يابنت تو الهوى ماصرت انا خلك

[خلاوي الشمالي]

السلام عليكم ورحمة الله وبركاتة

صبــآآحـكم خـير ...


حبيت انقل لكم قصيدة

للشاعر الكبير مسـآعد الرشيدي

وانشاء الله تحـوز على رضآكم











كلك تعالي غلا والا ارجعي كلك
بعض الغلا منك مايستاهل الجيه


طالت وانا في رجا ليتك ويا علك
أوراق بالذاكره واوراق منسيه


مابل ثوبك مطر شوقي ولا ابلك
لوعلتك من سحاب الروح وسميه


ليه امشي الدرب دامه مايوصل لك
تخاف رمضا الضياع اقدام رجليه


يابنت تو الهوى ماصرت انا خلك
للحين مازالت الصوره رماديه


ومازال بغض الغموض الشره يحتلك
وشلون انا اعشقك واحبك على النيه


اشوفك هناك قدامي ولا ادلك
صعب الكتابه ليا صار الورق ميه


إن كان شمسك تساومني على ضلك
ماعاد ابي منك لا شمس ولا فيه


اما تعالي لقلب فز لك كلك
والا اتركيني ما ابي لك بالهوى جيه


وسلامتكم:مساعد الرشيدي

[الغروب]

خلاوي الشمالي

اشكرك على الاختيار الطيب

للشاعر المبدع مساعد الرشيدي

تقديري.

[ليــه يازمـــن]

لاهنت على القصيده والنقل الرائــع

تقبل تحياتي

[اسامه الرشيدي]

صح لسان الزعيم مساعد ربيع الرشيدي

ولا هنت اخوي خلاوي على نقل القصيده الجزله والوافيه عن الشاعر الكبير

وتقبل تحيتي

[" مــــابه جديــــد "]

الله الله
ابدعت بالذوق

لااهنت

[عايض الوقدان]

سلاااام يا بو سااااالم



أبداع .. مساعد الرشيدي




أستاذ شعر

[خلاوي الشمالي]

المشاركة الأصلية كتبت بواسطة الغروب

خلاوي الشمالي

اشكرك على الاختيار الطيب

للشاعر المبدع مساعد الرشيدي

تقديري.

مروورش الطيب...

تسلمين عالمروور الي منور...

لاهنتي...

[شيخة الغلا]

نقل رائع وابيات جميله تسلم خلاوي

[قآيدة الغزلآن]

إن كان شمسك تساومني على ضلك
ماعاد ابي منك لا شمس ولا فيه


اما تعالي لقلب فز لك كلك
والا اتركيني ما ابي لك بالهوى جيه




الله الله


صح لسـآنه ولآهنت أخوي على هالرآئعه



بيض الله وجهك .,

[نيَـة فراق ..!]

خ ـلاوي ،،


صح لسان مساعد .. ولاهنت

تقبل تواجدي هنا