الليل يامجالس العجمان :)

[الرسام]

ارحب ارحب

الكنكورد


منور وانت اللي من العيار الثقيل <<< ما تقدر تصيدني



صح السانك

اتصاغر ليا شفت انا لومتد ... في عيوني هدد .... ماعليّه ملام= فرق مورد الجيب باشكالها فرق مورد الجيب باشكالها
لا تراكى الجبل للهوا ما فند... قوت ٍ فالوتد... الهمام الهمام=والمحيطات نعرف وش اهوالها والمحيطات نعرف وش اهوالها

ومع الله

[الشــبح]

الرسام & الكونكورد

صحة اللسنكم


سجلوني متابع

[سعود الخويطري]

اتصاغر ليا شفت انا لومتد ... في عيوني هدد .... ماعليّه ملام = فرق مورد الجيب باشكالهـا فـرق مـورد الجيـب باشكالهـا
لا تراكى الجبل للهوا ما فند... قوت ٍ فالوتد... الهمـام الهمـام = والمحيطات نعرف وش اهوالها والمحيطات نعرف وش اهوالها



الله الله



سلمت يالرسام ولاعدمناكم يالذيابه




وصلوا والليل الليل يـ الكونكورد

[دهمي]

مرحبااااا مساكم الله بالخير جميع

كونكورد&الرسام

صح الله السنتكم شعار مافيكم حيله

وفالكم المليون

سجلوني متابع

الليل ياكونكورد

تحياتي للجميع

[الكونكورد]

الشبح + دهمي

لاهنتوا على المتابعه

انت اشوفك تبي تجتهد ياولد.. بس لا تبتعد.. عقب صارت زحام = لا تقفّي ونفسك على حالها.. لا تقفّي ونفسك على حالها
في عيونك هدد بس اشوفه رمد.. لا تهد العمد.. وانت وسط الخيام = بهّر دلالك وسوق فنجالها.. بهّر دلالك وسوق فنجالها

[مهرة النسيان]

الله الله

صح لسانكم يالشعار .. الرسام والكونكورد .. تابعوا الابداع .

[سعود الخويطري]

انت اشوفك تبي تجتهد ياولد.. بس لا تبتعد.. عقب صارت زحام
لا تقفّي ونفسك على حالهـا.. لا تقفّـي ونفسـك علـى حالهـا
في عيونك هدد بس اشوفه رمد.. لا تهد العمد.. وانت وسط الخيام
بهّر دلالك وسـوق فنجالهـا.. بهّـر دلالـك وسـوق فنجالهـا



الله الله الله



ياسلام الله عليك سلموا لاعدمناكم

[الرسام]

طيب طيب

صح السانك

إعرف البحر وشهو جزر ولا مد .. قس بشبرك وحد .. تو سل الحسام=من وزر وزته يحمل اثقالها . من وزر وزته يحمل اثقالها
ابشروا يارفاقه على ام السعد .. جابت إلها ولد .. من مضاريب عام=اسمر ٍ ابركت له و دنالها . اسمر ٍ ابركت له و دنالها

[الرسام]

الشبح


سعد الخويطري


دهمي


مهرة النسيان



حياكم الله


ولا هنتوا على المتابعه

تمتعونا وتحمسون

[المرجله أخلاق]

لاهنت