انتقل الى رحمة الله تعالى الشاعر نواف العازمي

[سعود الخويطري]

السلام عليكم ورحمة الله وبركاته


انتقل إلى رحمة الله مساء البارحة شاعر المحاوره الاول و شاعر قبيلة العوازم " نواف بن منور العازمي "


إثر حادث مروري أليم , وقد تمت الصلاة على الفقيد بعد صلاة عصر اليوم الإربعاء في الكويت



إنا لله وإنا إليه راجعون , ولاحول ولا قوة إلا بالله . . . والله يرحمه ويسكنه فسيح جناته



- وهذه مرثيه لرفيق دربه الشاعر الكويتي المعروف " ذيب العمودي الشمري " :

كن الخبر رمحٍ تخلل ضلوعي=رمح الفراق اللي للاعمار قصّاف
صحيح ماهو واحدٍ من ربوعي=مير الوفا فوق الطوايف والاطياف
شقيق فكري في بداية طلوعي=اخوي في حكم العوايد والاعراف
بين الصفوف الحاميه والجموعي=ياما لنا في ساحة الشعر ميقاف
بالقاف يضربني على راس كوعي=واضربه مابين الحجاجين بالقاف
على الشرف ندفع سلاح الدروعي=من شان تعزيز المواقع والاهداف
في علم ترويض الاسود الهجوعي=في ساحته صرنا مروّض وعساّف
حتى بدت تمشي بطوعه وطوعي=والسبع راقي بالتعامل ليا خاف
واصبح حليفي بأتحاد الفزوعي=يوم الزمان اصبح مجاميع واحلاف
من سنة الرحمن ماني جزوعي=لكن معي قلبٍ من الود شفاف
حفظ الصداقه من جواهر طبوعي=اموج بالذكرى شراعٍ ومجداف
ادفع ضرايبها ولاني منوعي=مااظمها في خاطري شكل وغلاف
عليه من جوع الغلا زاد جوعي=ماهو مثل جوع البهايم للاعلاف
جفت ينابيعي ويبْست زروعي=عشرة عمر نسيانها ظلم واجحاف
وفي حين صلينا عليه بخشوعي=وحطوه في قبرٍ فصال اربع اطواف
اقفوا وانا عنده تذارف دموعي=اخر رجل واقف على قبر نواف
يامن لحكمك معلنين الخضوعي=انت الكريم وتكرم الضيف لا ضاف
عبدك وضيفك في مقامٍ يروعي=عن رحمتْك ماله وساطات واسعاف
يالله لاتحصي عليه الوقوعي=في ما نهيت.. وشفت والغير ماشاف

وهذه أيضا مرثيه أخرى للشاعر الكبير " سعيد أبوديه الحازبي في الفقيد :

في سابع ايام شهر الصـوم وادعنـا = رجل (ن) عزيز (ن) علينا يالله الخيره
انا اشهد انه خبـر محـزن وروعنـا = والحمـد لله علـى حكمـه وتدبيـره
نواف شيخ الحكم والشعـر والمعنـى = شهم النبا طير شلوى طيب السيـره
قبل امس راعي الوفاء والطايله معنا = واليوم يبكي عليه الشعـر والديـره
ياما ويامـا علـى العليـا تجمعنـا = على الوفا والمعـزه مـن تباشيـره
ون مات نواف ذكـره باقي(ن)معنـا = مامـات ذكـره ولا حبـه وتقديـره
يالله تحسـن عزانـا فيـه وقنعـنـا = بالصبر وغفر له ذنوبـه وتقصيـره
مرحوم ياللي بشهر الصـوم وادعنـا = انا اشهـد انـه فقيـده يالله الخيـره

[راشد العتل]

إنا لله وإنا اليه راجعون .
الله يرحمه ويسكنه الجنه
شاعر من الحجم الثقيل

تسلم ياسعود على الخبر

[عبدالله آل عامر]

رحم الله الشاعر الكبير: نواف بن منور العازمي وأسكنه فسيح جناته

لاهنت يالخويطري على موافاتنا بالخبر

إنا لله وإنا إليه راجعون

[عـسـاه خـيـر]

إنا لله وإنا اليه راجعون .
الله يرحمه ويسكنه الجنه

[بنت ابيها]

وعليكم السلام ورحمة الله وبركاته ...

إنا لله وإنا اليه راجعون ،
الله يرحمه ويلهم اهله الصبر والسلوان ،،

اللهم أغفرله وارحمه, وعافه, واعف عنه, وأكرم نزله, ووسع مدخله, واغسله بالماء والثلج والبرد, ونقه من الذنوب والخطايا كما ينقى الثوب الأبيض من الدنس، اللهم أعذه من عذاب القبر وعذاب النار ..