قصائد شعراء حفل افتتاح المخيم الربيعي لقبائل يام

[راكان اليامي]

\/
الشاعر محمد بن صهيب آل غيدان

القصيدة المشاركة بها:

يقول اللي على الله اعتماد= بدع قافٍ على المعنى وقاده
كما قود السفينه في بحرها= تعدي فوق جزره وإمتداده
يقديها مع المواج عارف= ولا يخطي الهدف لا الله راده
يخاف الله ويقول الحقيقه= وهوى ونفسه يحاول في جهاده
حضر ويقول في حفل ينومس= ألا يا ليل يا ليل السعاده
سلام الله عليكم والتحيه= أعداد الغيث لا ذعذع براده
على ربعي بنو يام العريضه= اجنود الحرب لا ولع زناده
بني عمي مقابيس المنايا= لنا في ذروة الناموس عاده
هل الفزعات من ديره لديره=وقول الصدق مثبوت وكاده
بوقت الحرب نرسي وانتقدم= لنا يكتب نصر ولا شهادة
زمان الخيل والهجن والاصايل= وزرق الرمح والليل وهجاده
ولنا ماضي وتاريخ يشرف= ولا فالصدق عيب ولا نقاده
صحيح ان جدنا وسّع حدوده= ومكنا عسى الجنة مهاده
من اقصى الاحمدي غرب الشعيبة= الى نجران شرقٍ من هداده
ولنا فرسان وشيوخ وعوارف= سند من يشتكي والوقت كاده
ابن حثلين والشيخ المرضف=وبو ساق تمركز في بلاده
وترا ابن منيف وبن نصيب مثله= وبن هضبان في بدر عتاده
وبن بدره ومحسن وبن عايض= جمل زومان منطلق قياده
وبن زاهرة وفارسنا إمجيمر= يرد القوم والشقرا إجواده
وبن مهان ذيب وبن سِمره= حكيم الراي حله وأنعقاده
وبن ملحه ابراهيم السلومي= يقود الجمع فالخد وحماده
وبن دبلان وجريس الحبيشي= كما العجمه لواديها إسداده
وعاد الغيبهان يجي ابدوره=كثير المدح فيه ولا اقتصاده
وبن خرصان وبن شريم طالب= وبن مجحود في وقت العقاده
وبن صمعان والدامر وعامر= وكم سيف صقيل في عماده
وأنا افخر وافتخر ببن حمامه= لا حيثه جدنا حنا أحفاده
وكلٍ فيه حقه ما نذمه= من العربان كل له سياده
طويل الباع في وقت المهمة= على ظهر الجمل قطب إشداده
وحنا والقبايل شيء واحد= وكل انسان في راسه إعناده
تساوينا على وجهة البسيطة= بعد فضل من الله والقياده
إقيادتنا حكومتنا الرشيده= اخو مريم واخو نوره اسناده
سلاطين على العايل عقوبه= وعلى الصاحب كما المسك وزباده
فضايلهم على الشعب وذراهم=وفعل الخير ما نحصي اعداده
تواجدنا وشاهدنا بعضنا=وكلٍ ينتظر يبغي الافاده
دعانا اللي جمعنا لتعارف= ولا عنه مصد ولا حياده
على الترحيب قبل العود الازرق= وبنٍ ما يباخل في اقناده
يباريه الشحم فوق الصّياني= يقدم لنشاما بالركاده
فعايل من قول وفعل يجمل= بنا بيت الكرم والمال باده
عزمنا ولتزمنا له وجينا= نبيه ايشوش ويحقق إمراده
علي بن فهد معنى القصيده= ظهر علمه ورايه في سداده
بعض الافكار يدخل في مزاجي= مع المشوار قربه وابتعاده
وانا ما ورد للي ما دعاني= ولا ورد بعيري لثماده
واحب الطيب واحب النشاما= واحب الصدق واحب العباده
وكب اللاش ما قالي بقاله= ولا ابغا اويق في ملحه وزاده
وترا الرجّال في كسب المعالي= يشب النار ويهبد الرماده
وراس ما يدور للمعزه= عسا المعبود يسقى في نفاده
اكررها وأنا عندي نصيحه= لا عل البعض يرجع له رشاده
الا يا ابن الحموله شد حيلك= ومن نادك بالمعروف ناده
ترا الطاعه تجنبك المشاكل= وبياض الوجه ما يشبه سواده
وترا طاعة ولي الامر واجب= وبعض الناس تدعيه القراده
شاهد مظهره وتقول حلوى= ولا تدري بشيء في فواده
على نفسه يدمر ما يعمر= يهدم البيت وينثر وراده
ردى عقله يشبب له مصيبه= وظلع اطويق ماهزه جراده
وترا بعض الحكم مثل النصايح= وسمين الهرج يوخذ من إجداده
ولا منك جهلت إسعل مجرب= ومن تيه طريق الدرب صاده
ورجل ما يقوم بواجب الله= بدون شكوك مضمون فساده
الا يا الله لا تغضب علينا= وبلغنا من الطاعه زياده
وصلى الله على الهادي محمد= شفيع الخلق في ساعة حصاده

