يــاليـل الـعـنــا والـتـفـاكـيـر

[فلاح الشدقاء]

السلام عليكم ورحمه الله وبركاته
وأسعد الله أوقاتكم بكل خير
هذه اول مشاركه عسى ان تحوز على رضاركم وتنال إستحسانكم

ياليـل ياليـل العنـا والتفاكـيـر=اتعبتني ياليـل وادركـت حالـي
ياليل من شانك عيونـي مساهيـر=والقلب جاله من سبايبـك صالـي
اخذ مع الهاجس بعيـد المشاويـر=واشكي على الله من زمان جرالي
كم مرة ن ياليل دمعـي شخاتيـر=والدمع من شانك على الخد سالـي
لاني ضعيف ولا علي منك تقصير=لكن بكت عيني من اللي طرالـي
ذكرتني وقـت ن تمنيتـه يصيـر=وعيش في وقت ن قديم ن مضا لي
ياليت لي جنحان ولا اقدر اطيـر=لان الصبر مالـه علينـا مجالـي
اصبر على الدنيا وهـذي مقاديـر=اصبر وعزمي مثل راسي االجبالي
مالي جدى ياكون جزل التعابيـر=واختار في بدع البيوت الجزالـي
وليا نصيت انصا الرجال المناعير=اللي ليامـن جيـت قـدر قبالـي
تلقـي معـزة واحتـرام وتقديـر=وتلقي الشحم ومبهـرات الدلالـي
واللاش في بعده نسوق التباشيـر=يازين فرقاء اللاش في كل حالـي
وياليت هذا الليل يرحل على خير=وادله مع اللي طول الايام سالـي

تقبلوا اجمل تحياتي واجملها
أخوكم / فلاح الشدقاء الوعيلي

[ثامر الشميعان]

الله الله
صح لسانك يافلاح
ولاهنت على القصيده

[نوارة]

صح الله لسانك

ويعطيك العافية


لاهنت

[هادي بن فهاد]

صح السانك ولاهنت


ياخوي فلاح الشدقان

على هذي الابيات الطيبه


:

في البيت الي تقول فيه

اصبر على الدنيا وهـذي مقاديـر=اصبر وعزمي مثل راسي االجبالي

انتبه للشطر الثاني !!
كلمت راسي سببت خلل في الوزن

وشكرا لك على هذا النص الراقي

[فالك طيب]

فلاح الشدقان

صح السان

ونتمني لك بدايه موفقه بإذن لله

وفالك طيب

[فلاح الشدقاء]

الأخوه الكرام
ثامر الشميعان ـ نواره ـ فالك طيب
HADI_KW
صح بدنكم وبيض الله وجيهكم
سعدت بتواجدكم وتشرفت بحضوركم العطر
دمتم بكل خير وتقبلو اجمل تحياتي وأطيبها

[مترك العمره]

الله الله

صح الله لسانك على هذه على الابيات الجزله..مبدع لله درك

وفي انتظار جديدك يالسنافي


واوافق اخي هادي كويت على تنويه


شكري وتقديري