يا طالب الشعر

[مسفر بن درّام]

أحبتي الكرام أستميحكم عذراً لأضع أمام أنظاركم هذه القصيدة فهي صحيح إنها طويلة والإطالة تفسد الذائقة لكنني أرى فيها من المتعة ومن الفوائد ما يبرر إطالتها

يا طالب الشعر لى مـن حنّـت أفواجـه=إسمع كلام التجـارب عبـر الاعوامـي
من هاجسٍ مـا يخونـه فكـر نسّاجـه=إلى اشتغل مـا تلحّـق معـه الاقلامـي
الشعر هـرج ودليـل الهـرج هرّاجـه=والشعر حكمة ولـه قانـون وأحكامـي
والشعر طبّ وشفا لى من صفـا صاجـه=يا هيه يـا إلـي تميّـز جـودة الخامـي
ما يخلف أوصاف وجـه الحـقّ دبلاجـه=واللوحة أسرارهـا مـن رأس رسامـي
معمـاريً يعتنـي بالبيـت وسيـاجـه=وتمـدّه الموهبـة مـن وحـي الإلهامـي
أمّا طبيـبً يعـرف الجـرح وعلاجـه=وألا بلى وصفـة مـن عنـد حجّامـي
من وقع الأحداث صغت الدرس وإخراجه=مثايلً مـا أخرجوهـا عبـر الافلامـي
ضمّنتهـا مفـردات الشعـر وأزواجـه=وأهديتها كـلّ مـن بعـدي وقدّامـي
فيها للأقدام مـا يغنـي عـن الداجـه=وفيها للألبـاب مـن آداب الإسلامـي
أشبع بِها عن مجـال السـرد وأهواجـه=وأثمغ بِها كـلّ جـرحً كالـي ودامـي
وألا رضاء الناس ما أحداً يدرك إدراجـه=لو يقسم الحقّ مـا يرضـون الاقسامـي
لكنّ أنا النـاس مالـي عندهـم حاجـه=أعيش وأموت سامـي والهـدف سامـي
صحيح نمشـي ولا نـدري وش نواجـه=لكنّ كـلّ الفخـر فـي درع وحزامـي
كم مـن مكـرّاً مفـرّاً حقّـق أفراجـه=على مراكب مِنـاوش حـدّ الإعدامـي
يوم إنّ أبا الهون أخذ بشـداده حداجـه=وش يعني الحال ممشىً عقـب درهامـي
يا ذيـب ذيبـاً يناجيـك العـوا ناجـه=ما دمت عملاق وش هو كيد الاقزامـي
كلاً شرب من زلال الوقـت ورجاجـه=وإجابة الفرق فـي رعديـد وعصامـي
والرجل مرات يعشق موقـف إحراجـه=أمّا مـن أجـل الشـره وألا التغنّامـي
قـدام بهـو الحيـاة تقفّـل رتـاجـه=أضرب علـى المعتلـي يأتيـك متهامـي
الوقت ما كل يـومً يضحـك حجاجـه=وأحكام الاقدار ومضة شـذرة حسامـي
كم من دمـاغٍ عنيـدٍ قصّـت أوداجـه=فـي غفلـة منـه لا صلّـى ولا صامـي
والعاقـل يقيـس مدخالـه ومخـراجـه=مـن شـان لا تجرفـه زلات ألأقدامـي
لأن الأقــدار غـلابـة وفـلاجــه=تضحك لك أحيان وأحياناً لك أخصامـي
أيّـام وأيّــام ضحّـاكـة وغنّـاجـه=وأيّام مـا مـن وراهـا غيـر الآلامـي
فأصبر إلـى صـارت الأيّـام منعاجـه=وأشكر إلى الله وهب لك طيب الايّامـي
الصبر كم بـاب خيـرً حـلّ مزلاجـه=والشكر والذكر تضمن حفظ الانعامـي
والعمر لا تجهـل إنّـه ليـل وسراجـه=العلم والعلم نـور وعكسـه أضلامـي
والمجـد عالـي وكـلاً يعشـق أبراجـه=لكنّ ما الكلّ يشـرف روس الاهرامـي
من حقّق المجـد يستأهـل فخـر تاجـه=ومن أفلت الحبل يقعـد جايعـاً ضامـي
إنّ الفتى كـان مـا يجنـي مـن إنتاجـه=لابـو حيـاة مداهـا طـرد الاحلامـي
من لا يغوص البحـر ويلاطـم أمواجـه=ما يظهر الجوهرة مـن بحرهـا الطامـي
دام إنّ صدر الفضاء ما ضاقت فجاجـه=مـا يقبـل الهيّنـة مـن للعـلا رامـي
الخـدّ ميـدان والآفــاق منبـاجـه=والأجـل مـا ينرمـا بـه والله الرامـي
والرجـل يبعـد نظـر عينـه لمنهاجـه=والحـرّ يبعـد مطاليعـه إلـى حـامـي
ما بعد لطـف الصبـاح وبـرد نجناجـه=إلا هجيـر النهـار الجائـر الحـامـي
والوقت سيـلً يجـوح الأرض مرواجـه=يجتـاح الأعمـار والأفكـار نيّـامـي
يا سـرع مـا يدنـي الميعـاد دفلاجـه=إحسب حسابك ترا من طاح مـا قامـي
وإن شان وجه الزمان وجـفّ وجاجـه=لا تشتبه فـي نظـرك أعـلام وأعلامـي
المشرب العـذب نبـع الجـمّ هدّاجـه=يجلى صدا الكبد من عنّـات الاوهامـي
وألا إنّ بعض العـدود أثمـال وهماجـه=تمسـي وتصبـح عليهـا وردك حيامـي