\/
الشاعر جراح بن فنيس ال حبيش

القصيدة المشاركه بها:
كل يامي

تمدح الشعار وتشوش القبايل= والشعر وهبه وأنا امثل قبيله
مرحبا يا عزوتي والشك زايل=ارحبوا يا اهل الفعول المستحيله
كل يامي لا طنخ سوى الهوايل=كبد شيخ القوم ما تشفي غليله
بالفجر والليل ولا بالقوايل= من تعدى حدنا والله ان نزيله
قد حمينا الدار بظهور الاصايل= ونحماها اليوم واليمنى طويله
نرتكي للحمل ونشيل الثقايل= الصدور دروع واليمنى فتيله
كلنا من دون ترفات وعوايل= كلنا من دون مقهور وشيله
ازهمي يا بنت ورينا الجدايل= وابشري واللي تعدى عزتيله
كل يامي يعتزي والفعل هايل= العدو مردود والراس بشليله
ازهمي صبيان يام اهل الصمايل= والفحي وانتي بذرانا يا جميله
تسبق الاقوال في يام الفعايل= لو لحقنا الزير عذبنا الجليله
نكسب الترفات وكبار الشمايل= والعدو للموت ما خلى سبيله
كل يامي لا غزى ينهى سلايل= كل يامي مدته ياهي ثقيله
يذبح الحايل ويكعم كل عايل= والدخيل يزبنه وينام ليله
من بغى يعرف وش نجوم القوايل= يقترب من دارنا ونهد حيله
البيارق ترتفع والدم سايل= والرحا بدور بسيوف صقيله
وقد كسرنا الترك والباشا يخايل= جمعنا المنصور وجموعه ذليله
ما علينا خوف لو حنا قلايل= لا عطشنا نشرب المصري ونيله
وكان غزه ترجع بفعل وصمايل= بلغوا شارون بترده قبيله
وارحبوا ثم ارحبو يا اغلى القبايل= شاعر ال حبيش وابياتي جزيله

\/
الشاعر فيصل بن نوطان المري

القصيدة المشاركه بها:

يا الله قدرني على حسن الالهام=وادمح بغفرانك خطايا جسيمه
أعمارنا تفنا ورا ذيك الاحلام= ولولاك ماجات العواقب سليمه
لفيت والدعوى تحيه وسلام= ومصافح لاهل الوجيه الحشيمه
الدين وصانا على وصل الارحام= وترابط أولاد العمومه غنيمه
والحمد لله يوم ماني بظلام= وكلاً يشوف فعول ربعه عظيمه
ولو افتخر في يام ماني بمنلام=خصاً ليا عدت العلوم القديمه
قومٍ لهم هيبه مع كل الاقوام=وتموت ما تحمل شعار الهزيمه
ما عندا الا سوجة الرجل قدام= أيضا ولا نرضا علينا ظليمه
صغيرنا في الهوش ياتيك مقدام=ما يرتجي مد الكفوف الرحيمه
هذا وأنا مري ومّره ضنا يام= وأتبع مفاهيم الرجال الحكيمه
والختم صلوا على خير الانام= محمدٍ راعي الصفات القديمه

