بعد طول غياب تفضلوا على السريع ...!!

[الرحال2006]

كم يؤسفني الغياب عن هذا القسم

ولكن للظروف احكام وهذي مقطوعه

حبيت اطرحها لكم وبين اياديكم قبل ان انهيها
ولكن فقط من باب هذا انا فاذكروني
واقول

يالله لا تقطـــع رجـــاه وفيه لا تقطـــع رجـــــاي = ضاقت ولا باقي لنا في بعضنا غير الحلوم
يا حيث مالي في البشر غيره ولا حد له سواي = حبي بقلبه مثلما حبه سكن في القلــب دوم
في حبي اعلن طاعته واعلنت في حـــبه ولاي = جيته وانا صادق بحبي له وهو جاني جزوم
الصاحب اللي يحتوي حزني ويمسح لي اساي = ياكم على صدره غفيت وطارت اسراب الهموم
ما اذكر بداية حبنــــا لكن في فتــــــرة صبــاي = مهتم في شخصه وفي ما هو يخصه من علوم
واتعبت رجلي صوب داره بين رايح له وجاي = حتى غدا مثل الصلاه في فرضهــــا واجب لزوم
هذا وانا توّي صغير وكــان لي قمّــــة منــاي = وان كان ما شفته بيومي مرّ وكنّــــه الف يوم
سنين مرّت والعمر يكبر ويكبر لـــه غـــلاي = لين اصبح اغلى من خلق ربي على وجه العموم

لـ : الرحـــــــــال

[عبدالله بن دريب]

صح لسانك يا الرحال على القصيدة الجزلة ..

تقبل مروري
تقديري و إحترامي

[سعد بن بصيص ال فنيس]

صح السانك

والله لايهينك

وبيض الله وجهك

وتقبل مرووري,,,

[&آهــــات الحــــزن&]

يالله لا تقطع رجـاه وفيـه لا تقطـع رجـاي
ضاقت ولا باقي لنا في بعضنا غيـر الحلـوم
يا حيث مالي في البشر غيره ولا حد له سواي
حبي بقلبه مثلما حبـه سكـن فـي القلـب دوم

صــــــــح لســـــــــانك وبيــــض الله وجهـــــك قــصيده جزله وطــيبه

وكــــل بيـــت عن قــصيده كــــامله والله

[محمد نادر سويد]

الاخ رحال صح لسانك

على القصيده الجزله

المميزه لاشك من شاعر

جزل متمكن لاهنت

تقبل تحياتي

اخوك

ياسلام ياسلام ..

صح الله لسانك ولاهنت يالشيخ

[ابونايف الوعيلي]

صــح لســانك اخوووي الرحال

على القصيدة الجزله

ولاهنت