فطائر بس غيرررر

[الغروب]

بسم الله الرحمن الرحيم

السلام عليكم ورحمة الله وبركاته

فطائر بس غير

المقادير :

1 كأس ماء
نص كأس زيت
4 ملاعق كبيره حليب بودره
1 ملعقه كبيره خميره
1 ملعقه صغيره باكنج باودر
3 ملاعق كبيره سكر
3 ملاعق كبيره زبادي (حوالي نصف علبة الزبادي الصغيره)
اخلطيهم كلهم بالخلاط..
وبعدين انخلي 3 كاسات دقيق وصبي اللي بالخلاط عليه واعجنيه ( يمكن تحتاجين
3 كاسات ونص دقيق)
بعد ماتعجنينها طبعا وتتركينها تخمر قطعيها كور صغيره وافردي كل كوره الى
اقراص صغيره.

السر

اننا سوف نستخدم الشوايه الكهربائيه مثل هاذي




ادهنيها زيت وسخنيها وبعدين حطي حبتين من العجين عشان اسرع للوقت
ولو تاخذ اكثر من حبتين حطي..



المهم سكري الشوايه واتركيها تقريبا دقيقتين وشوفي شكل الفطاير شلون تطلع
منتفخه ومتحمره..اهم شي تكون الشوايه حاميه.. ولاترا تصير يابسه الفطاير..



طلعيهم ولازم تغطيهم بعد ماتستوي عشان لاتنشف وتخرب..ادهني الشوايه مره ثانيه
وحطي عجين ثاني وكملي لحد ماينتهي المقدار ماياخذ وقت كثير..
لما يبرد قصيه كل حبه لنصفين
شكلها يطلع مثل الجيب.
وهذا بعد الحشوووو
ا حشيتها دجاج بالخضار



وصحتين على قلوبكم

[جواد الليل]

يعطيج العافية اختي .

[القرناسة]

الغرووب تصدقين انه هالفطاير سويتها في يوم من الايام

حزتها كنت اتصفح النت وجوعانه ابي شي اكله جان اشوف هالطريقه واقوم بسرعه اسويها

صج لذيذه وسريعه وقعدت احط حشوات على كيفي والعجينه خفيفه حيل حلوه

تسلمين ياقلبي

[الغروب]

المشاركة الأصلية كتبت بواسطة جواد الليل

يعطيج العافية اختي .

جواد الليل

حياك الله

تشرفت بمرورك الكريم

تقديري.

[الغروب]

المشاركة الأصلية كتبت بواسطة القرناسة

الغرووب تصدقين انه هالفطاير سويتها في يوم من الايام

حزتها كنت اتصفح النت وجوعانه ابي شي اكله جان اشوف هالطريقه واقوم بسرعه اسويها

صج لذيذه وسريعه وقعدت احط حشوات على كيفي والعجينه خفيفه حيل حلوه

تسلمين ياقلبي

القرناسة

نورتي الموضوع

صدقتي احنا انتشرت كثير خاصة في مناسبات العمل بس ماحبيت اسأل احد

وتوقعت انها صعبة بس لما بحثت الليلة ماعجبني شكل القصدير والشواية ...الخ بس لما شفت

النهاية قلت خلاص هذه اللي ادور عليها

وبالعافية وصحتين يالغالية

[MSK]

■ الغروب ■
ماشاءالله طريقه راائعه لعمل الفطائر ..!
مميزه دائما في اختياركِ ..!
لكِ باقةٌ من الورد ..!

[يوران]

حلوه الطريقه


شكلي بسويها بس متى ماادري


يعطيش العافيه ياقلبوووو

[الغروب]

المشاركة الأصلية كتبت بواسطة MSK

■ الغروب ■
ماشاءالله طريقه راائعه لعمل الفطائر ..!
مميزه دائما في اختياركِ ..!
لكِ باقةٌ من الورد ..!

MSK

يامرحبا

الشرف والتميز هو مرورك غاليتي

لك ِ ودي ووردي

[الغروب]

المشاركة الأصلية كتبت بواسطة يوران

حلوه الطريقه


شكلي بسويها بس متى ماادري


يعطيش العافيه ياقلبوووو

يوران

يامرحبا

شرفتيني بمرورك الغالي علي

اما متى تسوينها خذيها مني لاتسوين شئ الا اذا صار مناسبة

ولك ودي وتقديري.

[ليــه يازمـــن]

شكـــلهم حـــــــــلو

مشـــكوره عـــــلى الفطـــائـــر

والله يعطيك العافيه

تقبلي تحياتي