من دونها مركـز وشرطـه وتفتيـش

[فيصل أل هتلان]

اضع بين أيديكم هذه المتواضعه وأتمنى بإن تحوز على رضاكم





لبيش يالرملـه علـى البعـد لبيـش
القلب غنّى لـش عطاشـه عطاشـه

قاعٍ(ن) قفر من دونها يتعب الجيـش
ما كل عزم(ن) لا نوى قـوي جاشـه

من دونها مركـز وشرطـه وتفتيـش
لا ما وصلها مـن هواهـا طماشـه

اللـي تكـاود بالسفـر والمطاريـش
وان حتّـم الموقـف يبيـن ارتباشـه

واذا رقد ماهـو يحاتـي المغابيـش
والى صحـى يتعبـه طيـة فراشـه

يدفع على خوتـه مـال وبخاشيـش
يقطعه مال(ن) جاعل(ن) منـه باشـه

هذاك لـو عنـده عمـارات حتيـش
خوّتـه لـه ومعرفـتـه ومعـاشـه

واللي عكس منهجه راسي له ايشيش
اللي يحوش الطيب والطيـب حاشـه

يعيش منهو هـاوي الصيـد ويعيـش
رجل(ن) يحب البر خص(ن) لا غاشه

باذر من الوسمي ورووقه عكاريـش
تجلي عمس ضيق الصدر وانكماشـه

والصيد فيها رابـي(ن) مابعـد نيـش
ماذيره قانـص ولا الخـوف ناشـه

نروي كبود(ن) من ولعهـا معاطيـش
من الضمى قدهي هشاشـه هشاشـه

اندوج بارض(ن) ماعرفها دراويـش
وانهد بصقـور(ن) وفيهـا حماشـه

ماكر شواهين(ن) لها بالفعـل طيـش
مصقـوره وفيهـا مـواري وحاشـه

شاهيـن سمـي آفـة للمخـاريـش
مجنون طرد وزايد(ن) بـه خراشـه

لاااكن ضربه لا دوى وانفلت ريـش
العاب ناريه علـى عـرض شاشـه

ماهوب جير(ن) مهنته ينتف الخيـش
اسمه صقر واكثر طبوعـه خباشـه


وسلامتكم




القصيدة للشاعر / عبدالمحسن المري

[عبدالله آل عامر]

صح لسان قايلها وناقلها

تحياتي لك يا فيصل؛؛؛؛؛؛؛؛؛؛؛؛؛

[عجميه الرس]

فيصل ال هتلان



يعطيك العافييييييييييية خيوووووووو

[فيصل أل هتلان]

عبدالله ال عامر

ومن قال سالم .. لاهنت على المرور يالقرم

[فيصل أل هتلان]

عجمية الرس

الله يسلمش يابنت الشايب .. وسعدني مرورش

تحياتي

[ابونايف الوعيلي]

فيـصــل ال هتلان ارررحب ياخوي ولاهنت على القصيده
اخووك ابونايف الوعيلي

[محمد اليامي17]

صح لسانه المري ولاهنت على النقل

[محمد الشامري]

صح الله لسانك يافيصل ولسان الشاعر المري

قصيده وافيه وجزله

لاهنت على النقل يابوخميس

اتحفنا بمواضيعك