\/
الشاعر حسن بن غريب ال فهاد

القصيدة المشارك بها:

جيت أشارك ضمن ربعي ولي كنز ورصيد= والقريحه هاضها داعي الربع القروم
وعقب اللي لحتفل ما تجيه ام العبيد= ويا نعى اللي لا بدا شان ربعه ما يقوم
وترك اللي لا حضر ما يفيد ويستفيد= واحمد الله يوم قسمي من خيار القسوم
وحن حضرنا واحتفلنا وجينا بالجديد= والفعايل ورث قوم تورثها لقوم
والشعر وهبه من الله وذا ليل القصيد= القصيد اللي ينومس قويين العزوم
والسلام من المواجيب والعلم الوكيد=شوف ربعي يام يجلا من الصدر الهموم
يا سلامي ياهل العز والراي السديد= عد ماهل المطر من هماليل الغيوم
وملتقى يام يشرف وعندي ليل عيد=وافتخر بفعولهم في الكويت وفي القعوم
لابتي صبيان يام ملينة الحديد=سعد منهم فزعة له الى بان اللزوم
كل ما رز الوعد جاو ربعي من بعيد=حاضرين كلنا للدفاع وللهجوم
وان عصبنا الراي قمنا على الراي الرشيد= وحن هل الفزعات واهل العوايد والسلوم
والحميا والتلاحم على العز التليد=عز يام اللي تعلى على روس النجوم
يشهد التاريخ والله على قولي شهيد= في ميادين المراجل محطمة الرقوم
في قرار الصلب مجدٍ يخلد ما يبيد= ووقعة الحاير هي المجد من فوق الخشوم
وفي الصّليب وفي الحسا حن منزحة الضديد= وفي العيينه عند ضيدان حذف الهدوم
ذا كلام الصدق والموت في حبل الوريد= والفعايل ثابته والعوافي ما تدوم
وكل رجال بفعايل بني عمه يشيد= وكل عود فيه دخان والجاهل ظلوم
والله يجمعنا على الحق والفعل الحميد= وجعل ما فينا ومعنا شقي ومحروم
امرنا شورى وكل له اشداد وله ايد= وكل رجل في مكانه على الراي العموم
نلتحم خلف القيادة ونثبت ما نحيد=وان تقدمنا وطينا على روس الخصوم
والصباح شيوخنا دام فوق السيد سيد= ما علينا من حكايا مروجة العلوم
ابو ناصر شيخنا يا عسى عمره مديد= وكلنا دون الوطن سور حاكم ومحكوم
والسلام اختامها مسك وكرر وعيد= ترك اللي لا بدا شان ربعه ما يقوم

[&آهــــات الحــــزن&]

لاااااااااااااااااااهـــــــــــنـــــــــت اخــــــــــوي راكــــــــــــان الـــــــــــيامي

وبــــــــــــيــــــــض الله وجـــــــــهـــــــك

[عبدالله آل عامر]

لاهنت يابو سالم على نقل القصائد

[راكان اليامي]

ارحبـــــــــو والشكر موصول لاهل التغطيه يالربع

[الغروب]

الأخ / راكان اليامي مشكورعلى التغطيه *** وكذلك اهل التغطيه مشكورين

[محمد ال الضريره]

راكان اليامي
بيض الله وجهك
وعوايدك الطيب ياماكر الطيب
والله يجمعنا على طاعة ومرضاتك

[مسفر مبارك]

بيض الله وجهــك ياراكــان والله لا يهينــك .

[مسعطر]

صح لساااااان كل شاعر شارك في الإحتفال ..

راكان .. بيض الله وجهك على النقل و الصور ..


تقبل مروري ..

[هاجريه متلثمه]

يعطيك العافيه اخوي راكان ولاهنت على الموضوع الطيب تقبل مروري

[الخليفه]

صح لسان الشعراء
ولاهنت ياراكان على النقل
وبارك الله فيك