مجاراه مع شاعر يام: ابن بلال والشاعر عامر الحجرف

[عامر الحجرف]

الشاعر عامر الحجرف يجاري شاعر يام ابن بلال ارجو ان تحوز على رضاكم

سلامي على من رحت يمـــــــه من الديره وجيت=وواجد من العربان مـــــاني مســــــــــــــير يمها
عرفت العرب والارض فيها اكــــــثرالحيين ميت=ولاعاد تعـــــــرف بيت ابوهـــــــــا ولا بيت امها
ترى كل موطـــــن للعرب بانين لــــــــي فيه بيت=وشــــــربي قــــــــراح ٍ من عدود ٍ غـزير ٍ جمها
وسوق الرخيص امــــــوت مابعت فيه ولاشريت=وانا مــاخلقت امـــــــا امــــــدح الناس ولا ذمها
على الله اليا جاء واجب الرمي اصيب اليا رميت= ولا اعـتاد رمـــــــين دون الاهـــــداف ولا زمها
لك النعــــــــم ياعامــــر ونعم ٍ لمن حيث انتميت=وفعل ٍ قصــــــر يمـــــــنى خصيمك وطول كمها
وحمولتك يالحجرف حموله وهل صوله وصيت= زمـــــــان المراجـــــــل ينعرف خالها من عمها
الى اليوم والى الصـــــبح وليا هدم غيرك بنيت=والانذال والحســـــــــــــاد عــزك يفـــــور دمها

شاعريام: ابن بلال

هلا يامرحــــــــبابك ياعمــــــيلي وفيت ولاهفيت=وجيتك نســـــــتني ظــــروف الحــــــــياه وهمها
ليامن طـــــرالي مـــــــاطرا من مكاني لك عنيت=اخــــــاف الحـــــيايا الرقـــــط فيني تفرغ سمها
انا لــوبســـــــــوي مــــــثل هـذاوهــــذاك ابتليت= وخير الامـــــور يخـــــص والشـــر لاجـاء عمها
بخــــــاوي كـــــــريم ٍ مثل شــرواك لامني لقيت= مواجيب ربعــــــــــه والعـــــرب والحقوق يتمها
خــــويي خــــويي لاحــــداني زمــــاني وحتديت= تراكيت إلا مــــــنه احــــتزم للأمـــــــــور ايلمها
من ايام جــــــــوي مـــــاصــفا لانتهيت ولابديت= لذيذ الكــــــــرى حــــــارب عـيونـي ولاهو يمها
تقفيت باقـــــــــي مـــــــابقا من حــياتي وكتفيت= وســــــر المعــــــــاني عـند مـن لا لزمـها ضمها
اباقســــــا على نفســـــي وانا فالحقيقه ماقسيت= لقيت القضــــــيه خـــير من كشـــــفها لي طمها

الشاعر: عامر الحجرف

[فالك طيب]

عامر الحجرف

مجاراة طيبه وجزله وأمتعتنا في أبياتك

لوحه شعريه مميزه

وفالك طيب

[عامر الحجرف]

فالك طيب لاهنت على المرور الكريم اسعد الله مساك وصباحك تقبل تحياتي وتحيات شاعر يام : ابن بلال

[نوارة]

صح الله لسانكم

لاهنتوا

[عامر الحجرف]

نــَـَـَـوآآآآررررة

لاهنت على المرور الكريم اسعد الله مساك وصباحك تقبل تحياتي وتحيات شاعر يام : ابن بلال