تفضلوا على القهوة والقدوع

[سمو الرووح]

السلام عليكم ورحمة الله وبركاته

اليوم حبيت أرحب بالجميع

وقدم لكم الفواله يعني شيءٍ من الحلا قدام القهوة

والسموحه على القصور أنا أدري إن حقكم أكبر من كذا بس هذا الي اقدر عليه الحين ..

ومن عقبه القهوه يالنشامى





وسامحوني جزاكم الله خير على التقصير ..

[القرناسة]

تسلمييييين فضه

لبه قلبج طووول عمرج ذووووووق

يااا خيّه عندي سؤال بيني وبينج :$ انتو بقطر تسمون الحلا فواله ؟


ومشكوووره ياقلبي اكرمج الله

[عامر الهاجري]

قهوتج قهوة أهل الشمال .. السوداء .. لانهم يفوحون الهيل مع القهوه فالغوري

بس عز الله انها قندت راسي

القرناسه .. يوّييه .. فضحتينا عند أهل قطر .. التمر او الرطب او الحلا يعني اي شي يقدم مع القهوه اسمه فواااله

والقهوه ما تشربها الا وانت خالص من فواالتك .. تفاولي تفاولي وانتي ساكته

سمو الروح .. أكرمج الله

[((الغنج))]

الغاليه \ سمو الروح

تسلم الايادي

ولاهنتي ع القهوه

[ليــه يازمـــن]

هههههههههه

كفيتي ووفيتي والله

خوش حلى وخوش قهوه وتمر

الله يعطيك العافيه

بس مافيه شـــاهي

تقبلي تحياتي

[جووري]

مشكورة على القهوة اللي تقعد الراس
تسلمين يالغالية

[سمو الرووح]

المشاركة الأصلية كتبت بواسطة القرناسة

تسلمييييين فضه

لبه قلبج طووول عمرج ذووووووق

يااا خيّه عندي سؤال بيني وبينج :$ انتو بقطر تسمون الحلا فواله ؟


ومشكوووره ياقلبي اكرمج الله

ههههههههههههههههههه

الغالية / القرناسة

لا طال عمرك الحلا هو الحلا نفسه عندنا الكلام العامي الفواله أو القدوع اهو التمر

أو الرطب انقول تفظل اقدع أو تفاول يعني فيه كلمات يختلف معناها من بلد إلى أخر

جعل فيه العافية وسامحوني ترى ما هذا حقكم بس حبيت أقهويكم وتذوقون الفواله هههه

إلا تعرفينها غصب ههههههههههههههههههههه

كل الشكر على المرور الطيب .. ولاهنتي يالغلا

وفقك الله ...

[سمو الرووح]

المشاركة الأصلية كتبت بواسطة شعف السنين

قهوتج قهوة أهل الشمال .. السوداء .. لانهم يفوحون الهيل مع القهوه فالغوري

بس عز الله انها قندت راسي

القرناسه .. يوّييه .. فضحتينا عند أهل قطر .. التمر او الرطب او الحلا يعني اي شي يقدم مع القهوه اسمه فواااله

والقهوه ما تشربها الا وانت خالص من فواالتك .. تفاولي تفاولي وانتي ساكته

سمو الروح .. أكرمج الله

مرحبا بك ومسهلا

شعف السنين

لا والله إحنا قهوتنا يا أهل قطر الشقرا ولكن هذه الصورة الوحيده الي لقيتها مناسبه

لوضعها في الموضوع وحنا نفوح القهوه بروحها ومن بعد انصبها على الهيل في

دلة الرسلان أو السيف لأنها من أحسن الدلال للقهوة .

جعل فيه العافية هذي الساعة المباركة الي جازت لك يا أخي

هههههههههه لا أبد مافيه فضايح ولا شي كلنا قهوتنا وحده وإن كان البعض يحبها قليضه

أو يقلط عليها النار الشوي وكلٍ وما تعود عليه .

