لعتزيت بروس يام العظيمـه يـا جبـان ما تأخر منهم حـد لمـا جيـت أزهمـه

[تصلال]

لعتزيت بروس يام العظيمـه يـا جبـان
ما تأخر منهم حـد لمـا جيـت أزهمـه


مثل برد الماء لما جاء على عرق الضمان
ومثل نور الصبح يجلى من الكون غسمه


ومثل حد السيف ليجا على وضح البيـان
ومثل ريح العصف ما في نحرها تهدمـه


نقدح البارود والرمح من فوق الحصـان
والعنيد الخصـم ليجـا نغـار ونلطمـه


انشد اللي ذاقوا المـر وأنـواع الهـوان
كـم عقيـدٍ منهـم قـد سلبنـا محزمـه


ماضي التاريخ طرز لنا في الكون شـان
من تمنى حـرب يـام العتيقـه تهزمـه


عزنا ربي و نور الهـدى بالحـق بـان
ويقتدي به من سرى في الليالي المظلمـه


من عوايد يام تكسب مع الوقت الرهـان
كم عدوٍ وسط جوفـه سكبنـا بـه دمـه

وإن لفانا الضيف يلقى تراحيـبٍ سمـان
ومن خيار لموال في واجبه مـا نلزمـه


والدخيل يبشـر لمنـه نصانـا بالأمـان
ينجلي همه ولو كان جرمه مـا جرمـه


وجارنا مهما مكث في مرابيـع المكـان
معزز مكرم علـى كـل حالـه نحشمـه


والخـوي لقالـه الله فـلا يمكـن يهـان
نعترض دونه ونرفع على الرأس علمـه


نرتكي للحمل لصكت اظـروف الزمـان
ما نخيل به لزلـت عـن الـدرب قدمـه


والعهد ما نخلفه عند من عـزه وصـان
يوم عاد الوقت ضيقـه وظلمـه معتمـه


لابتي عن مجدها تعجز حروف اللسـان
كل شاعر لو مـدح مـا يوفيهـا قلمـه




وسلامتكم

[خالد المحفوظي]

صح لسانك يا تصلال على القصيدة الرائعة

[تصلال]

القصيدة منقولة على فكرة ولست بكاتبها

[alwafi]

صح السانك ياتصلال وشد حزامك


وودي اسالك ان كان ماعليك كلافه


منهو صاحب القصيده بتوضيح اسمه

[تصلال]

والله ما اعرفه ماغير سمعتها ونقلتها لان اشوف الوضع في المنتدى كان الواحد بياكل اخيه والدنيا كلها فانية وان شاء الله انك فاهم قصدي

[مبروك]

لاهنت

يايام ياسقم الحريب ردوا لعبدالله قضاه

[تصلال]

من عبدالله تقصد

[عبدالله آل عامر]

لاهنت ياتصلال
بس القصيدة مكررة في مجلس قصائد قيلت في يام
وعنوانها((يــام العظيمة))

[محمد ال الضريره]

تصلال لاهنت

القصيده لشاعر يرمز لاسمه ابو راشد

خالص تقديري

[عبدالله آل عامر]

القصيدة للشاعر: علي بن راشد بن صالح آل لبيد اليامي
تحياتي للجميع