سلام مني عد مافاحت الرسلان بالهيل

[الكونكورد]

السلام عليكم

اقرب يامصلح

سلام مني عد ما فاحت الرسلان بالهيل = والبرق يبرق والرّعد فالغمامه تسمعونه
يامصلح بن حويل كانك تدل الجدي وسهيل = باقول تملك شي بعض العرب مايملكونه

[مسعطر]

صح لسانك يا الكنكورد


و ننتظر مصلح ابن حويل على أحر من الجمر.


تحياتي للجميع.

[مصلح بن حمد بن حويل]

وعليكم السلام

ارحب ارحب

ارحب هلابك يالمسلم وتوه بادي الليل=ياللي بدعت القاف كايف وكايفتن لحونه
وحنا نشوف البرق لكن مايذكر سيل السيل=والقصر مبني في مكانه وثابتن ركونه

[الفرس]

صح لسان الشاعر.. الكونكورد .. والشاعرمصلح


بدايه مشوقه ...



اكملوا ونحن نتابع ..

[الكونكورد]

المسعطر

حياك الله ولاهنت

مصلح

تبقى طال عمرك

وابك البقى والجيل هذا ترى قبله بعد جيل = كلن يمدّح سلعته بس من يرضي زبونه
لابارك الله بالصبي عقب كسّر بالفناجيل = عاده بعد يرفع لي الصوت ويطيّر عيونه

[الكونكورد]

الفرس

هلا ومرحبا

ومشكوره على المتابعه

[الرسام]

الله الله


صح السنتكم يا شعارنا ابداع اولي


وتسجيل اولي


تحياتي

[مصلح بن حمد بن حويل]

كل من تابع وشجع لاهان الله يعطيكم العافيه جميع

خلوكم في صفي الكونكورد يخوف الليله صح لسانك يالذيب واستلم

ليتك تعرف الفرق بين البحر الاحمر مع النيل=النيل عادي والبحر تاقف الرجلين دونه
لابارك الله في التواصيف وعلوم التهاويل=ترى الجمل للحمل ماهم ماشالت متونه

[الكونكورد]

الرسام

لاهنت طال عمرك

استلم يامصلح

البحر الاحمر ما جذب من تعلوا صهوة الخيل = والنيل عذب وكل منهو طمع به يذبحونه
الحمل يبغي له مع شعيل تبرك ميّة شعيل = يمكن تشيل الحمل لكن على الله تنقلونه

[الرسام]

مع الله يا شعار


والليل يجذب شروق الصباح


متابعين