ألمانكم يالعُرب يام العرايق..... طراد آل مشرف اليامي

[عبدالله آل عامر]

	قصيدة رائعة وجزلة للشاعر: طراد آل مشرف في ربعه صبيان يام:- هاضت هجوسي مثل موج صفاقا = للي بدع قافه فجوج وطرايق وانا ترى ما هضت قافي عواقا = ما دام قافك به هموم غرايق يا صاحبي دون الشلي الف عاقا =وما يوجع الصامل كثير النقايق ياما تنكسنا بعزيز الصداقا = ويا ما انكوينا من جحود الرفايق ماهمنا كثر الحكي و النفاقا = ذربه مواقفنا عليها وثايق صلفين شجعان الخلا والملاقا =من دون حق الجار ناتي طرايق اذا اعتزينا اصطفقنا سباقا = نزّبن العاني ونجلي الشقايق يامي وفيّ، دمي اصيل العراقا = ربعي هل الطولات شم الشهايق لورانس لقبنا قبل ما يساقا = المانكم يالعُرب يام العرايق فان كان نفسك للمعالي تواقا =فربك مفرج للنفوس الضوايق اللي رفع سبع وسبع طباقا =رحيم بجموع الخلق والخلايق كريم براقه مزونه تلاقا =يعلم سرايرنا جلال ودقايق