عبدالله بن خالد الحويله

[نافع بن طواله]

دارت بيني وبين ابن عمي فراج ثلاب العوام الطواله مكالمه هاتفيه - علما بأنني خارج البلاد للدراسه - تجاذبنا الحديث والاخبار والاطمئنان على بعض الا ان ابن عمي مشحون فرحاً بشهامة رجل جابه المسؤول - فزعه ونخوه وطيب - حتى نال مراده وهو رفع الظلم عن شمري صديق ابن عمي

وهذا الرجل الشهم هو النقيب / عبدالله بن خالد الحويله

وقد اثارني ما سمعت حتى فرضت نفسها هذه الابيات

ويعلم الله اني لو موجود بالكويت مايردني عن شكره بوجهه شيء

واتمنى ان تكون هذه الابيات ككتاب الشكر للعجمان كافه ولمن ربّاه خاصه

من سمعت علوم طيبٍ ساقها ابن الحويله=فاض دمي بالتمنى ليت لو هو بن طواله
ليت لوهو ابن عمك اوهو من اقصى القبيله=حكمةٍ قيلة قديم وعشت انا اليوم بمثاله
الغني بالطيب ودّك تغتني منه بحصيله=الغني عبدالله اللي سطّر دروس الشكاله
ياضنى اللي لا تعزوى.. بالفرح هلل دخيله=سِعْد فال اللي نصاهم ينتخي ياسِعْد فاله
المراجل ما تهيّا لغير رجّال يعنيله=درْس عودٍ درّسه لعياله بصافي دلاله
للثماله في عياله درْسه اللي كل ليله=ومن حدا عياله رويت اليوم لي حد الثماله
افرح بذكر النشامى واتهيّض للجزيله=وادري اني ما وفيته.. شامخٍ فوق الجزاله
اكتب حروفي واعذرب قافها لوهي ثقيله=مير وش يوفي شهامه مع شجاعه مع بساله
الشهامه نوّخت لعيون منهو يرتكيله=والشجاعه ورث جده مع عمامه مع خواله
والبساله فطرة العجمان ماهي بالهزيله=جود عبدالله على اللي يسرده فوق احتماله
علمه يداوي كبودٍ من ردى حظه عليله=تشفق لمطنوخ يشفي حظها وِيْسِرْ باله
ياظنا مرزوق عفوا أبـ تمنّى منه ميله=لا حشا ما يميل لكن منيتي ميلة عقاله

نافع بن طواله
أمريكا