ما من سلامات

[عبدالعزيز الحربي]

ياصاحبي قلبي جروحه عطيبه= وانت السبب ياجارح القلب بسكات
حبك عذاب وترك حبك مصيبه= يعني على الوضعين ما من سلامات
أما تحفــظ القلـب والا تجـيـبـه= والا يقال فلان من صاحبه مات
أخاف تخلفـك الليال الرهيبــه= مابه على سود الليالي ضمانات
بلاش أعاني معك وادفع ضريبه= يكفي جروح وغربله وامتحانات
الظلـم ظلمـاء والقيامـه قريبــه= والله على الظالم شديد العقوبات
واذا انت سامعبي نميمه وغيبه= أهل النمايم هرجهم ماله إثبات
أهل المعاصي والوجيه الكئيبه= بين الحبايب ينشرون الإشاعات
كم فرقوا بين الحبيب وحبيبه= وكم سددوا لقلوب الأخيار طعنات
وياصاحبي منك القطاعه غريبه= وين العهود اللي من اول وثيقات
ماكان عندي فيك شكــه وريبـه= حتى بدالي في تعاملك شكات
وان كان باقي في مشاعرك طيبه= هذي مشاعر واعتبرها إنتقادات
انته جرحــت القلب وانته طبيبــه= وانت الذي عطيت ما قلت لك هات


عبدالعزيز الحربي - (الثابتي) .

[الطويق]

ص
ح السانك ولا هنت

[ابوعبدالرحمـن]

السلامـ عليكمـ

القصيده منهي له .. !!

البيت هذا مشهور .. !!

حبك عذاب وترك حبك مصيبه = يعني على الوضعين ما من سلامات

[عبدالعزيز الحربي]

الأخوان/

الطويق


بو عبدالرحمن


صحة ابدانكم

والقصيدة لي يابو عبدالرحمن
أنا طال عمرك (عبدالعزيزالحربي) صاحب القصيدة .

[وافي بن وافي]

لاهنت يالثابتي صح لسانك على هذه الرائعه .. لك مني أجمل تحية .

[عبدالعزيز الحربي]

الأخ/ وافي بن وافي



صح بدنك

[ابوعبدالرحمـن]

المشاركة الأصلية كتبت بواسطة الثابتي

والقصيدة لي يابو عبدالرحمن
أنا طال عمرك (عبدالعزيزالحربي) صاحب القصيدة .

ونعم .. صح لسانك ياطويل العمر

ويشرفنا تواجدك معنا

:

[عبدالعزيز الحربي]

ماعليك زود يابو عبدالرحمن
وانا أتشرف بتواجدي في هذا الصرح الشامخ (منتدى العجمان)

[هادي بن فهاد]

الله الله

وياصاحبي منك القطاعه غريبه= وين العهود اللي من اول وثيقات

صح السانك يالـــثابتي والله يحيك

[عبدالعزيز الحربي]

المشاركة الأصلية كتبت بواسطة هادي بن فهاد

الله الله

وياصاحبي منك القطاعه غريبه= وين العهود اللي من اول وثيقات

صح السانك يالـــثابتي والله يحيك

صح بدنك وابقاك الله يابن فهاد
شرفني مرورك الكريم

تقبل تحياتي وتقديري