قصايد_عبدالرحمن بن شاردة !!!!

[غريب الدار]

السلام عليكم ورحمة الله وبركاته

ياجماعة الخير اللي يعرف قصيده مكتوبه للشاعر بن شاردة يكتبها او يحط الرابط ولا هنتو

[فيصل أل هتلان]

والله أني مثلك ياغريب الدار .. والله اني ادور قصايده . عندي له شريط بس ماهوب واضح

قصايده جماسية وتنـــومــــس ..


تقبل تحيـــاتي

[ضيدان بن مترك]

	[ قصايد_عبدالرحمن بن شاردة !!!! ] ألأخ..غريب ألدار.. عزألله أنك أقديت ووفقت ذكرتنا علي قصايده باذن ألله جاري ألبحث عند ألربع وعلي وعد أنشاألله يصدقون..والسلأم............

[ابومحمد الشامري]

مرحبا بالاخ العزيز غريب الدار انا ذكرت كذا قصيدة لابن شاردة في مواضيع متفرقة وسوف اذكرها لك في هذا الموضوع والعذر على التأخير :

يقول ابن شاردة :

يحسب ربطته ماهيب مقفيه=شاةٍ سمينٍ كلا منها وخلاها
حنا المرازيق خطوان العواجيه= ما يذكر الي قديم(ن) قد فعلناها
لا تبقى الروح لامنه ذهب حيّه=إن كان ما تفزع اليمنى ليسراها
لعيون من هي ترب الجو عجميه=ولعيون شقحا على المثلوث مفلاها
ما قرعوها مع فرقان شاوية=انا احمد الله على العدوان سواها
ذيب العيينه دعا ذيب الرياحيه=شاف الجنايز كثيراتٍ جثايها
والحاكم اللي علينا يبغي السَيّه=اللي بغى من سبب ضيدان خلاها
مصران بطنه على الاشجار مثعيه=همل إخيامه وحنا اللي خذيناها
مثل الجعر دبروا منه الفداويه=أمات خمس(ن) إليا غِليت شريناها
ما غيرها لا إستقام الحرب ماليه=العين تذرف وعي النوم ماجاها
والكبد كأنها على السعمور مقليه= لين أصبح الصبح واللي صار شفناها
خجلاتهم من هل التوحيد مفضيه=من طردنا خيلهم تترس حذاياها
قد حن شفاقا على طرد الفداويه=وأهل الرعايا ما زيد أسقوا رعاياها
الحبل تمشي طراشينه خلاويه=قم يانديبي على اللي كأن تهياها
أدميةٍ مع شعاع الصبح مرميه=تلفينا اللي تنبأ بالعلم ما جاها
صبيان مذكر وسقم الحرب ياميه=ربع(ن) تمنى المواجه وحن كفيناها

وقال ايضا:

اللعب والله فـي العيينـه لعبنـاه=ياللـي مـع نسوانكـم تلعبونـي
جمعن لعيبه فالملاعـب تمثنـاه=بمشوكاتـن يلهـبـن المتـونـي
يوم اعترض جمعه علينا دمرنـاه=ماعاد تنينا اللي بعيـدن يجونـي
طقيقهـم مازيـد تمحـا جدايـاه=والشيخ منهم شاعفتـه الجنونـي
احدن شعفه الجن واحـدن قتلنـاه=واحدن هلك بين الغضا والعيوني
طرحانهم مثل الخشيـب المدانـاه=ربعي للـي ماحنـن يمحنونـي
لا زعزعوا مرزوق عقب المثاراه=ماعادهم للـي دعـوا يسمعونـي
سمن الغنم ينثر على كف يمنـاه=اللي قصر من ماقفه كـل دونـي
خيامهـم علـى المبانـي مبنـاه=وعوالنـا بفعولهـم يكبـرونـي
ليلن عليهم ما احدن قبـل سـواه=ليلن تواصيفه علـى كـل لونـي
ان قلت براق الحيـا كنـه ايـاه=مثل الرعد من راسيات المزونـي
جون على الجدان من جاه جينـاه=ولا حصل للـي قديمـن بهونـي
نحتدهم حـد الضمايـا لمضمـاه=حتى انهم من عقبنـا يسمحونـي
يا من يرد العلـم للشيـخ لاجـاه=ياويش عادهم من ورانا يبونـي
عوالنا فرسـان الخيـل مطغـاه=ولا مر عليها بالنمـش يلحقونـي
كم واحدن منهم على القاع دسنـاه=عليه تكفـخ جوختـه والزبونـي
يستاهل اللي فالصيانـي مجفـاه=غصبن على اللي عندهم يرملوني
حريبنا ما ياكـل الـزاد لاجـاه=مثل الرمد لاما وقـع فالعيونـي
حريبنا لامـن حربنـا حربنـاه=بمصقلاتـن يشلخـن المتـونـي
العـو لامنـه برانـا بريـنـاه=بشلفن مضاربها تفـج الزغونـي
والعد لامن جا المزاحـم مردنـاه=بجموعنا اللي ضافيات الركونـي
يفدانا اللي ما يعـرف المجـازاه=عليه دايـم لا بغـوا يخمرونـي
لعيون شقحا مقدم الـزود تبـراه=هجاجتـن لا طرقـوا باللحونـي
ننزل لها فاللـي تـوده وتشهـاه=بعوالنا اللـي ينزعـون الديونـي
ومهارنا اللـي للحرايـب مغـذاه=في دارها الاجناب ما يرتعونـي

