جرحتك من كثر شوقي وخليت الكلام رماح..~ولا ادري شلون ياعمري طعنتك حيل بعتابي

[العوصا]

السلام عليكم ورحمة الله وبركاته شلونكم.. اربكم بخير.. مجموعة قصايد بالقمة .. احساس رائع.. مشاعر متدفقه.. شيء قمة الصراحه.. اترككم مع الرائع سالم بن سيار العنزي.. \ ، / عسى ما ازعلتك البارح وزودت الجراح جراح=عسى ما مرت الدمعه على اهدابك من اسبابي جرحتك من كثر شوقي وخليت الكلام رماح=ولا ادري شلون ياعمري طعنتك حيل بعتابي بدون شعور صدقني ترى كثر الغلا ذباح=تعال وشوف بغيابك غلاك شلون سوابي حرام تغيب من عمري وتعطيني الفراق وشاح=حرام الدمع في عيني مناديله هي اهدابي غيابك يشغل عيون الزوايا وامتلي اشباح=وانا انثر صوتك بقلب المكان واشعل ابوابي تلفت للأمل دام الرجا في عمري الملواح=اناديلك ولو شرهك وصولك تقطع اعصابي ابيك الجاي من عمري انا مابيك شي وراح=مدامك اجمل واخر مدامك اول احبابي ابي ارتاح ياعمري انا ادري هم تبي ترتاح=تعال وقبل ما افرح ترا تفرح بك ثيابي احبك احبك يابعد عمر الحزن والجرح والافراح=احبك احبك كثر ما نامت عيونك داخل اهدابي *** تضحك تظن الحزن أنك دفنتـه ..؟=أخفيت حزنك صح لكنـه بانـك.. ظنـك طعنك العمـر / والله طعنتـه ..=من قبل يكونك موت كونت كانك ..! ساكنك جـوع و جوع غيرك سكنته=[ ماعشت نفسك يوم مره عشانـك ] الطيب صنته لكن البخـل خنتـه ,=ماصنت نفسك لكن الطيب صانك .. تبي الصراحه كل هـ الكون عنتـه=اسمك يسافر فيه و أنـت بـ مكانـك ماتنعوج بـ أنذال و الطيـب صنتـه=لو تنعوج بـ أنـذال عـدلك شانـك لاماسجنك الطيب والله سجنتـه=أطلعت كفك قبل يطلـع لسانـك طيبك و صنته .. أعرفك كيف صنته=أن خان كفك قالوا الطيب خانـك *** عساك بخير.. وش اول واخر جروحك.. وش اخر واول فراقي.. يقولوا من المسا تلملم بقايا نبرتي وتروح.. على اول ذكرى بالشارع.. نسينا كل سوالفنا عليه و كل مواجعنا.. وصرنا فيه ندورنا.. ندور من ملامحنا ملامحنا.. تشتتنا تشردنا.. الين انا ندور في وجيه الناس.. تصور.. ولا قطره بوجيه الناس تشبهنا وتشربنا.. وارد ضاميك.. وبعد مثلي ترد ضامي.. واقول ان المسا كاسك.. واصب عيوني لإحساسك.. وانا اتكسر.. مع كل اغنيه تفتح هدبها والمح عيونك.. يا عون الله تلاقينا.. تصور.. بأغانينا تلاقنيا.. عساك بخير.. وش أول واخر جروحك؟؟ وش آخر وأول فراقي؟؟ يقولوا من المسا تلملم بقايا قمرتي وتموت.. نسيت أسأل ؟؟ صحيح تمووت ؟؟؟! *** تجيني طيـــف ياعمري على جنحان شوقي لكـ...=أخاف أرمش من عيوني وأبعثر جيت وصالكـ... حبيبي لا تجيني قول وين انت؟وأنا اجيلكـ...=أبيك تقول وين انت؟وعلى عيوني أنا اسعالكـ... وربي فوق رووس الشوكـ لاخلي القلب يمشيلكـ...=وأخلي ظلالي يسبقني قبل يحضني منزالكـ... ثواني بس..أبا أتهندم من عيونكـ وأبا أهديلكـ...=في عينك ضحكة حتى تكحل عيـــــــن عذالكـ... يقولوا الناس..بغيابي تشب القلب ويضويلكـ...=حنيني ومن وهج شوقهـ يميل القلب لا مالكـ... قضى دمعي من عيوني..أبي من عينكـ أبكيلكـ...=أبا أنثر من ورى عيوني دموع عيون ترحالكـ... تعبت أهرب من الأشيا البسيطهـ من تفاصيلكـ...=تعبت أسأل زوايا البيت عن أول وآخر أحوالكـ... وحتى الشوق من صبح الدرايش قام يهديلكـ...=عصافير الرضا ترفرف على بيبان مدخالكـ... هنا ترمي صباح الخير قبل لاتروح وأدعيلكـ...=وهنا تضوي مساء الخير في عيني من هذالكـ... أنا من الليل يقطفني شعوري لكـ واغنيلكـ...=أنا من الصبح يليلني الحزن من لون موالكـ... حرام الليل ماهو ليل إذا ماكنت في ليلكـ...=وحرام الصبح ماهو صبح إذا ماكنت بظلالكـ... تروح..وقلت أحط روحي على كفي وأناديلكـ...=نزعت العمر من شفت الغلا بالروح نادالكـ... بربك قول وش سوى الفراق بوجه منديلكـ...=تسيل ألوان طيفي فيهـ إلامن البكا سالكـ... حبيبي لا يبكيكـ الفراق ولا يهد حيلكـ...=أخاف الدمع من عينك يجفف صورتي ببالكـ... تعال أحتاج أسولفلكـ عن الأيام وأشكيلكـ...=وأفض غيم الحزن وانثر حنين الشوق بقبالكـ... تعال وحط في قلبي هموم الفرقا واشيلكـ...=لأن القلب ماهو قلب إذا في نبضهـ ما شالكـ... وقف دمعي من عيوني أبي من عينكـ أبكيلكـ...=أخاف أبكي من عيوني وابعثر جيت وصالكـ... *** { سالم بن سيار..~

[أبو مسعود]

حبيبـي لا يبكيكـالفـراق ولا يهـد حيـلـك...

أخاف الدمع من عينك يجفف صورتي ببالـك

الله الله من روائع الشاعر الكبير سالم سيار يعجز الوصف عن ابداعه

الله يعطيش العافيه

[نسل يام]

الله ابيات جميلة جدا
يعطيك العافية على النقل.

[مانع الوعيلي]

الله الله
ولاهنتي يالعوصا على النقل ويعطيش الف عافيه

[ناثرة الورد]

{{ العــوصـا }}

/
\
/

مشكوره على هالاختيارات الرائـ ع ـه
الله يـ ع ـطيكِ الـ ع ـافيه
وعساكِ على القوه
ننتظر جديدكِ المميز

/
\
/

كل التحـــيهـ

[EmpeRoR]

جميل ورائع ماقدمتي..
صح لسان الشاعر.
ويعطيش العافية على النقل..

[وافي بن وافي]

الله الله القصيده والنقل ابدع في ابداع العوصا شـكــ وبارك الله فيك ـــرا لك ... لك مني أجمل تحية .

[البندري القحطاني]

طيبك و صنته .. أعرفك كيف صنته
أن خان كفك قالوا الطيـب خانـك


هالله هالله .. رائع سالم سيار .. ممتع .. لاهنتي يالعوصا