!!..تبي تنساني...!!!

[راعية اطيب قلب]

تبي تنساني..؟ / إنساني /.. فداك اللي مضـى كلـه
يجوز أحيا من فراقك مدامي ميِت بوصالـك !!



ترى ما يجحد الواقع سوى خـلٍ نسـى خلـه
مثل ما تجحد عيونـي حنيـنٍ حيـل يظما لـك



مع أني عارف ما أحدٍ يـداوي غيـرك العلـه
أسج بحالي لحالي لجل مـا ينبـري حالـك!!



وأكابر من خطا نفسي وأزيـد الجـرح و أبلـه
وأتحاول في عبث مضحك أدور غير همالـك



حبيبي حتى لو زولي من غيابـك فقـد ظلـه
كفاية شمسك اليا اليوم تنسـج حولـي ظلالـك



تبيني / اعتذر /؟ ( آسف )، لكن وش هـي الزلـه ؟؟
تبيني أجرحك؟ حاضر أنا همـك وغربالـك



مادام أني سبـب دمـع حزيـن ناظـرك هلـه
فعساني يا بعد عيني اجل ما اطري على بالك !!



وإذا قالوا لك إن قلبي من فراقك نـزف غلـه
قل إن: مابه بلا ! عسـى درب السعـد فالـك



وأنـا والله وثـم والله وثـم والله وثم والله
لا سوي ما تبي من شان بـس تحقـق آمالـك



ولكن قبل ما تبعد وتنسـى مـا مضـى كلـه
أمانه بس علمني وش اللـي غيـر أحوالـك!!

[ليــه يازمـــن]

تبيني / اعتذر /؟ ( آسف )، لكن وش هـي الزلـه ؟؟
تبيني أجرحك؟ حاضر أنا همـك وغربالـك

كلامات جميله وفي غايه الروعه

الف شكر لك

ماقصرتي

الله يعطيك العافيه

وتقبلي تحياتي

[((فديت العجمان))]

ولكن قبل ما تبعد وتنسـى مـا مضـى كلـه
أمانه بس علمني وش اللـي غيـر أحوالـك!!

لاهنتي على النقل ياراعية اطيب قلب
بصرااااااااااااحه القصيد في قمة الرررروعه

[راعية اطيب قلب]

ليه يازمن

فديت العجمان

مروركم رائع

ولاهنتو على جميل ماكتبتوه

وربي يسعدكم دنيا واخره

[جـراح]

يا سلام يا اطيب قلب

نقل في قمّة الجمال