وقال ايضا :

لاكن ما سِرنا عليهم مساليخ=ما كِنْ حِنَّا نافلين القبايل
سِرنا بجمع(ن) يشلخ الجمع تشليخ=عجمان لَمَنَّه عصى كل عايل
الدم يزعج في نِحير الصَّلاليخ=في الليل مِنا كَنَّهم في القوايل
سِدْحانهم مثل الطروح المداليخ=مِتْروِّسين فوق روس النثايل
ابن شافي يعتِرض كنه الذِّيخ=ما يدري يتحقق وين وجه الدبايل
من جوخهم والصبح ربعي مجاويخ=إمحذفينه ذاهبين الحمايل
من ضرب ربع(ن) قادمين على الشيخ=إمصقلات يوردن الغلايل
يازين وسط إخيامهم دقَّت السيخ=يا ليت ضيدان إبعينه يخايل

وقال:-

تِماسطوا ظفرانا وظفرانهم=بمشوِّكات(ن) وردُدوا إشيوف
لكن زعيج الدم بينا وبينهم=وروس(ن) تخالف مالهن إكتوف
منهم السبيعي طق يبغي ديرته=والهاجري مِتزبن(ن) الجوف

وقال:

جانا بقيمانه سوات المظاهير= متبجح(ن) على العشاير بغاره
سرنا عليهم بالقروم المناعير=محذفين إثيابهم من غتاره
ثار القهر منا ومنهم على البير=ليل(ن) تقطع في سماها شراره
ونعم(ن) بربعي يوم دجنا على ذير= ما كان له باني(ن) هدمنا إجداره
راحت قيمانه سوات المداوير=والشيخ قِتل وجاحدين(ن) خَباره
بين ال حبيش وبين ربعي السفارين= وابن مخيال تبين إبشاره
خذا جواد الشيخ وخذا قربته= واللي بعيدٍ جايته خباره
نستاهل الجوخ الحمر والمقادير=وكفل السمين اللي كثير(ن) إبزاره
يا راكب(ن) ليا تحاكى كانه بطير=مثل الوحيش اللي خَفق ابغاره
يلفينا عيد الركاب المقاصير=اللي حفاها ما يجود إسباره
أهوى علينا ما درى وش بصير= يبغي يدمرنا وحنا دماره
راحت قيمانه سوات العصافير=ما كل هياته عنده خساره
حنا هل الطولات حنا المناعير= ما كن زين(ن) نقطفه من إثماره

[راكان بن فيصل الحثلين]

الاخ ابو حمد ..؟؟؟

اولأ صح لسان الشااعر ابن شاارده
ولاهنت على المجهوود وتسلم يمينك

وشــكــرا..؟؟..؟؟

[خالد المحفوظي]

لا هنت يا ابو حمد على القصائد والله يرحم ابن شاردة

[غريب الدار]

السلام عليكم

الله لايهينك يابوحمد بيض الله وجهك ولاهنت على الاهتمام والله اني سجيت من الموضوع

[فيصل أل هتلان]

الله لا يهينـــــــــك يابو حمــــد .. وافي يالـــذيب



تحياتي

[حمــد الشهــــراني]

الله لا يهينـــــــــك يابو حمــــد

[محمد وكفى]

عيت تسند خيلنا من خيلهم ....... لين الـ.... وردوا القطّار.
شوف عيني من سواد عبيدهم ....... كنها جذوع(ن) لاهبتها النار.
وحنا خذينا القضا في شيخنا ......... وبعض القبايل مكتسيه العار.
وعسا قبيلت(ن) ماتسوي مثلنا ........ تذوب ذوب الملح في الما الحار.

هذي أبيات للشاعر الداهيه عبدالرحمن ابن شارده الهتلاني
ويقول أن العجمان خذوا بثار شيخهم فالعيينه
على عكس مطير وعتيبة
والنقط هي اسم قبيلة مشفر