[محمد الغيثاني]

لا هنت يا مسفر قصيدة جزله

هل هي من قصائدك ؟

[مسفر بن درّام]

لا هان مقامك أخوي محمد مشكور على مرورك وحضورك المميز والقصيدة من قصائدي

تحياتي وتقديري

[عجميه هلاليه]

آأخــ ،، ـــوي // مــ س ـــفر،،

.... صــ ح ـلسآأنــــكـ ....


ودمــ ~ْــت لنــــأآ .. ^_^

[عبدالرحمن آل ضبان]

صح لسانك وبيض الله وجهك الصراحه قصيدة ماني قايل جزله لأن حنا تعودنا على جزالتك وافي وافي

قصيدة تبعث التأمل و الطريق الصحيح بالدنيا لاهنت وانا يكفيني البيت هذا

من لا يغوص البحـر ويلاطـم أمواجـه ----------------------- مايظهر الجوهرة مـن بحرهـا الطامـي


صــــــح لــســانــك

[مسفر بن درّام]

عجمية هلالية

صح بدنش يالغالية ودام عزش شرفني مرورش القيم مشكورة ولا هنتي

تحياتي وإحترامي

[مسفر بن درّام]

ضنا مرزوق

صح بدنك ووجهك أبيض يالسنافي الله يرفع قدرك

شهادتك وسام على صدري وتاج على رأسي مشكور يالغالي ولا هنت . بس والله ذا التوقيع دبل كبدي كل ما زينته أنحاس الظاهر الني بأحذفه

تحياتي لك

[سعود الخويطري]

الله الله


صح الله لسانك يـ مسفر بن درام




ولاهنت على حضورك الشعري المتميز ودمت ودام أبداعك



تقبل سلامي واشواقي

[مسفر بن درّام]

سعود الخويطر

صح بدنك يالغالي ودام وجودك الله يرفع قدرك
أسعدني مرورك القيم مشكور أستاذي ولا هنت

تحياتي وإحترامي لك

[بندر العجمي]

صح الله لسانك



والله لايشينك يالمبدع




وجزززله من جززل




اخوكـــــ