كل الشكر لك ولمرورك الكريم .. ولاهنت

هناك قصائد مشهورة بالقهوة وهذه القصيدة لدغيم الظلماوي حيث يقول قيها


ياكليب شب النار ياكليب شبه ...........عليك شبة والحطب لك يجابـي
وعلي أنا ياكليب هيله وحبه ............وعليك تقليـط الـدلال العذابـي
وادغث لها ياكليب من سمر جبه ........وشبة الي منه غفى كل هابـي
باغي ليا شبيتها ثـم قبـة .................تجلـب لنـا ربعـا سـراة غيابـي
بنسريةً ياكليب صلفا مهبه...............لاهـب نسناسـه تقـل سـم دابـي
سراة بليـل وناطحيـن مهبـه .............متكنفيـن وشوقهـم بالعذابـي
الوالمة ياكليب عجل بصبه ............ والرزق عند اللي ينشى السحابي
صبة لقرما صرفته ماحسبه ............يوم البخيل مكنهب الوجـة هابـي
وصبة لمنعورين ليا جاة نبة..........يرخص بعمره والدخل لها ضبابي
وعدة عن اللي مايداري المسبه .......اللي يدور بالقصيـر الغيابـي
عن الطيب عده نازلا له بغبه ...........يضرب علي درب الخطا مايهابي
لا باطن الهلباج خطوا الجلبة ........ يا حلو خبط عصيهم بالركابـي
أطمر لهم وأبدي سلام المحبه ........لا جو على هجناً يديهم خرابـي
سلام أخلى من شخاليل جبه........وأحلى من السمن الجديد العرابي
مع كبشً مصلاح راسه نجبه ........لا أدبـر الهيـن متيـن العلابـي
خطو الولد يوم الملاقي نكبه .......يأتي علينا من حسـاب الزهابـي
وحتى ايش لو يلبس وبينن وجبه............معيرة على غضير الشبابـي
أنا لقيت الصبر يازين غبه ...........يرقيك رؤوس مشمرخات الهضابي
من لاصبر ياكليب في حكم ربه ......هذاك يوم البعث مالـه ثوابـي
يقولها اللي ما حسب المسبه .........ولا عرقل الاجواد ببعض الهلابي
هذا هوى بالي وهذا مطبه..........من قبل مايسفـح علينـا الترابـي


هناك آخرون لخصوا متعة الدنيا في أمور بسيطة و منهم الشيخ تركي بن حميد شيخ عتيبة

كلها في وقته حين أوجز ****** في قوله التالي :

يا ما حلا يا عبيد في وقت الاسفار
..................... جر الفراش و شب ضو المنارة
مع دلّة(ن) تجدع على صالي النار
..................... ونجر(ن) إلي حِرِك تزايد عباره
النجر طِق و جـاذب(ن) كل مرّار
..................... ما لفه الملفوف من دون جـاره
في ربعةٍ ما هيب تحجب عن الجار
..................... لا من ولد اللاش ما شب نـاره
وأخير منها .... ركعتين بالأسحار
..................... لا طاب نوم اللي حياته خسـارة

يقول ابن حثلين

---------------

يامحلا الفنجال مع سيحة البال ........في مجلسن مافيه نفسً ثقيله

هذا ولد عمٍ وهذا ولد خـــــــال ........وهذا رفيقن مالقينا مثيـــــله<


وفقك الله ..

[سمو الرووح]

المشاركة الأصلية كتبت بواسطة ((الغنج))

الغاليه \ سمو الروح

تسلم الايادي

ولاهنتي ع القهوه

ومن قال سالم

الغالية / الغنــج

شكرا للمرور الطيب بارك الله فيك

وجعل في العافية وهذي الساعة المباركة طال عمرك

وفقكِ الله ..

[سمو الرووح]

المشاركة الأصلية كتبت بواسطة جووري

مشكورة على القهوة اللي تقعد الراس
تسلمين يالغالية

مرحبا ومسهلا

الغالية

جووري

شكرا للمرور الطيب ولاهنتي

وفيه العافية والساعة المباركة

وفقكِ الله ..