الشاعر الكويتي المعروف ( مرشد البذال الرشيدي ) من كبار شعراء النبط في هذا العصر
من المعجزات الشعريه وهي توقف على اربعة قوافي ... اقدمها لكم عسى ان تنال اعجابكم.
داج الظلام انزاح .. والنور له ضـوح=نور الصباح مضيح .. والليـل زايـح
مالي هوىا بمراح .. والقلـب ملـدوح=فكري من التلميـح .. غـادٍ شلايـح
كني على لفّـاح .. غصـن ٍ بلحلـوح=قاعه حزوم وشيح .. وارضـه كلايـح
يا مشغل المرتاح .. بسك مـن النـوح=ورق ٍ على التطويح .. ما هي شحايح
يا من طربك انياح .. كدرت مجـروح=طَرْبٍ وهو تفويـح .. جوفـه قدايـح
صفقت راح براح .. لحت النحر لـوح=لوحة يتيـم ٍ ليـح .. دمعـه سبايـح
يا القلب وطرك راح .. ما ظن له قروح=اليـوم بالتشبيـح .. مالـك صلايـح
يوم الدروب اسماح .. والدرب مفتـوح=بديت في تفصيـح .. قـولٍ صحايـح
اخذت لي مشواح .. باسـرار وفـروح=ركب الغرام مشيح .. هجنـه طفايـح
لي بالهوىا ميلاح .. والهـم مكسـوح=وامْوَقـعٍ تصحيـح .. حـب الملايـح
قلبي كما الملـواح .. بيديـن طـاروح=من كثـر التلويـح .. رزقـه توايـح
السد ما ينباح .. مـن غيـر سامـوح=واللي زَرَىا بقريح .. خلـه يصايـح
يلومني من كاح .. شين اللغىا كـوح=خبلٍ عطي تسنيـح .. جـاك امتدايـح
تسلـي الارواح زاح .. الـكـدر زوح=حبٍ بـلا تبريـح .. مـا بـه بجايـح
لو الهوى ذبّاح .. لـه ميـل ورجـوح=ولا حدٍ يعيش امْريح .. والعمر رايـح
واليوم لي مصفاح .. عن ورد وسروح=الجهل هو تلقيـح .. غـرس القبايـح
يوم الموقر لاح .. انا ويـن ابـاروح=بديـت بالتصلـيـح .. والله يبـايـح
كيف الحوَل يا صاح .. في عذلة الروح=شف لي هدف يا شيح .. ذرب النصايح
ما كتب بالالواح .. ما هـو بممسـوح=اليوم هو توضيح .. عطـب الجرايـح
من عاش بالافراح .. لابد من النـوح=ساس بلا تسليـح .. خطـر اللوايـح
والعقل هو مفتاح .. بيبـان مصلـوح=وينّزِّحك تنزيـح .. عـن كـل سايـح
عن ربعة السفاح .. يا القلب ونصـوح=لا تتبعه وتطيـح .. مـا بـه ربايـح
مثلك ليا من طـاح .. خـلاه مسـدوح=اترك ردي الكيـح .. زيـن السنايـح
زبن الرفيق شناح .. بالطيب له نـوح=من ورد عين السيح .. عاف الضحايح
خله وراك سناح .. عـن كـل كاثـوح=ينجِّحـك تنجيـح .. رجـل المـدايـح
كنه بكرب شبـاح .. للضـد ذرنـوح=صميدع ٍ زحزيح .. عطـب الجوايـح
ليا عذي المياح .. في جانب الصـوح=كان الروى تنشيـح .. للدلـو مايـح
كسب الفخر بكفاح .. وان طرد الفـوح=خيالـة التصفيـح .. راحـوا قمايـح
من جاكر الارياح .. والغـزل منطـوح=غلبت هبوب الريح .. في ضرب لايـح
ترى القشر فضاح .. راعيه مفضـوح=جعله معه تسريح .. لاقصـى التنايـح
دايم وهو نباح .. والجيـب مسـروح=ثوبه مـن التطبيـح .. غـادٍ سرايـح
لا تستوي قداح .. لـو كـان بمـزوح=ما فيه هبت ريح .. مـزح الفضايـح
من للمـلا جـراح .. لا بـد مجـروح=جلده من التجريـح .. غـادٍ صفايـح
واحذر من اللحـاح .. تـراه مشفـوح=لو كثر التسبيـح .. مـا مـن فلايـح
ناسٍ بثوب صحاح .. والفعـل مكبـوح=تنهى عن التوكيح .. وهـي الوكايـح
أتمنا أن تحوز على رضاكــــــــــــــم
اخوكم
راعـــــــــــــي المهدبـــــة
28-10-2006, 09:34 AM
من المعجزات الشعريـــة ؟
العرض العادي
المواضيع المتشابهه
