك .. لا يطـاق=لازال .. قلبي من هطـول امطـار مزنـك .. مارتـوى
انا .. دخيل الحاجب المدقـوق و الرمـش .. الدقـاق=والمبسم .. اللي يبعث الاعجاب شكـل .. و محتـوى
و الناظـر .. اللـي منـه للعشّـاق ختلـه .. و انسـراق=و العاتق .. اللـي لـو تهـب النـود مـن يمّـه .. عـوى
و الصارم .. اللـي يفـرق اللـي مـا يبـنّ .. الافتـراق=و الوردتيـن .. اللـي سواقيهـا علـى عـدّ .. الــروى
و الناحل .. اللي حال بين اثنيـن يجمعهـم .. وفـاق=في .. كل شي الا الوظيفـه و الاسـم .. و المستـوى
و الاسود .. اللي كنـه مـن الليـل منشـقّ .. انشقـاق=يرسم .. حدود الصبـح مـع حـدّه ليـا منـه .. ضـوى
كوني .. معي لا تتركيني مع همومي .. في سباق=واعنّ .. خيلي بين خشـم العـان و عيـون .. الجـوى
لو .. يصدق الميعاد فـي عيـد المحبّـه .. و الصـداق=هو .. والله العيـد و محـلّ القيـد و الـدا .. و الـدوى
ماني .. موافق معك في نقـض العهـد .. و الاتفـاق=لـو كـان .. فـي بعـدك مواثيـق وولا .. مالـك لـوى
للقرب .. عند اهـل الهـوى جنّـه و للبعـد .. احتـراق=ولا يجهل .. الاثنيـن غيـر المستريـح مـن .. الهـوى
لا تقنعيني .. ما على الاحباب احـب مـن .. العنـاق=ولا .. عليهـا اكـره مـن اكثـار التأنـي .. و النـوى
الشـوق .. ياخذنـا سـوى لاخـر حـدود .. الاشتيـاق=و هنـاك .. ينثرنـا علـى حـدّه و يجمعنـا .. ســوى
و يرجـع .. بنـا للنقطـه اللـي تـمّ منهـا .. الانطـلاق=و هـكـذا .. لـيـن الله يـدبّـر و يفـعـل .. مــا نــوى

[مهرة النسيان]

للقرب .. عند اهل الهوى جنّه و للبعد .. احتراق=ولا يجهل .. الاثنين غير المستريح من .. الهوى
الشوق .. ياخذنا سوى لاخر حدود .. الاشتيـاق=و هناك .. ينثرنا على حدّه و يجمعنـا .. سـوى
و يرجع .. بنا للنقطه اللي تمّ منها .. الانطـلاق=و هكذا .. لين الله يدبّـر و يفعـل .. مـا نـوى

الله يا سلام

روووعه صح لسانه على هالقصيدة التحفة ..

الغيثاني

يشررفني اكون اول المارين هنا ..

وللقصيده وناقلها عظيم الاحترام والتقدير ..

أرق التحايا ..

[محمد الغيثاني]

ويفرحني انك اول المرور اسعد الله ايام و زادك سرورو

[عـسـاه خـيـر]

قصيده جزله

لاهنت يا محمد على نقلها صح السانك والسان شاعرها

[محمد الغيثاني]

ولا انت يا عساه خير

افرحني اني جازت لك يالسنافي

[الفرس]

الشوق .. ياخذنا سوى لاخر حدود .. الاشتيـاق=و هناك .. ينثرنا على حدّه و يجمعنـا .. سـوى
و يرجع .. بنا للنقطه اللي تمّ منها .. الانطـلاق=و هكذا .. لين الله يدبّـر و يفعـل .. مـا نـوى

الله


صح لسان الشاعر وسلمت يمين ناقلها ...

اختيار قمه وابيات روعه ..



دائما اختياراتك الاخ محمد منتقاه ..


ولك مني ارق والطف تحيه تناسب اختياراتك ..

[محمد الغيثاني]

ولك من اجمل الورود العطره كمرورك العطر الجميل والمفرح للقلب
يا اخت الفرس

[مسعطر]

مـحـمـد..

إختيارتك تعجبني لو ما أقرا القصيدة لأنها أنت اللي مختارها

لو .. يصدق الميعاد في عيد المحبّه .. و الصداق=هو .. والله العيد و محلّ القيد و الدا .. و الدوى

لو .. يصدق


الله الله صح لسانك و لسان شاعرها اللي ودي أعرفه ..

تقبل مروري .. يا إعلامينا