جديد فهد " قصيدة { صـدفـة

[AL-NAJLA]

السلام عليكم ورحمة الله وبركاته

مسائكم معطر بشذى الورود النرجسية

الشوق ماله عمر , يفنى وينعاد = له في الضلوع أن عاد وأن غاب رجفه
مع كل فرقا , له ورى الجفن ميلاد=وأن ماتت الفرقا لقى الشوق حتفه
جيت أقتل الفرقا من بلاد لــ بلاد=ملّ الطريق يشيلني فوق كتفه
وأنا بعد مليت من كثر ما أرتاد=هالشارع اللي كان لك فيه شرفه
تظمأ عيوني شوفك , وتشبع سهاد=عيّا الزمن يقطع ظماها بــ رشفه
لاوجهك أسقاها , ولا ذاقت رقاد=ماغير طيفك , طيفك اللي أعرفه
كنّه ظبي , وعيوني ظلال صيـاد=يجفل قبل يرتد للجفن طرفه
مشكلته أنه كل ما أشتقت يزداد=حتى ملا جدران وقتي وسقفه
وأصبحت أشوفه فــ أول الغيم لاجاد=وفــ أقصى الشفق لاطاحت الشمس خلفه
وفـي الأرض لانامت عقب صوت رعاد=وفي كل شباك ٍ صحت منه درفه
أتعبت طيفك لوم , واللوم مافاد=ويوم الأمل في شوفتك مات نصفه
نويت أسافر عنك بجروح ٍ جداد=وعمر ٍ من أوراق الزمن حان قطفه
نويت , لكن جابني الشوق منقاد=وجابك حنينك , والزمن سال عطفه
شفتك تبــسّـم لي خجل مدري عناد=وفي نظرتك شوق ٍ من الظلم وصفه
حسيت كني طفل , وعيونك أعياد=ياعيدي اللي له ورى الصدر رجفه
سـمّ اللقا صدفة , وأسـمّيه ميعاد=أنا أنتظرتك , وأنت مريت صدفه

فــهد المساعد






لـ التحميل من هنا

[عذاااب]

يسلمووو خيتوو على النقل


تحياتي لك

[AL-NAJLA]

سلمت ِ عذاب على مرورك العذب

[عليل المحبه]

كنّه ظبـي , وعيونـي ظـلال صيـاد

يجفـل قبـل يرتـد للجفـن طـرفـه

ياسسسسلام

صح السان المساعد على هالنص

النجلا

تسلم الذائقه على الاختيار

[AL-NAJLA]

يسلمك من عذابه عليل المحبة
لاهنت على مرورك الطيب

[ثامر الشميعان]

لاهنت على ايراد القصيده
شـكــ وبارك الله فيك ـــرا لك ... لك مني أجمل تحية .

[AL-NAJLA]

ولا هنت يا ثامر
جزيل الشكر

[عمَرس]

ســمّ اللـقـا صـدفــة , وأسـمّـيـه مـيـعـاد ... أنــا أنتظـرتـك , وأنــت مـريــت صـدفــه


صح لســانك ولسان قايلها .. وســلمتِ على النقل الرائـــع وذوقك الأروع